Fréttablaðið - 01.04.2011, Blaðsíða 37

1. apríl föstudagur 7
hefði ekki liðið vel þarna. Það eina
sem ég sætti mig aldrei almenni-
lega við var karlaveldið sem er við
lýði þarna og ég barðist mikið fyrir
réttindum mínum og viðurkenn-
ingu í starfi. Ítalskir karlmenn eru
óttalegar karlrembur, það verður
ekki af þeim tekið.“
Systa á soninn Ísak sem er
þriggja mánaða gamall og líkir
hún fæðingu hans við himna-
sendingu. „Allar vinkonur mínar
eiga hálf fullorðin börn og eru
hættar barneignum nú þegar ég
loks eignast mitt fyrsta,“ segir
hún og bætir við: „Stundum er
bara eins og eitthvað gerist sem
segir að maður eigi að breyta til
og þetta var þannig atvik. Ég var
búin að búa í ferðatösku í mörg
ár, vann flesta daga vikunnar og
var mjög upptekin af minni vinnu
og óléttan fékk mig aðeins til að
stoppa, slappa af og njóta þess að
vera til. Ísak kom í raun eins og
himnasending, ég átti alls ekki
von á því að verða ólétt. Þetta er
ótrúleg lífsreynsla og gefur manni
mikið þó þetta séu auðvitað mikil
viðbrigði eftir að hafa hugsað að-
eins um rassinn á sjálfum sér í
öll þessi ár,“ segir hún og brosir.
SAKNAR VEÐURBLÍÐUNNAR
Á meðgöngunni ákvað Systa að
hún vildi ala Ísak upp á Íslandi
en viðurkennir að heimþráin
hafi verið farin að segja til sín
nokkru áður en það gerðist. „Ég
ætlaði að flytja heim árið 2008
en þá skall kreppan á og ég frest-
aði heimferðinni þar til núna. Það
er mikil „krísa“ í Ítalíu núna og
til dæmis mikil skerðing á fjár-
magni til menntamála. Foreldrar
þurfa til dæmis að senda börn sín
með klósettpappír og sápu í skól-
ann því þeir hafa ekki fjármuni til
þess að kaupa slíkt. Mig langaði
miklu frekar að ala barnið mitt
upp hér heldur en þar og þess
vegna ákvað ég að koma heim,“
útskýrir hún.
Innt eftir því hvort það sé eitt-
hvað sem hún sakni frá Mílanó
segist hún helst sakna veður-
blíðunnar sem ríkir þar nánast
allan ársins hring. „Svo saknar
maður auðvitað stórborgarbrags-
ins. Þar var alltaf nóg um að vera
og nóg að gera. En svo hugsa ég;
„Hvað gerði ég eiginlega mikið af
því sem hægt var að gera?“. Mér
finnst annars voða gott að vera
komin heim í faðm fjölskyldu
minnar og vina og nýt þess að
borða slátur, kjötsúpu og annan
þjóðlegan mat,“ segir hún.
Þegar Systa er að lokum spurð
út í framtíðaráform sín er hún
fljót til svars; „Ætli ég byrji ekki
á því að kynna mig fyrir fólki því
ég þekki ekki marga í bransan-
um hér. En ég ætla líka að halda
tengslunum við útlönd svo ég geti
haldið áfram að taka að mér verk-
efni þar inn á milli,“ segir hún.
Þessi mynd er af tökustað
á auglýsingu í Suður-Afr-
íku.
Myndin er af
samstarfskon-
um á örlaga-
stundu!
Verk unnið með vinkonu minni,
Siggu Heimis, í tengslum við Hönn-
unarMars þar sem sokkabuxur fengu
nýtt hlutverk.
✽
b
ak
v
ið
tj
öl
di
n
Allar upplýsingar á www.hreyfing.is
FANTA
GOTT
FORM
NÝ
TT
!
6-vikna námskeið fyrir konur og karla
Æfingakerfið byggist á einföldum æfingum sem þjálfa upp þol, styrk og snerpu
á skjótan og hnitmiðaðan hátt. Grunnbrennsla eykst og í hverjum
tíma myndast eftirbruni í líkamanum sem gerir það að verkum að
hitaeiningabrennsla heldur áfram á auknum hraða í nokkrar
klukkustundir eftir að æfingu lýkur.
Skráðu þig á þetta öfluga námskeið og vertu í fanta góðu formi í sumar.
Það er aldrei of seint að skora á sjálfa/n sig og komast í sitt besta form.
Skráning í vefverslun Hreyfingar á www.hreyfing.is eða í síma 414-4000.
Fanta gott form er æfingakerfi frá
Hollywood sem hefur algjörlega
slegið í gegn á Íslandi!