Fréttablaðið - 22.01.2011, Page 70

42 22. janúar 2011 LAUGARDAGUR
menning@frettabladid.is
Leikhús ★★★
Afinn
Höfundur og leikstjóri: Bjarni Haukur Þórsson.
Leikari: Sigurður Sigurjónsson.
Borgarleikhúsið
Barnabörnunum má skila
Einleikur á litla sviðinu. Sigurður Sigurjónsson segir
sögu sína eins og honum einum er lagið. Að verða afi
er nýtt hlutverk ungra karlmanna sem búnir eru að
afgreiða pabbahlutverkið, reyndir og góðir, leitandi að
lesgleraugunum, fjarstýringunni og að hluta til sjálf-
um sér. Öll þessi litlu atriði hversdagsins, allar þær
breytingar sem verða í lífi miðaldra fólks voru tekin
fyrir í þessum hlýlega og fyndna einleik þar sem hinn
reyndi leikari Sigurður Sigurjónsson fór algerlega á kostum.
Það hlýtur að vera vissum erfiðleikum bundið að kasta sér út í þetta form og
þessa frásögn þar sem áhorfendur eru spenntir af væntingum og ætlast bók-
staflega til þess að hver sekúnda sé fullkomið sprell. Þeir félagar Bjarni Haukur
og Sigurður hafa hér fundið lendingar sem voru að hluta til mjög persónulegar
og eins með almenna skírskotun sem ekki síður hleypti bylgjum um salinn.
Söguna um tengdasoninn sem var ekki alveg nógu fullkominn fyrir dótturina
góðu kannast nú margir við þótt hún sé oft á tíðum á hvíslustiginu eða aldrei
sögð. Sigurður leikur sjálfan sig, segir sögu sína nánast frá fæðingu og fram
að deginum í dag. Hann féll aldrei í þá gryfju að íklæðast þeim persónum
sem hann er þekktastur fyrir. Þegar hann segir frá raunum sínum í tæknilegri
ristilspeglun og síðar uppskurði, ætlaði salurinn að rifna. Það var ekki laust við
að Woodie Allen brygði stundum fyrir í öllum fettunum og brettunum.
Líf Sigurðar var alls ekki bara sprell og djók eins og fram kom í sögu hans.
Ungur missir hann elskaðan föður og er sá kafli þegar hann segir frá samskipt-
um þeirra mjög hjartnæmur og aðferðin til þess að komast í gegnum frásögn-
ina eins og áður að grípa bolta á lofti og sprengja upp salinn með fyndnum
athugasemdum. Hann situr á kolli og segir okkur farir sínar ekki sléttar þegar
hljómur háværarrar bjöllu tekur að glymja. Afinn stekkur fram, það gerir einnig
starfsmaður af svölum og leikhússtjórinn, meðan áhorfendur sátu pollrólegir og
biðu eftir meira sprelli. Hér glumdi í alvöru brunabjöllu sem hvorki leikarinn né
áhorfendur létu koma sér úr jafnvægi við að heyra í. Það er gott til þess að vita
að brunavarnir Borgarleikhússins eru í lagi meðan brunaviðbrögð áhorfenda
eru á öðru plani. Leikurinn var fjölbreyttur og líkamsbeiting nánast rassadans í
læknisskoðuninni sem líktist helst trúðafimleikum.
Leiksviðið er golfvöllur, hringlaga grasblettur og eins nýtir hans sér syllu fyrir
ofan sviðið en þar mætir hann á rafgolfbíl sem stendur náttúrulega fyrir golfið
sem á það til að heltaka karla á þessum aldri (kerlingar líka) og eins veitir
þetta svona hjólastólahughrif, ábending um ellina. Lýsingin er björt og þar sem
áhorfendur sitja í hálfhring miðast allur leikurinn við að ná til allra í skeifulaga
salnum. Samtalið við áhorfendur var mjög skemmtilegt.
Þessi einleikur bætir í sjálfu sér ekkert við hinn glæsilega feril Sigurðar
Sigurjónssonar annað en að hér gefur hann á sinn einlæga hátt úr eigin ranni,
og voru augnablikin mörg algerar perlur en þó fátt sem kom á óvart eða vakti
umhugsun. Engu að síður er víst alveg óhætt að mæla með þessari sýningu
einkum og sér í lagi fyrir nýorðna afa og þá sem þurfa að pukrast í apótek í
útjaðri Stór-Reykjavíkursvæðisins til þess að ná sér sjúdderallarei-töflur sem
ættu nú bara að fást í næstu kjörbúð. Elísabet Brekkan
Niðurstaða: Hlýlegur og fyndinn einleikur þar sem Sigurður Sigurjónsson
gefur á einlægan hátt úr eigin ranni.
