Fréttablaðið - 14.05.2011, Qupperneq 104

14. maí 2011 LAUGARDAGUR60
Dagblöð og vefsíður í Bandaríkj-
unum hafa fylgst grannt með
deilum bandaríska leikarans Will
Smith og íbúa í SoHo-hverfinu
í New York en þar fara nú tökur
fram á þriðju myndinni í MIB-
myndaflokknum. Will Smith hefur
löngum verið þekktur fyrir ofvax-
ið egó en þykir hafa farið fram
úr sér með nýjasta uppátækinu.
Íbúar hverfisins ráku nefnilega
upp stór augu þegar vörubíll af
stærstu gerð kom fyrir risavöxn-
um íbúðarvagni í miðju íbúðar-
hverfinu.
Íbúðarvagninn er allur sá glæsi-
legasti, um það verður ekki deilt,
enda þarf Smith að punga út
níu þúsund dölum í leigu á viku.
Hann er 107 fermetrar á tveimur
hæðum og skartar meðal annars
sérstöku kvikmyndaherbergi með
100 tommu sjónvarpsskjá, skrif-
stofu fyrir aðstoðarmenn, stóru
svefnherbergi og granítlögðu bað-
herbergi. Vagninn er á 22 hjólum
og vegur í kringum þrjátíu tonn.
Hvorki meira né minna.
Nágrannarnir tóku þessu
illa, jafnvel þótt þetta væri Will
Smith, enda stóð vagninn í miðju
hverfinu og skyggði á allt og alla.
Bandaríska dagblaðið The New
York Post fór á stúfana og ræddi
við nokkra íbúa í hverfinu og þeir
voru flestir á einu máli um að
hegðun Smith væri til háborinnar
skammar fyrir hann og tökuliðið.
Að endingu neyddist borgar-
stjórinn í New York, Michael
Bloomberg, til að blanda sér í
málið. Hann skipaði leikaranum í
gær að færa ferlíkið og koma því
fyrir á minna áberandi stað. „Hver
þarf svona stóran íbúðarvagn? Ég
vissi ekki einu sinni að það væri
hægt að fá þá svona stóra,“ hefur
New York Post eftir borgarstjóran-
um. Í kjölfarið var send út yfirlýs-
ing frá skrifstofu borgarstjóra. Þar
Borgarstjóri skammar Smith
kom fram að til að minnka ónæðið
af tökum á MIB 3 fyrir íbúa SoHo-
hverfisins hefði skrifstofa borgar-
stjórans í New York beðið aðstand-
endur um að færa íbúðarvagninn á
einkasvæði, og var það gert. Þegar
Will Smith var sjálfur spurður útí
málið hafði hann fátt um það að
segja: „Ég bara skil ekki öll þessi
læti.“ freyrgigja@frettabladid.is
Jesse James, sem er í hópi hötuð-
ustu karlmanna Bandaríkjanna
eftir að hafa svikið Óskarsverð-
launaleikkonuna Söndru Bullock,
segist hafa átt að fara fyrr frá
Hollywood-stjörnunni. James,
sem er ákaflega virtur mótor-
hjólasmiður, viðurkennir að hann
hafi ekki sýnt fyrrum eiginkonu
sinni þá virðingu sem hún hafi
átt skilið. „Ég hefði átt að vera
hreinskilinn og fara frá henni.
Ef ég vildi hlaupa af mér einhver
horn þá hefði það verið það rétta
í stöðunni,“ sagði James í samtali
við sjónvarpsþátt Piers Morgan á
CNN.
Skilnaður Bullock og James
vakti mikla athygli enda var leik-
konan þá nýbúin að hreppa Ósk-
arsverðlaunin. Fjölmiðlar upp-
lýstu að James hefði átt vingott
við húðflúrfyrirsætuna Michelle
„Bombshell“ McGee en hann er
núna trúlofaður húðflúrlista-
manninum Kat Von D. Mótor-
hjólakempan upplýsir jafnframt
að hann sé feginn að vera laus við
þessa Hollywood-veröld Bullock,
fólk sé ekki einlægt í þeim heimi.
