Fréttablaðið - 14.05.2011, Qupperneq 8

14. maí 2011 LAUGARDAGUR8
LÖGREGLUMÁL Íslensk kona á
þrítugs aldri var tekin með fíkni-
efni innvortis í Leifsstöð fyrr í
þessari viku. Hún var úrskurðuð í
vikulangt gæsluvarðhald. Hæsti-
réttur staðfesti þann úrskurð.
Konan var að koma frá Hol-
landi þegar tollverðir stöðvuðu
hana við hefðbundið eftirlit. Hún
reyndist vera með hvítt fíkniefni
innvortis. Um nokkurt magn af
kókaíni var að ræða. Konan hefur
ekki komið við sögu hjá lögreglu í
fíkniefnamálum áður. - jss
Ung kona í gæsluvarðhald:
Var tekin með
kókaín innvortis
VERSLUN Kjötafurðastöð Kaupfélags Skagfirð-
inga (KS) hyggst afnema skilarétt verslana
á kjötvöru frá fyrirtækinu. Er þetta gert til
að bregðast við banni á forverðmerkingum á
kjötvöru.
„Með þessum nýju reglum getur búðin alveg
stýrt álagningu og þá getur komið fyrir að hún
leggi tuttugu prósenta álag á eina vöru og fjöru-
tíu prósenta álag á aðra sambærilega vöru. Þá
situr auðvitað varan með fjörutíu prósenta álag
eftir og henni er skilað án þess að við höfum
nokkuð um það að segja,“ segir Ágúst Andrés-
son, forstöðumaður kjötafurðastöðvar KS.
Samkeppniseftirlitið hefur sagt nýju
reglurnar skapa grundvöll fyrir virkari
verðsamkeppni milli verslana, sem ætti til
lengri tíma að leiða til lægra verðs. Ágúst
segir eina möguleikann á því að verð lækki
vera þann að verslanir taki fulla ábyrgð á þeim
vörum sem þær kaupi inn þannig að þær sjái
sér meiri hag í því að lækka verð á vörunni
þegar hún nálgist síðasta söludag.
Guðmundur Marteinsson, framkvæmda-
stjóri Bónus, og Bjarni Friðrik Jóhannesson,
rekstrarstjóri Nóatúns, segja báðir að breyt-
ingin hafi lítil áhrif á sínar verslanir. Fæstar
þeirra kjötvara sem þær selji hafi skilarétt.
Hjá Norðlenska og Sláturfélagi Suðurlands
eru engar áætlanir uppi um afnám skilaréttar,
samkvæmt frétt Bændablaðsins um málið. - mþl
Kaupfélag Skagfirðinga bregst við banni um forverðmerkingar á kjötvöru:
Afnema skilarétt verslana á kjötvöru
KJÖTVÖRUR Breytingar gætu orðið á verðlagningu
kjötvara í verslunum með breyttum viðskiptaháttum.
FRÉTTABLAÐIÐ/PJETUR
Lögreglustjórinn á Snæfellsnesi hefur
ákært fjóra karlmenn fyrir húsbrot.
Þeim er gefið að sök að hafa í sam-
einingu ruðst heimildarlaust inn í
íbúðarhúsið að Viðvík á Hellissandi.
DÓMSTÓLAR
Fjórir brutust inn í hús
ÖRYGGISMÁL „Íslendingar geta
náttúrlega sagt sig úr Schengen,“
segir Ögmundur Jónasson innan-
ríkisráðherra.
Hann svarar þannig spurningu
blaðsins um hvaða úrræði íslensk
stjórnvöld hafi til að hafa áhrif á
þær ákvarðanir sem innanríkis-
ráðherrar Evrópusambandsþjóð-
anna eru að taka þessa dagana
um framtíð Schengen-samstarfs-
ins. Ögmundur sat ekki fund
ráðherranna á fimmtudag.
Hann tekur fram að ekki sé víst
að úrsögn úr Schengen sé eina
leið Íslendinga til að hafa áhrif á
gang mála, né leggur hann til að
sú leið verði farin að óathuguðu
máli. Hann minnir á andstöðu sína
við þátttöku Íslands í Schengen-
samstarfinu á sínum tíma en er
ánægður með hugmyndir innan-
ríkisráðherranna um að aðildar-
ríki Schengen fái rýmri heimildir
til að sinna landamæraeftirliti.
