Fréttablaðið - 11.12.2010, Page 40

40 11. desember 2010 LAUGARDAGUR
É
g er fremur lítið fyrir að gera áætl-
anir fram í tímann. Ég kýs frek-
ar að halda áfram að vinna mikið,
vera duglegur og sýnilegur, og sjá
svo bara hvað gerist. Ætli það sé
ekki rétta leiðin til að fara í þess-
um bransa,“ segir Sigurður Eggertsson, eða
Siggi Eggertsson eins og hann er jafnan kall-
aður, sem hefur vakið athygli víða um heim
fyrir myndskreytingar sínar og hönnun
undanfarin ár.
Nú síðast sá Siggi um umslag og hönnun
plötunnar Pólýfóníu með Orgelkvartettin-
um Apparat, en mikill meirihluti álitsgjafa
Fréttablaðsins taldi umslagið hið besta sem
gert hefur verið á Íslandi á þessu ári í könnun
sem birt var um síðustu helgi. Þótti umslag-
ið bera sterkum höfundareinkennum Sigga
vitni.
„Það var mjög gaman að vinna með Apparat,
enda er hún ein af mínum uppáhaldshljóm-
sveitum íslenskum. Fyrir plötuna bjó ég til
skjaldarmerki fyrir hvern meðlim í bandinu,
sem allir standa fyrir vissar þjóðfélagsstétt-
ir, og líka skjaldarmerki fyrir öll lögin á plöt-
unni. Á sjálfu umslaginu eru svo öll þessi
skjaldarmerki sett saman
í eitt, eins konar samein-
ingarskjaldarmerki. Þetta
gerði ég í miklu samstarfi
við meðlimi hljómsveit-
arinnar og fékk frá þeim
góðar útskýringar á því
um hvað málið snerist.
Allt í gegnum internetið,
milli landa,“ segir Siggi.
Einfaldar hlutina
„Það hefur verið svolítið
mikið flakk á mér í gegn-
um tíðina,“ segir Siggi,
sem býr þessa stundina í Berlín en hefur þó
umboðsmann í London. „Öll vinnan mín fer
í gegnum London og engir af mínum kúnn-
um eru í Þýskalandi. Ég er með stúdíó heima
hjá mér og þarf ekki meira pláss en það, því
þetta er mjög fyrirferðarlítið starf. Í rauninni
get ég unnið hvar sem er í heiminum,“ bætir
hann við og það eru orð að sönnu, því á ferlin-
um hefur hann meðal annars búið í London,
New York og á Tálknafirði, auk Berlínar og
Reykjavíkur.
Hann er þó fæddur og uppalinn á Akur-
eyri, þar sem aðaláhugamál hans sem barn og
unglingur voru að teikna og leika sér í tölvum.
„Mig minnir að ég hafi verið fjórtán ára þegar
ég áttaði mig á því að eitt ákveðið fag sam-
einaði þessi tvö áhugamál, en það var grafísk
hönnun, og þá ákvað ég að þetta
væri það sem ég vildi gera í líf-
inu,“ rifjar Siggi upp.
Hann komst inn í Listaháskóla
Íslands einungis átján ára gam-
all og flutti þá til Reykjavíkur,
þaðan sem hann lauk námi í graf-
ískri hönnun árið 2006. Hann
segist þó fljótlega hafa uppgötv-
að að honum þyki skemmtilegast
að teikna og hefur því sérhæft
sig nokkuð, aðallega í myndskreytingum af
flestu tagi, til að mynda fyrir tímarit, á fatnað,
plaköt, plötuumslög, stóra veggi og í raun allt
milli himins og jarðar, en einnig týpógrafíu
eða prentlist.
Aðspurður segist Siggi eiga í erfiðleikum
með að lýsa sínum eigin stíl og aðferðum með
góðu móti, en hallast helst að því að einföldun
leiki þar lykilhlutverk.
„Ég er mikið í því að taka raunverulega
hluti og einfalda niður í geómetrísk form.
Myndskreyting þekkist varla sem fag hérna
á Íslandi og það er borin frekar lítil virðing
fyrir greininni. Vegna smæðar markaðar-
ins er alls ekki hægt að lifa á slíku hér. Til
dæmis er það mjög greinilegt í íslenskum aug-
lýsingaherferðum, en þar eru nánast alltaf á
ferð ljósmyndir af fólki eða eitthvað í þeim
dúr. Því má segja að ferillinn hafi í raun ekki
farið almennilega í gang fyrr en ég flutti til
útlanda. Það var nauðsynlegt fyrir mig og
líklega flesta þá sem vilja ná langt í því sem
þeir gera. Samt kem ég alltaf til Íslands inn
á milli.“
Spái lítið í umfjöllun
Siggi hefur ávallt kosið að starfa sjálfstætt
og segir það til að mynda aldrei hafa átt við
sig að vinna á auglýsingastofu, níu til fimm
vinna henti honum illa.
