Fréttablaðið - 22.01.2011, Síða 80
52 22. janúar 2011 LAUGARDAGUR
HM 2011 Mótshaldarar á HM í
Svíþjóð tilkynntu í gærmorgun
tímasetningu á leikjum milli-
riðlakeppninnar. Ísland byrjar
á því að mæta Þýskalandi í dag
klukkan 17.30, svo Spáni á mánu-
dag klukkan 15.00 og loks Frakk-
landi á þriðjudagskvöldið klukk-
an 19.30.
Það má svo geta þess að þessi
þrjú lið hafa orðið heimsmeistar-
ar í síðustu þrjú skipti sem HM
hefur verið haldið – Frakkland
árið 2009, Þýskaland árið 2007 og
Spánn árið 2005. - esá
Leiktímar ákveðnir á HM:
Ekkert nema
heimsmeistarar
HM 2011 Íslendingar eru áberandi
þegar einstakir tölfræðiþættir á
HM í handbolta
eru skoðaðir.
Alexander Pet-
ersson er þó
sá eini sem er
í efsta sæti í
tölfræðiþætti
en hann hefur
stolið bolta tíu
sinnum í leikj-
unum fimm.
Ísland hefur
skorað áberandi flest hraðaupp-
hlaupsmörk allra liða, 46 talsins
og þrettán fleiri en næsta lið.
Ísland er í þriðja sæti í bæði lang-
skotum (52) og skoruðum mörk-
um (157). Ísland er þó neðarlega á
lista yfir gegnumbrotsmörk. Tólf
slík mörk fleyta liðinu aðeins í 21.
sæti af alls 24 liðum. - esá
Tölfræðin á HM:
Alexander stel-
ur oftast bolta
ALEXANDER
PETERSSON
Vátryggingafélag Íslands hf. | Ármúla 3 | 108 Reykjavík | Sími 560 5000 | vis.is
Baráttukveðjur
frá VÍS!
Strákarnir okkar eru svo skemmtilega
ólíkir og okkur þykir óskaplega vænt
um þá alla. VÍS er stoltur styrktaraðili
íslenska landsliðsins á HM í Svíþjóð.
HM 2011 Guðjón Valur Sigurðsson var afslapp-
aður og vel stemmdur þegar Fréttablaðið hitti
á hann eftir komu landsliðsins til Jönköping
þar sem milliriðillinn verður spilaður.
„Það er fínt að byrja á Þjóðverjum. Það er
lið sem við þekkjum vel og okkur hefur geng-
ið vel með þá síðustu árin. Þeim finnst eflaust
ekkert sérstaklega gaman að mæta okkur.
Það er búin að vera smá krísa í gangi með þá.
Það er óánægja með þeirra gengi og spila-
mennsku. Við verðum að nýta okkur það og
ná yfirhöndinni. Þá vonandi ná þeir sér ekki á
strik,“ sagði Guðjón Valur.
Það hefur ekki verið hægt að sjá það á
þessu móti að Guðjón sé nýkominn á lappir
eftir tíu mánaða fjarveru. Hann er að spila
hreint frábærlega og hefur leikið mest allra
leikmanna íslenska liðsins á mótinu.
„Nei, ég er ekkert þreyttur. Það er öðruvísi
álag á mér en mörgum af hinum í liðinu. Eins
og Noregsleikurinn spilaðist til að mynda þá
var ekki mikið álag. Þá var maður meira í því
að skokka og passa sinn mann. Ég undirbjó
mig undir að spila allt mótið. Það er þjálfar-
inn sem ákveður hver er inni á vellinum og
hversu lengi. Á meðan hann biður mig um að
vera inná þá er ég þar,“ sagði Guðjón ákveð-
inn.
Hann er ánægður með að vera kominn frá
Linköping og yfir á hið glæsilega liðshótel í
Jönköping. „Það er fínt að vera kominn hing-
að. Við fengum líka stærra herbergi og erum
ekki með lyftuna á koddanum eins og á hinu
hótelinu.“ - hbg
Guðjón Valur Sigurðsson er ekki þreyttur og tilbúinn fyrir leikinn gegn Þýskalandi í dag:
Það er smá krísa hjá Þjóðverjunum
FÓTFRÁR
Guðjón Valur er hér búinn að stinga alla af og er í þann
mund að skora úr hraðaupphlaupi.