Leikhópurinn Hugleikur frumsýn-
ir í dag gamanleikinn Helgi dauð-
ans eftir Sigríði Láru Sigurjóns-
dóttur.
Í verkinu beinir höfundur-
inn sjónum sínum að veruleika
íslenskra háskólanema sem reyna
eftir fremsta megni að feta einstig-
ið milli lærdóms og skemmtunar.
„Verkið gerist á einni helgi,“
segir Sigríður Lára. „Raktir eru
atburðir á heimilum þriggja ung-
menna, tvíburanna Birtings og
Ninnu og vinkonu þeirra Dagnýj-
ar, sem á afmæli. Ýmsir litríkir
vinir þeirra koma í heimsókn svo
og óboðnir gestir. Þríeykið þarf að
takast á við ófyrirséðar og óþægi-
legar uppákomur sem reyna á vin-
áttuna.“ Umhverfi sýningarinnar
sækir Sigríður Lára í eigin reynslu-
banka.
„Þetta fjallar um kommúnulíf-
ið sem maður lifði í gamla daga,
þegar menn leigðu nokkrir saman
og það voru ýmsir karakterar sem
héngu með manni.“
Þetta er fimmta leikritið í fullri
lengd sem Sigríður Lára skrifar,
það þriðja sem hún skrifar upp á
eigin spýtur. Verk hennar Ungir
menn á uppleið, í sviðsetningu
Stúdentaleikhússins 2001, og List-
in að lifa í sviðsetningu Leikfé-
lags Fljótsdalshéraðs 2006, voru
báðar valdar athyglisverðustu
áhugasýningar ársins og sýndar
í Þjóðleikhúsinu. Mest hefur hún
þó starfað með Hugleik, sem leik-
skáld, leikari og leikstjóri.
Leikstjórar eru Rúnar Lund og
Sigurður H. Pálsson. Verkið er
frumsýnt í húsnæði leikfélagsins
að Eyjarslóð 9 klukkan 20 í kvöld.
Alls verða átta sýningar. Nánari
upplýsingar má finna á hugleikur.
is. - bs
Hugleikur sýnir
Helgi dauðans
HELGI DAUÐANS Verkið fjallar um
nokkra samleigjendur sem fá nokkra
vini í gleðskap með ófyrirséðum og
óþægilegum afleiðingum.
Tenerife
15. febrúar
frá 79.900
Heimsferðir bjóða einstök tilboð
til Tenerife þann 15. febrúar.
Veðurfarið er einstaklega milt og notalegt sem og
allt umhverfi , hvort sem dvalið er við amerísku
ströndina, á Costa Adeje eða í Los Cristianos. Nú
fer hver að verða síðastur að panta sér þessa ferð
til Tenerife, því það eru fá sæti laus.
- Ekki missa af þessari ferð!
Frá kr. 109.900 – Hotel Adonis Isla Bonita ****
með allt innifalið
Netverð á mann m.v. 2 fullorðna og 2 börn, 2-11 ára í
fjölskylduherbergi í viku. Innifalið er fl ug, gisting, skattar og
„allt innifalið“ þjónusta. Verð kr. 119.900 á mann m.v. tvo
fullorðna í herbergi. Aukagjald fyrir einbýli kr. 14.180.
Ekki missa af þessum
einstöku tilboðum í sólina
- bókaðu strax!
Ath. takmarkaður fjöldi sæta og gistingar í boði – verð getur hækkað án fyrirvara!
Frá kr. 79.900 – Atlandita ***
Netverð á mann m.v. 2 fullorðna og 2 börn, 2-11 ára í smá-
hýsi með einu svefnherbergi í viku. Netverð kr. 89.900 á
mann í tvíbýli í smáhýsi með einu svefnherbergi.
Frá kr. 119.900 – Iberostar Bouganville ****
með hálfu fæði
Netverð á mann m.v. 2 fullorðna í herbergi í viku.
Aukagjald fyrir einbýli kr. 22.880. Sértilboð 1. febrúar
Á Myrkum músíkdögum verður fjölbreytt
efnisskrá að vanda. Daníel Bjarnason
stjórnar tónleikunum og semur auk þess
nýtt hljómsveitarverk. Tveir nýir íslenskir
konsertar hljóma og hinn heillandi hljóðmúr,
Atmosphéres, eftir György Ligeti verður fluttur.
Miðasala á www.sinfonia.is og 545 2500
„Mig langar
sífellt að
prófa nýja
hluti“
György Ligeti
FRÉTTIR VIÐSKIPTI ÍÞRÓTTIR LÍFIÐ UMRÆÐAN
FÁÐU FÍNA OG FRÆGA FÓLKIÐ Í HEIMSÓKN
Meiri Vísir.