19. júní - 19.06.1984, Page 33

e.t.v. kost á betur launuðu starfi. Mér
finnst þetta lofsvert framtak kvenna.
Önnur námskeið, svo sem um forritun,
útreikninga- og áætlanagerð, eru að
sjálfsögðu sótt mest af þeim sem vinna
við slfk störf. Par virðast karlar ennþá
vera í meirihluta. Ekki er óeðlilegt að
þátttaka í námskeiðum skiptist misjafn-
lega eftir kynjum, enda vonandi, að
fólk af báðum kynjum velji sér starf
eftir áhugasviði hvers og eins, en ekki
eftir forskrift annarra.
Með tilkomu ritvinnslu og annarrar
tæknivæðingar hefur starf ritara tekið
miklum stakkaskiptum. Vera má, að
ritaraheitið eigi ekki við lengur. í
mörgum tilvikum fylgirstarfinu umtals-
verð ábyrgð - enda um að ræða öflun,
vörslu og framsetningu á upplýsingum
fyrir yfirmenn. Ritvinnslan hefur aukið
afkastagetu þessarar upplýsingamiðl-
unar, og því hefur umfang og ábyrgð
starfsins aukist."
- Erum við á eftir öðrum þjóðum hvað
varðar ritvinnslu?
„Það má segja það, ef samanburður
er gerður við t.d. Bandaríkjamenn og
Englendinga. Þegar hafa verið fram-
leidd hundruð ritvinnsluforrita á
enskum texta. Hér á landi eru aðeins
u.þ.b. 20 forrit sent unnið geta með
íslenskum texta, en ástæða þess er, hve
erfitt er að breyta erlendum forritum
þannig að nota megi íslensku stafina.
Við þurfunt sem sagt að bæta inn í for-
ritin möguleikum fyrir ein 10 ný tákn,
sem sé íslensku stafina, og þetta tekur
sinn tíma. Fleiri ástæður eru eflaust
einnig fyrir því, hve seint ritvinnslan
hófst hér á landi, en hún hófst fyrir 2-3
árum.“
- Hvenær hófst þú störfvið ritvinnslu?
„Það eru 2 og 1/2 ár síðan ég hóf störf
sem leiðbeinandi fyrir Stjórnunarfélag
íslands. Það hófst með því að ég fékk
þjálfun í einu ritvinnslukerfi og byrjaði
að kenna það á ritvinnslunámskeiðum
hjá Stjórnunarfélaginu. Síðan komu
fleiri ritvinnslukerfi í kjölfarið sem
voru kennd á námskeiðunum. Þau eru
nú orðin 6 talsins og hið sjöunda er ég
núna að undirbúa til kennslu næsta
haust.“
- Er gaman að þessu?
„Já, það finnst mér. Það er spenn-
andi að læra nýja tækni sent gerbreytir
svo vinnubrögðum sem ritvinnslan
gerir. Mér finnst alltaf gaman að læra
eitthvað nýtt til að miðla öðrurn af. ‘ fb
Friðrik Sigurðsson er forstööumaður
Tölvufræðslu Stjórnunarfélags Islands.
Hann hefur gert úttekt á því hvernig
þátttaka á tölvunámskeiðum Stjórn-
unarfélagsins skiptist milli kynja. Þar
kemur í ljós að mikill munur er yfirleitt
á því, hvaða námskeið karlmenn og
konur sækja. Við gefum Friðrik oröiö:
„Að undanförnu hafa átt sér stað
miklar umræður um stöðu konunnar í
atvinnulífinu og áhrif tæknibreytinga á
bá stöðu. Þeirri skoðun hefur mjög
verið haldið á lofti, að konum stafi ógn
af þessum breytingum. Hættan, sem
menn telja sig sjá er sú, að konur láti
tæknivæðinguna fram hjá sér fara og
sitji eftir þekkingarsnauðar í illa laun-
uðum „rútínu“-störfum.
Sent innlegg í þessa urnræðu fylgir
hér á eftir úttekt sem gerð var á þáttíak-
endum á tölvunámskeiðum Stjórnunar-
félagsins á tímabilinu september 1983
til mars 1984. Alls sóttu um 1200 manns
námskeið félagsir.s á þessu tímabili, og
athygli vakti að þátttakendur eru nán-
ast jafnmargir af báðum kynjurn. Þessi
staðreynd er þeint mun merkilegri
vegna þess að atvinnuþátttaka kvenna
er ntun minni en karla.
Karlar Konur
Grunnámskeið ... 42% 58%
Notendanámskeið ... 53% 47%
Forritun ... 70% 30%
Önnur námskeiö . . . . 90% 10%
Grunnámskeið: Á Grunnnámskeiði eru kennd
undirstöðuatriði tölvufræða, og hafa þau frá
upphafi verið langmest sóttu námskeið SFÍ:
Um það bil helmingur þátttakenda á tölvunám-
skeiðum hefur sótt þessi námskeið.
Karlar Konur
Áætlanagerð . . . . 72% 18%
Ritvinnsla . . . . 10% 90%
Gagnasafnskerfi . . . . 70% 30%
Nolendanámskeid: Á þeim er kennd notkun á
sérhæfðum hugbúnaði. s.s. ritvinnslukerfa eða
gagnasafnskerfa. Yfirgnæfandi meirihluti þátt-
takenda á ritvinnslunámskeiðum eru konur, en
Friðrik Sigurðsson.
á áætlunargerðarkerfum eru karlarnir í miklum
meirihluta. Ekki er gott að segja, hvaða á-
stæður eru fyrir þessu, en þó virðist sem hér sé
fyrst og fremst um áhuga að ræða. Ritvinnslan
höfði frekar til karla.
Forritunamámskeið: Á forritunarnámskeiðum
er kennd notkun ákveðinna forritunarmála. s.s.
Basic eða Cobol.
Önnur námskeið: Eru tiltölulega lítill hluti
heildarfjölda námskeiða. Hér eru í flestum til-
fellum námskeið stjórnunarlegs eðlis.
Auk þess að kanna heildarfjölda
karla og kvenna á einstökum náms-
keiðum var einnig gerð úttekt á úr
hvaða greinum atvinnulífsins þátttak-
endur komu. Ekki reyndist marktækur
munur á fjölda karla og kvenna. Þannig
voru um 47% þátttakenda, sem starfa
hjá hinu opinbera, konur. Fólk, sem
kom á eigin vegum en ekki fyrirtækis.
voru í 50% tilfella konur.“
Stjórnunarfélag íslands hefur í
rúma tvo áratugi verið brautryðjandi
í stjórnunarfræðslumálum á íslandi.
Á hverjum vetri býður félagið fjölda
námskeiða, innlendra sem erlendra,
auk þess að skipuleggja námsstefn-
ur, ráðstefnur og sýningar.
Oll er þessi starfsemi miðuð við
það að gera þátttakcndum atvinnu-
lífsins það kleift að viðhalda þekk-
ingu sinni og kynna sér nýjar hug-
myndir um stjórnun og rckstur.
Konur láta ekki sitt eftir liggja
33