19. júní - 19.06.1971, Page 51

Hér sjáum við svo skoplegu hliðina af ýmsum
dönsum, „Facade“, sem sýnt var af ballettflokki
íslenzkra dansara síðastliðið haust, eftir að Alex-
andor Eennett, sem kom hingað á vegum Unesco,
hafði þjáifað flokkinn í nokkra mánuði. Alex-
ander Bennett er fremstur á myndinni. Aðrir
dansarar eru Ólafur Ölafsson, Ólafía Bjarnleifs-
dóttir, Guðrún Antonsdóttir, Edda Scheving,
Oddrún Þorbjömsdóttir, Guðbjörg Skúladóttir,
Örn Guðmundsson, Helga Eldon, Gunnlaugur
Jónasson, Björg Jónsdóttir, Kristín Björnsdóttir
og Ingibjörg Björnsdóttir. — Ballettinn er eftir
Frederic Ashton og tónlist eftir W. Walton.
Síðastliðið haust fékk Fé-
lag islenzkra listdansara
styrk frá Unesco. I þvi sam-
bandi var stofnaður ballett-
flokkur íslenzkra dansara,
og eru meðlimir hans 10
stúlkur og 2 piltar. 1 stjórn
flokksins eru Edda Schev-
ing, formaður, Guðbjörg
Björgvinsdóttir, ritari, og
Örn Guðmundsson, gjald-
keri. Skozkur ballettmeist-
ari, Alexander Bennett að
nafni, kom svo til landsins
á vegum Unesco síðastliðið
sumar, og þjálfaði hann
flokkinn í þrjá mánuði.
Menntamálaráðuneytið veit-
ir einnig ballettflokknum
styrk til greiðslu kennslu-
gjalds við Ballettskóla Þjóð-
leikhússins, og eru styrk-
þegar skyldugir að mæta til
þjálfunar að minnsta kosti
þrisvar í viku.
Islenzkir dansarar hafa
dansað hér i mörgum ís-
lenzkum og erlendum ball-
ettum. Einnig hafa þeir tek-
ið þátt í mörgum óperum og
leikritum, sem ballett hefur
verið fléttaður inn í. Fyrsti
íslenzki ballettinn var „Eld-
urinn“ eftir Sigríði Ármann,
með tónlist eftir Jórunni
Viðar, sem frumsýndur var
á Listamannaþingi 1950.
önnur íslenzk verk, sem hér
hafa verið dönsuð, eru m. a.
„Ólafur liljurós" eftir Sig-
ríði Ármann, tónlist eftir
Jórunni Viðar; „Frostrósir"
eftir Ingibjörgu Björnsdótt-
ur, tónlist eftir Magnús Bl.
Jóhannsson; „Út um græna
grundu" eftir Eddu Schev-
ing og Ingibjörgu Björns-
dóttur, tónlist eftir Skúla
Halldórsson, og loks „Vetr-
ardraumar'* eftir Aðalheiði
Nönnu Ólafsdóttur, tónlist
eftir Atla Heimi Sveinsson.
Ballett þessi var frumsýnd-
ur á listdanssýningunni með
Helga Tómassyni, Elisabeth
Carroll og Ballettflokki ís-
lenzkra dansara í febrúar
síðastliðnum.
Þar sem við erum komin
að byrjuninni aftur, er rétt
að ljúka þessu spjalli með
því að óska íslenzkum ball-
ettdönsurum til hamingju
með þann árangur, sem
náðst hefur, um leið og við
vonum, að frumvarp til laga
um Þjóðleikhús, sem nýlega
hefur verið lagt fram á Al-
þingi, nái fram að ganga, en
þar er meðal annars gert
ráð fyrir stofnun ríkisskóla
fyrir leiklist, listdans og
sönglist. Stofnun slíks skóla
yrði íslenzkum ballett mikil
lyftistöng.
Sveinbjörg Alexanders, sólódansari við Kölnarballettinn, kom heim til
íslands síðastliðið sumar og dansaði við opnun listahátíðarinnar m. a.
dans við verk Griegs, „Brúðkaupsdagur á Troldhaugen“. Eiginmaður
hennar, Gray Veredon, samdi ballettinn sérstaklega fyrir þetta tækifæri.
Mótdansarinn er Truman Finney, sólódansari.
19. JÚNÍ
49