„Hún þakkaði mér fyrir Óskarinn
en það var ekki einlægt, hún hafði
flutt þessa ræðu við fjórar aðrar
verðlaunaafhendingar.“
Átti að fara fyrr
SÁTTUR Jesse James kveðst sáttur við að
vera laus undan gerviveröld Hollywood
en viðurkennir að hann hefði átt að fara
fyrr frá Söndru Bullock.
Breski leikarinn Jude Law
kveðst vera orðinn of gam-
all til að leika hjartaknús-
ara á hvíta tjaldinu. Hinn
38 ára gamli Law leikur
svikinn eiginmann á móti
Keiru Knightley í Önnu
Kareninu sem sýnd er á
kvikmyndahátíðinni í Can-
nes um þessar mundir.
Law lét þessi orð falla í sam-
tali við blaðamann Daily Mail
en leikarinn hefur hingað til
verið eitt helsta kyntákn
kvikmyndanna.
En leikarinn er ekki að
láta þetta fara í taugarn-
ar á sér, hann segist njóta
þess að kvikmyndahúsa-
gestir einblíni ekki eingöngu á
útlit hans heldur horfi núna
á frammistöðu hans. „Fólk
var alltaf að horfa á hvern-
ig ég leit út. Það var mjög
erfitt á sínum tíma. Núna
einbeiti ég mér aðallega að
því að verða viðurkenndur
sem leikari.“
Er orðinn of gamall
EKKERT SMEYKUR
Jude Law kveðst
ekkert vera smeyk-
ur við elli kerlingu,
hún bjóði bara
upp á fleiri val-
möguleika.
BLESS ÍBÚÐARVAGN
Will Smith varð að færa risavaxinn
íbúðarvagn sinn samkvæmt beiðni
frá borgarstjóranum í New York,
Michael Bloomberg. Íbúðarvagninn
er 107 fermetrar, er á 22 hjólum og
vegur í kringum þrjátíu tonn.
Hjólabrettagoðsögnin Tony
Hawk kom til landsins í
vikunni og bræddi hjörtu
Íslendinga eins og smjör.
Hann leit við í hjólabretta-
húsi í Reykjavík og hitti þar
nokkra aðdáendur.
„Hann [Tony Hawk] er orðinn
múltímilljóner. Samt er hann ennþá
trúr rótum sínum,“ segir Egill
Tómasson, starfsmaður Iceland
Airwaves og hjólabrettamaður af
gamla skólanum.
Hjólabrettagoðsögnin Tony
Hawk kom til landsins á þriðjudag-
inn ásamt Cathy Goodman, kær-
ustunni sinni. Hawk birti mynd af
sér í Bláa lóninu á miðvikudaginn
og mætti svo um kvöldið á Range
Rover-jeppa í Reykjavík Skatepark
þar sem hann renndi sér á bretti
ásamt nokkrum heppnum hjóla-
brettaköppum.
Egill var einn af þeim sem
hitti Hawk á miðvikudagskvöld-
ið, en hann segir það hafa verið á
stefnuskránni frá því á níunda ára-
tugnum. „Hann er búinn að vera
goðsögn frá því að menn fóru af
brimbrettunum á hjólabrettin,“
segir Egill. „Ég leit þvílíkt upp til
hans.“
Tony Hawk hefur komið víða
við á löngum ferli og hagnast vel.
Hann er orðinn 43 ára gamall, átti
afmæli á fimmtudaginn, en er
ennþá í fullu fjöri. „Ég myndi vilja
fá hann með lið og halda almenni-
lega sýningu,“ segir Egill, en
Hawk er einmitt staddur með slíka
sýningu í Svíþjóð í dag. „Þessi
gaur er einstakur. Hann er búinn
að vera í fremstu röð frá 1986-87.“
Söngvarinn Júlí Heiðar var
einnig meðal þeirra sem hittu
hjólabrettagoðsögnina í Reykja-
vík. Hann er ekki hjólabretta-
kappi sjálfur, en hefur spilað
tölvuleikina sem Tony Hawk
leggur nafn sitt við í nokkur ár.