„Það sem mér sýnist menn
vera að gera núna er að opna á þá
hugsun að nýta kostina sem fylgja
Schengen, sem felast í samvinnu
lögreglu- og dómsyfirvalda í bar-
áttu gegn glæpagengjum. Það eru
ótvíræðir kostir. Hitt er ókostur
að geta ekki fylgt eftir ákvörð-
unum sem teknar eru í einstökum
ríkjum með virku eftirliti. Þessi
mál virðast vera að komast í
endurmat og það tel ég mjög gott,“
segir hann.
Almennt segir Ögmundur að
aukinn þrýstingur hafi verið
á endurskoðun Schengen-sam-
starfsins á Íslandi og þingmenn
hafi meðal annars viljað gera
úttekt á kostum og göllum þess.
Þar hafi verið viðraðar áhyggj-
ur af því að innlend yfirvöld hafi
ekki nægilegt svigrúm til að sinna
gæslunni.
„Þessar áhyggjur eru ekki
bundnar við Ísland og þessi
ákvörðun innanríkisráðherra
Evrópusambandsins endurspegl-
ar það. Ég tel hana vera mjög til
góðs,“ segir Ögmundur. Hann
telur að Ísland geti tekið undir
með fundinum. klemens@frettabladid.is
Getum hætt
í Schengen-
samstarfinu
Innanríkisráðherra er ánægður með hugmyndir
ráðherra ESB um framtíð Schengen-samstarfsins.
Gætum sagt okkur úr samstarfinu, segir ráðherra.
ÖGMUNDUR JÓNASSON Ráðherra segist ánægður með áform innanríkisráðherra ESB
um framtíð Schengen-samstarfsins og vill að þjóðríkin geti haft frjálsari hendur til að
sinna landamæraeftirliti gagnvart glæpagengjum og dæmdum mönnum.
FRÉTTABLAÐIÐ/STEFÁN
Innanríkisráðherrar Evrópusambandsins tóku á fimmtudag undir tillögur
framkvæmdastjórnar sambandsins um að styrkja þyrfti ytri landamæri
Schengen-svæðisins svo hægt yrði að stöðva straum flóttamanna sem vildu
komast inn í hlýjuna. Tillögurnar koma til afgreiðslu á leiðtogafundi sam-
bandsins í júlí, en eru enn í vinnslu.
Gert er ráð fyrir því að einstök aðildarríki fái auknar heimildir til að grípa til
neyðarráðstafana á landamærum sínum, hefja þar reglubundið vegabréfa-
eftirlit og vísa fólki frá, jafnvel þótt það komi frá öðrum Schengen-ríkjum.
Þetta eiga þó aðeins að vera tímabundnar ráðstafanir, sem grípa má til
þangað til ytri landamæri svæðisins hafa verið styrkt með sameiginlegum
aðgerðum.
Hugmyndin er sú að efla mjög úrræði ESB til sameiginlegra aðgerða til
að aðstoða ríki á ytri landamærum svæðisins við að stöðva skyndilegan
straum fólks, og létta þannig áhyggjunum af öðrum ríkjum sem óttast að
fólkið haldi áfram för sinni innan svæðisins.
Tillögur framkvæmdastjórnarinnar gera síðan einnig ráð fyrir því að allar
löglegar fólks milli landamæra verði auðveldaðar, þrátt fyrir tímabundnar
neyðarráðstafanir.
Einnig er lögð áhersla á að ljúka á næsta ári við mótun sameiginlegrar
stefnu í málefnum hælisleitenda, sem eiga að taka þrýstinginn af þeim
ríkjum sem eru á jaðri svæðisins.
Með þessum ráðstöfunum á að koma í veg fyrir einhliða ákvarðanir
aðildarríkja Schengen um að taka upp landamæraeftirlit.
Innanríkisráðherrarnir voru kallaðir á aukafund til að hraða þessum
breytingum vegna ástandsins á Ítalíu og Frakklandi, þar sem tugir þúsunda
flóttamanna frá Norður-Afríku hafa streymt inn í löndin á síðustu vikum.
Vilja styrkja ytri landamæri Schengen
1. Hvaða félag kærði kennara í
guðfræði til siðanefndar Háskóla
Íslands?
2. Hverjir munu stýra vikulegum
þætti á Stöð 2 næsta vetur?
3. Hver var valinn leikmaður 3.
umferðar Íslandsmótsins í knatt-
spyrnu af Fréttablaðinu?
SVÖR
1. Vantrú 2. Björn Bragi Arnarsson og
Þórunn Antonía Magnúsdóttir.
3. Matthías Vilhjálmsson
VEISTU SVARIÐ?