Sólskin - 01.07.1936, Síða 33

í eitthvert vik hér við Tjörnina, sem þá aldrei
frysi. Þangað myndu svo safnast villtir fugl-
ar, álftir og endur, þegar öll vötn væru fros-
in, og þar mætti svo gefa þeim. Þetta er gert
sums staðar erlendis.
Mjói: Það eru heilar breiður af baldursbrá
hér við Tjörnina, þar sem engin hvít blóm
eru á. Hvernig getur staðið á því?
Ingveldur: Það er ekki baldursbrá. Það er
útlend jurt, sem hingað hefir borist fyrir svo
sem þrjátíu árum. Hún er náskyld baldurs-
bránni, en það koma engin hvít blóm á hana,
heldur aðeins gulir hnúðar, og svo er hún frá-
brugðin að því leyti, að það er megn ilmur af
henni; en af baldursbrá er enginn ilmur.
Mjói: Þetta þarf eg að segja strák, sem eg
þekki. Hann safnar jurtum. Hann hélt eins
og eg, að þetta væri baldursbrá. Hann þurk-
ar þessar jurtir, sem hann safnar, og límir
þær á blöð, eina jurt á hvert blað. Og hann
safnar aldrei nema einni jurt af hverri teg-
und.
Þormóður: Já, eg hefi séð svoleiðis safn, en
eg held, að það sé ekkert gaman að eiga það.
Ingveldur: Það getur verið að það sé ekk-
ert gaman að eiga jurtasafn, sem aðrir hafa
safnað, en það er gaman að safna jurtum.
31