„Þetta var fáránlega nett, maður
hefur séð hann í tölvuleikjum og
í sjónvarpinu, að sjá svo allt í einu
manneskjuna,“ segir Júlí Heið-
ar og játar að Hawk sé afar við-
kunnanlegur náungi. „Hann var
að sýna þvílíka takta. Það var svo
gaman að horfa á þetta, ég er eng-
inn hjólabrettaaðdáandi en það var
gaman að horfa á hann.“
atlifannar@frettabladid.is
Forrík hjólabrettagoðsögn
og hvers manns hugljúfi
Lífeyrissjóður starfsmanna
Kópavogsbæjar
Starfsemi LSK á árinu 2010
Allar fjárhæðir í milljónum króna
Breytingar á hreinni eign til greiðslu lífeyris 31.12. 2010 2009
Samtals Samtals
Iðgjöld 189 174
Lífeyrir -223 -198
Fjárfestingatekjur 207 389
Fjárfestingargjöld -8 -7
Rekstrarkostnaður -20 -17
Aðrar tekjur 28 24
Hækkun á hreinni eign á árinu 172 365
Hrein eign frá fyrra ári 2.801 2.437
Hrein eign til greiðslu lífeyris 2.974 2.801

Efnahagsreikningur
Fasteign, rekstrarfjármunir og aðrar eignir 12 11
Verðbréf með breytilegum tekjum 1.201 1.306
Verðbréf með föstum tekjum 1.468 1.151
Veðlán 137 161
Aðrar eignir 76 208
Kröfur 84 1
Skuldir -5 -35
Hrein eign til greiðslu lífeyris 2.974 2.801

Kennitölur
Nafnávöxtun 6,4% 16%
Hrein raunávöxtun 3,7% 6,8%
Hrein raunávöxtun – 5 ára meðaltal -0,4% 2,3%
Fjöldi sjóðfélaga 142 146
Fjöldi lífeyrisþega 237 225
Rekstrarkostnaður í % eigna 0,7% 0,5%
Eignir í íslenskum krónum % 74,1% 66,6%
Eignir í erlendum gjaldmiðlum % 25,9% 33,4%
Eign umfram heildarskuldbindingar í % -57,1% -59,9%
Eign umfram áfallnar skuldbindingar í % -56,2% -59,6%
Ársfundur 2011
Ársfundur Lífeyrissjóðs starfsmanna Kópavogsbæjar 2011, verður haldinn
mánudaginn 23.maí, kl. 17.00 í Bæjarstjórnarsal Kópavogsbæjar, Fannborg 2, 1. hæð.
Stjórn og framkvæmdastjóri
Í stjórn lífeyrissjóðsins eru Hlynur Jónsson, stjórnarformaður, Guðríður Arnardóttir,
Ragnar Snorri Magnússon, Helga Elínborg Jónsdóttir og Gunnsteinn Sigurðsson
Framkvæmdastjóri er Jón G. Kristjánsson.
Aðsetur sjóðsins er hjá Lífeyrissjóði starfsmanna sveitarfélaga,
Sigtúni 42, 105 Reykjavík. Sími 570 0400 www.lss.is
Birt með fyrirvara um prentvillur
Ársreikning LSK 2010 má sjá í heild sinni á heimasíðu LSS: www.lss.is
STUTT STOPP Á ÍSLANDI
Tony Hawk stoppaði stutt á Íslandi, en
gaf sér tíma til að hitta aðdáendur sína í
Reykjavík, en Egill Tómasson og Júlí Heiðar
voru þar á meðal. Hérna er hann á mynd
sem hann tók af sér í Bláa lóninu.