19. júní - 19.06.1965, Qupperneq 28

sambandanna — í þessu tilfelli er það spurningin
um sambönd með hundruðum atóma — er stór-
kostlega þýðingarmikil, þegar þarf að skýra áhrif
þeirra, og ef til vill að reyna að framleiða þau
synetiskt (þ. e. sem gerviefni).
1 lofsamlegum blaðagreinum um Dorothy Crow-
foot-Hodgkin hefur því verið haldið fram, að hún
sé gædd undraverðu hugsæi, miklum viljakrafti,
skýrri hugsun, óvenjulegum persónutöfrum og
hlýju hjartaþeli. Viðkynning við hana sjálfa stað-
festir allt þetta í fyllsta máta. Hún er ein þeirra,
sem á undan ganga til þess að leiða mannkvnið
fram á við. Og við konurnar í SVK (Svenska
kvinnors Vansterförbund) fögnum því að mega
færa lesendum vorum kveðju hennar:
Það var mjög ána;gjulegt að mæta Andrea
Andreen og komast að raun um að við hljótum
að hafa staðið saman, aðeins fáein skref hvor
frá annarri fyrir fimm árum síðan í Kína.
Ég sendi ykkur öllum beztu óskir með það
verk, sem við allar verðum að inna af höndum
fyrir samstarfinu í heiminum.
Dorothr Crowfoot-Hodgkin.
(Þýtt úr „Vi kvinnor". — S. E.).
Konan, sem Dorothy Crowfoot-Hodgkin getur
um í ofangreindu skeyti er Andrea Andreen, fyrr-
verandi ritstjóri „Vi kvinnor“. — Hún hefur til
skamms tíma verið formaður sænsku kvennasam-
takanna. Hún er doktor í læknavísindum og hefur
iengi verið í varaforsæti Alþjóðasamtaka lýðræðis-
sinnaðra kvenna og látið mikið til sín taka í mann-
réttinda- og friðarmálum. Vorið 1960 kom hún
hingað til íslands í boði Menningar- og friðar-
samtaka islenzkra kvenna og flutti þá fyrirlestur
hér um hættuna af vetnissprengjutilraunum, og
sér í lagi um eitrun í andrúmsloftinu af stron-
tíum 90.
Það er ekki úr vegi að geta þess að í marz-
mánuði síðastl. sæmdi Elizabeth Bretadrottning
Dorothy Crowfoot-Hodgkin heiðursmerkinu Order
of Merit. Aðeins ein kona önnur hefur hlotið þessa
sæmd, en það var Florence Nigthinggale, fyrir
100 árum. Handhafar þessa brezka heiðursmerkis
geta aldrei orðið fleiri en 21 að sinni, nýjar veit-
ingar þess fara því aðeins fram, að einhverjir orðu-
hafar deyi. Er þeir Churhill og T. S. Elliot féllu
írá, voru það þau Dorothy Crowfoot-Hodgkin og
tónskáldið Benjamín Britten, sem heiðurinn hlutu.
ÞýSandi.
Ný lög til verndar börnum
og unglingum
Kvenréttindafélag Islands hefur á undanförnum
árum látið sig mjög skipta lög og rétt barna og
unglinga með það fyrir augum að hafa áhrif á
þau lög, sem í gildi eru í landinu, til aukins örvggis
og til verndar þeim börnum, sem undir þessi lög
heyra. Nefnd kvenna hefur nú um nokkur ár
setið, og gert breytingartillögur og ábendingar,
sem konur hafa álitið nauðsynlegar til þess að
tryggja aukið öryggi barna og foreldra.
Landsfundur kvenna á síðastliðnu vori sam-
þykkti tillögur nefndarinnar til ábendingar um
einstök lagaatriði og sendi þau dómsmálaráðuneyt-
inu. Þessi atriði Landsnefndar vörðuðu lagabreyt-
ingar ýmissa laga, svo sem sifja- og hjónabands-
laga, ættleiðingalaga, tryggingalaga og síðast en
ekki síst barnaverndarlaga.
Nú á 85. löggjafarþingi Alþingis 1964 hefur
komið fram nýtt frumvarp til laga um vernd
barna og unglinga, sem samþykkt hefur verið til
efri deildar samhljóða. Undirbiiningur að þessu
nýja frumvarpi hefur verið í hendi nefndar sem
menntamálaráðherra dr. Gylfi Þ. Gíslason skrif-
aði á árinu 1961, þeirra sérfróðu manna, um barna-
verndarmál sem við eigum meðal okkar.
I greinargerð með frumvarpinu gerir nefndin
grein fyrir, hvernig hún hagaði störfum, öflun
gagna t. d. frá Norðurlöndum og með ýtarlegri
rannsókn á framkvæmdum barnaverndarlaga og
barnaverndarnefnda hér á landi, og þá helzt í
Beykjavík, en það eru nú rúmlega 30 ár síðan
lög um vernd barna og unglinga voru fyrst sett
á íslandi.
Það má því segja að mikil reynsla sé kornin
á það, hvernig lögin voru í notkun, hverjir ann-
markar komu í Ijós á þeim, og í hverju þau voru
orðin úrelt, eftir breyttum lifnaðarháttum og að-
stæðum í landinu. Það sýnir okkur þó hvað fyrstu
lög okkar voru í mörgu réttlát og góð, að þetta
nýja frumvarp er mjög í aðalatriðum það sama.
Margar greinar þess teknar upp óbreyttar, aðrar
lítt breyttar. Aðal endurbæturnar tel ég vera ein-
mitt á þeim liðum, sem KRFI hafa látið sig mestu
varða og þótt nauðsynlegar.
26
1 9. JÚNÍ