FRÉTTABLAÐIÐ/VALLI
HM 2011 Guðmundur Guðmunds-
son landsliðsþjálfari þekkir vel
til þýska liðsins en hann þjálfar í
Þýskalandi og svo lék Ísland tvo
æfingaleiki við Þýskaland skömmu
fyrir HM sem báðir unnust. Þrátt
fyrir það slakar hann og þjálfara-
teymið ekkert á við að undirbúa
liðið sem best.
„Við erum búnir að vera að
skoða hina leikina þeirra í riðlin-
um og greina þá. Þetta er alltaf
sama vinnan og það þarf að fara
í gegnum hana. Við erum búnir
að fara yfir þau atriði sem eru ný
hjá Þjóðverjum og svo leitumst við
alltaf eftir því að bæta okkar leik
í vörn og sókn,“ segir Guðmundur
en hann dvelur ekki í fortíðinni og
er ekki að ofmetnast eftir þessa
sigra rétt fyrir HM.
„Þetta er þannig bransi að það
skiptir engu hvað hefur áður gerst.
Við verðum að einbeita okkur að
því að gefa allt í leikinn. Þjóðverj-
ar mæta dýrvitlausir enda ætla
þeir að komast í undankeppni ÓL.
Það munum við auðvitað líka gera.
Okkur hefur gengið vel með þá
undanfarið en það er ekki víst að
það hjálpi okkur núna.“
Leikirnir fimm í mótinu hafa
tekið á og það er nóg að gera hjá
sjúkraþjálfurum og nuddara lands-
liðsins við að halda strákunum í
sem bestu formi.
„Þessi átök hafa tekið sinn toll.
Sverre og Diddi eru hálflemstraðir
eftir mikil átök. Svo eru menn með
ýmiss konar meiðsli hér og þar. Ég
vona að menn komist tiltölulega
heilir í gegnum þetta og við getum
spilað af fullum krafti. Við þurf-
um á öllu að halda til þess að vinna
leikinn,“ segir Guðmundur, sem
telur ágætt að byrja milli riðillinn
á Þjóðverjum.
„Við erum á ákveðinni siglingu
og þurfum að halda henni gang-
andi. Við verðum að halda þess-
ari frábæru einbeitingu áfram og
horfa á einn leik í einu. Við megum
ekki fara fram úr okkur og von-
andi fer íslenska þjóðin ekki held-
ur fram úr sér. Við verðum að
feta okkur áfram. Nú mætum við
enn sterkari liðum en í riðlinum.
Næstu leikir verða svakalegir,“
segir Guðmundur.
Liðið flutti í gær frá Linköping
til Jönköping og voru strákarn-
ir ánægðir með að komast í nýtt
umhverfi. Landsliðið er þess utan
á betra hóteli og allir vonast til
þess að maturinn sé líka skárri.
„Það er ágætt að breyta til. Tím-
inn var farinn að standa í stað í
Linköping. Það er gott að koma
hingað en það breytir ekki öllu. Við
erum bara að vinna,“ segir Guð-
mundur og glottir við tönn.
Megum ekki fara fram úr okkur
Guðmundur Guðmundsson er með báða fætur á jörðinni fyrir fyrsta leik Íslands í milliriðli HM en leikið
er í Jönköping. Strákarnir mæta Þýskalandi í dag en Ísland hefur haft gott tak á Þjóðverjum síðustu árin.
LÍFLEGUR Á LÍNUNNI Guðmundur Guðmundsson hvetur sína menn áfram ásamt línumanninum Kára Kristjáni Kristjánssyni.
FRÉTTABLAÐIÐ/VALLI
Henry Birgir
Gunnarsson
og Valgarður
Gíslason
fjalla um HM í Svíþjóð
henry@frettabladid.is - valgard.gislason@365.is
Auglýsingasími