19. júní - 19.06.1984, Síða 69

taka. Síðast í nóvember voru lögð fram
frumdrög að efnisskiptingu í væntan-
legri greinargerð og 15. desember
fengu nefndarmenn í hendur „Bráða-
birgðaniðurstöður á athugun á launa-
málum kvenna". Endanlegri greinar-
gerð skiluðu þær 21. janúar ásamt til-
lögum að efni í bækling, þar sem
nokkur atriði úr könnunum eru dregin
fram. Ber hann yfirskriftina „Nokkrar
staðreyndir um stöðu kvenna á
vinnumarkaðinum“ og var gefinn út í
10 þús. eintökum og dreift á vinnustaði
og á fundum.
Útgáfan vakti athygli. Skulu hér til-
færð fáein atriði úr greinargerð þjóð-
félagsfræðinganna:
„Atvinnuþátttaka kvenna hefur
meira en tvöfaldast frá árinu 1960.
Á árinu 1982 voru rúmlega 67 þús-
und konur með einhverjar launa-
tekjur eða 80% kvenna (16 ára og
eldri)“.
f flestum atvinnugreinum hafa
konur skemmri vinnudag en karlar.
En þegar lagður er saman vinnutími
heima og heiman er heildarvinnu-
tími kvenna síst styttri en karla“.
„Starfsval kvenna hefur verið og
er enn mjög einhliða miðað við fjöl-
breytileika vinnumarkaðarins.
Konur eru fjölmennar í tiltölulega
fáum starfsstéttum, þar sem karlar
eru ekki eða eru í miklum minni-
hluta".
„Meðallaun kvenna á ársverk eru
hæst hjá ógiftum konum 25-44 ára
og samsvara þau meðallaunum 15-
19 ára ókvæntra karla og 70-74 ára
kvæntra karla“.
„í fjórum stærstu launþegasam-
tökunum, ASÍ, BSRB, SÍB og
BHM eru um 40 þúsund konur. Það
samsvarar 48% félagsmanna við-
komandi samtaka".
í þessum niðurstöðum fengnum, var
raunhæfur grundvöllur að starfi nefnd-
arinnar lagður.
Fjölmiðlar - Fjármál
Þegar Framkvæmdanefndin var full-
skipuð í lok október var fréttatilkynn-
ing send fjölmiðlum og grein gerð fyrir
nefndinni. Einstakir nefndarmenn fylgdu
þessu eftir með stuttum greinum í
helstu dagblöðum í Reykjavík.
Hinn 21. nóvember 1983 undirrituðu
allir aðalfulltrúarnir bréf sem sent var
stéttarfélögum og samtökum launa-
fólks, alls um 180 talsins. Gerð var
grein fyrir tilurð og skipan nefndar-
innar, markmiðum og leiðum og fyrstu
verkefnum, m.a. að fyrirhuguð væru
fundahöld víða um land á fyrri hluta
ársins 1984. Mælst var til samstarfs og
þess jafnframt getið að án fjármagns
yrði fátt aðhafst. Síðan segir í bréfinu:
„Með vísan til alls þess fjölda
kvenna sent er innan raða verkalýðs-
félaganna og þeirrar fullvissu okkar
að launajafnrétti kynjanna í reynd
sé eitt af sameiginlegum baráttumál-
um allra stéttarfélaga í landinu,
leyfum við okkur að snúa okkur til
stéttarfélaga um land allt, heildar-
samtaka launafólks, svo og kvenna-
samtakanna í landinu, með ósk um
framlag til stuðnings því málefni sem
Framkvæmdanefndin hyggst beit sér
fyrir.“
Bókmerkið sem Framkvæmdanefndin
hefur látið búa til.
Starfsmannafélagið Sókn og Verka-
kvennafélagið Framsókn urðu fyrst til
að svara málaleitan nefndarinnar og
sendu hvort um sig fjárupphæð til starf-
semi hennar, nokkrir aðrir hafa síðan
fylgt á eftir.
í desember lét Framkvæmdanefndin
gera bókamerki úr silki með mynd af
karli og konu á bát merktum vinnu-
markaðinum, segjandi: „Róum jafnt á
bœði borð“. Hefur sala gefið drjúgan
skilding.
Fundir með konum í samninga-
nefndum
Með tilliti til þess að kjarasamningar
stóðu yfir á seinasta ársfjórðungi 1983
var afráðið að boða konur er sæti áttu í
samninganefndum eða unnu að kjara-
málum í sínum stéttarfélögum til sam-
ráðsfunda. Dagana 9. og 12. janúar
voru haldnir fundir með konum úr
BSRB, BHM, ASÍ og SÍB. Fyrri dag-
inn voru 3 fundir með 18 konum úr
samninganefndum og síðari daginn 2
fundir sem 15 konur sóttu. Nefndar-
menn skiptu með sér að sitja fundina og
stýra þeim, voru oftast 4-5 fulltrúar
Framkvæmdanefndar á hverjum fundi.
Vegna eindreginna óska efndi Fram-
kvæmdanefndin til sameiginlegs fundar
með konum sem unnu að kjaramálum í
stéttarfélögum. Laugardaginn 21.
janúarsóttu hann um lOOkonur. Vegna
þess hve skammur tími var til stefnu var
aðeins unnt að boða konur af höfuð-
borgarsvæðinu og nærliggjandi byggð-
arlögum.
I boðsbréfi sem sent var stjórnum
félaga er meginviðfangsefni fundarins
lýst svo:
1. Er launamisrétti kynjanna ríkj-
andi innan aðildarfélaga þinna
samtaka og í hvaða mynd birtist
það?
2. Er um að ræða sameiginlegt bar-
áttumál er snerta launamisrétti
kynjanna og þá hver, sem konur
innan allra heildarsamtaka launa-
fólks geta beitt sér fyrir sameigin-
lega?
3. Hvernig getur Framkvæmda-
nefnd um launamál kvenna best
stutt við bakið á konurn í verka-
lýðshreyfingunni og hvert á hlut-
verk og verkefni Framkvæmda-
nefndar að vera til að uppræta
launamisrétti kynjanna?
69