19. júní - 19.06.1984, Qupperneq 78

framtíðinni? Hvaða störf verða mikils
metin vegna þess að þau hafi mikið gildi
fyrir okkur sem þjóð, sem menningar-
þjóð, sem farsæla og velmegandi þjóð?
Það er að sjálfsögðu keppikefli að
aukin tækni megi verða til að stytta
vinnutíma sem verið hefur allt of langur
og líklega hvergi skilað afköstum í sam-
ræmi við lengd vegna þreytu og streitu
fólks. En það þurfa líka að koma til ný
störf.
Talað er um að skapa ný störf. Og
fjölmargar hugmyndir eru uppi um slík
störf. Talað er um útflutning á hugviti.
Talað er um annars konar iðnað en
stóriðju. Talað er um.....
En hvers þurfum við að gæta við
sköpun nýrra starfa?
Við þurfum að gæta þess að þau verði
arðbær, segja fræðingarnir. En hvað
eru arðbær störf? Hafa öll „arðbær
störf“ undanfarinna ára verið arðbær?
Spyr nú sá sem ekki veit. En sá grunur
getur þó læðst inn að ýmis útgjöld séu
stundum ekki reiknuð með við arð-
semisreikninga útgjöld af þeim toga
sem erfitt er að meta nákvæmlega til
króna. Og á sama hátt kann að vera að
uggvænlega oft gleymist að reikna
tekjur sem hvergi koma fram í bókhaldi
en skila sér í farsælla mannlífi. Auð-
vitað blandast inn í þetta umræðan um
þurftir mannanna - en þurftirnar eru
nú afstæðar og verða stundum til vegna
ytri þrýstings og án umhugsunar.
Við skulum hyggja vel að því hvað
kann að hafa farið úrskeiðis í annríki
undanfarinna ára og reyna að veita
þeim þáttum forgang. Áherslan verður
þá fremur lögð á mannlega líðan en að
einblína á efnahagslega velsæld óháð
því hvaða verði hún er keypt. Áherslan
verður þá á að hlúa að fræðslumálum
fyrir öll aldursskeið ekki síður en
líkamlegum heilbrigðismálum.
Við eigum ekki að hafna þeim tæki-
færum sem tæknibyltingin býður okkur
en á sama hátt og við notuðum tækni-
byltinguna á heimilum til þess að losa úr
viðjum aldagamlar verkaskiptingar
innanhúss eigum við að nota tækni-
byltingu á vinnustöðum utan heimilis
og að færa út kvíar heimilisumhyggj-
unnar með því að virða betur þau störf
sem efla slíkt og búa betur að þeim sem
þau störf stunda. Það yrði án efa þjóð-
hagslega arðbært.
HP Helgarpósturinn
Blaðið sem strákarnir búa til
og stelpurnar lesa
78