Meðal þekktra fyrirtækja sem hann hefur
unnið verkefni fyrir má nefna fatamerkin
H&M og Stüssy, Microsoft og Nike, en fyrir
það síðastnefnda vann Siggi risavaxna mósa-
ík-veggskreytingu af körfuknattleiksmann-
inum Patrick Ewing fyrir verslun í Harl-
em í New York. Árið 2008 hannaði hann svo
umslagið fyrir breiðskífu hinnar heims-
frægu hljómsveitar Gnarls Barkley, sem
víða vakti töluverða athygli. Raunar hefur
verið fjallað mikið um Sigga í hinum ýmsu
tímaritum og bókum síðustu árin.
„Þessi verkefni sem flestir hafa séð eru
samt ekkert endilega þau sem mér þykir
vænst um,“ segir Siggi, „heldur miklu frekar
þau sem ég ákveð að gera fyrir sjálfan mig,
þar sem ég sem persóna og listamaður fæ að
skína betur í gegn. Ég hef líka fengið mun
fleiri verkefni út á það sem ég hef gert fyrir
sjálfan mig en þessi stóru fyrirtæki. Svona
stór verkefni gera mann auðvitað sýnilegri
og auðvitað er áhugi og umfjöllun góð fyrir
egóið af og til, en ég reyni að spá ekki of
mikið í þess háttar hluti. Það er bara óhollt
að hugsa of mikið um slíkt.“
Langar að vinna með LeBron
Eins og áður sagði er Siggi lítið fyrir að gera
miklar áætlanir fyrir framtíðina. Hann seg-
ist aldrei hafa þurft að eltast við ákveðin verk-
efni heldur alltaf verið í þeirri stöðu að þau
hafi rekið á fjörur hans.
„En auðvitað eru alltaf einhver verkefni
sem mig dreymir um að vinna,“ segir hann
og nefnir meðal annars að hanna peninga,
plötuumslag fyrir Björk og vinna með körfu-
boltamanninum LeBron James sem dæmi um
draumaverkefni sín.
„Svo væri örugglega rosalega gaman að
hanna treyjur fyrir Chelsea. Ég hef gert ein-
hverjar skissur sem eru faldar í tölvunni
minni og enginn annar hefur séð, en ætli ég
myndi ekki einfalda hönnunina á treyjunni
aðeins. Ég er tilbúinn í verkefnið og Roman
Abramovich má endilega hringja í mig,“ segir
Siggi og hlær að lokum.
Roman má endilega hringja
Mynd frá Berlín sem Siggi gerði fyrir alþjóðlega hönnunartímaritið Eye Magazine og eitt af sex plakötum sem
Siggi vann fyrir íþróttavörufyrirtækið Nike í tengslum við HM í knattspyrnu í sumar.
Í MIÐBÆNUM Siggi Eggertsson hefur verið á töluverðu flakki undanfarin ár en býr nú í Berlín, þótt störf hans fari í gegnum umboðsmann í London.
„Það er eitthvað við Berlín sem heillar mig, ég er hrifinn af sögunni og svo er allt svo vítt og breitt þar. Þar fær maður líka meira fyrir peningana sína
en í flestum öðrum stórborgum í Evrópu,“ segir Siggi. FRÉTTABLAÐIÐ/VALLI
BERLÍN OG AFRÍKA
Útskriftarverkefni Sigga úr Listahá-
skólanum var bútasaum-
steppi, en myndefnið
byggði hann á hlutum sem
mótuðu hann í æsku eins
og körfuboltahetjunni
Michael Jordan, legókubb-
um og flugvélamódelum.
Teppið er 2x2,5 metrar að
stærð og er samansett úr
10.000 bútum. Siggi hefur
einnig haldið sýningu á
portrettum af eftirlætis-
íþróttamönnum sínum og
aðra þar sem hann raðaði
körfuboltaspjöldum, sem
hann safnaði í æsku, upp í
mósaíkverk.
„Ég er lúmskur íþrótta-
áhugamaður, horfði mikið
á körfubolta í æsku og hef
gaman af honum, fótbolta
og bardagaíþróttum, en
það er dálítið fyndið að
um leið og ég vann eitt eða
tvö íþróttatengd verkefni
vildi allt í einu her fólks fá mig til að gera eitthvað svipað fyrir sig,
sem kom mér svolítið á óvart. Í þessum verkefnum var ég líklega að
gera upp æskuna á vissan hátt. Æskan mótaði mig, hún er þarna og
mér finnst mjög gott að vinna með hana.“
■ GERIR UPP ÆSKUNA
Siggi Eggertsson hefur vakið
athygli fyrir myndskreytingar
sínar og hönnun undanfarin
ár, nú síðast fyrir plötuumslag
Orgelkvartettsins Apparat sem
var valið besta umslag ársins
í Fréttablaðinu. Kjartan Guð-
mundsson ræddi við Sigga um
störf hans og draumaverkefni.