Fréttablaðið - 14.05.2011, Page 118

14. maí 2011 LAUGARDAGUR74
PERSÓNAN
Björn Bragi Arnarsson
Aldur: 26 ára.
Starf: Fjölmiðlamaður.
Búseta: 101 Reykjavík.
Fjölskylda: Er í sambandi með
Önnu Reynisdóttur hjúkrunar-
fræðinema, og saman eigum við
hundinn Etnau.
Stjörnumerki: Krabbi.
Björn Bragi mun stýra nýjum
skemmtiþætti ásamt Þórunni
Antoníu Magnúsdóttur sem sýndir
verða á Stöð 2.
„Við áttum tíu ára brúðkaups-
afmæli á fimmtudagskvöldinu
en héldum upp á það degi fyrr
enda átti hún þá líka afmæli. Við
fórum allur hópurinn á fínan
veitingastað og fengum okkur
gott að borða. Svo átti Gunni Óla
líka tíu ára Eurovision-afmæli
og söng af því tilefni Angel fyrir
okkur,“ segir Matthías Matthías-
son úr vinum Sjonna.
Íslensku Eurovision-fararnir
hafa svo sannarlega ekki legið
með tærnar upp í loft eftir að
íslenski fáninn kom síðastur upp
úr „hattinum“ á þriðjudagskvöld-
inu. Eurovision-veislur, æfingar
og viðtöl við fjölmiðla hafa nán-
ast einokað allan tíma Vinanna.
Í gærkvöldi var general-prufa
en hana fá dómnefndirnar að sjá.
„Þetta er alveg helmingurinn af
keppninni. Okkur tókst vel upp á
síðustu general-prufu og ætlum
að negla þetta aftur núna,“ segir
Hreimur Örn Heimisson en
hann og Matthías voru einmitt
að gera sig klára til að fara upp í
Eurovision-höll og æfa.
Að sögn Matthíasar er stemn-
ingin góð í hópnum, menn eru
afslappaðir og ætla að njóta lífs-
ins uppi á sviðinu í kvöld. Koss-
inn sem Matthías smellir á kinn
Vignis Snæs í miðju lagi hefur
vakið mikla athygli og Matthías
viðurkennir að þeir hafi mikið
verið spurðir um hann. Hann á
sér sína sögu. „Hann er í anda
drengsins sem samdi þetta lag,
Sigurjóns Brinks.
Það fyrsta sem hann gerði
þegar hann hitti fólk var að
faðma það og kyssa það. Og það
skipti litlu máli hvort hann þekkti
það lítið eða mikið,“ útskýrir
Matthías.
Hreimur Örn tók undir með
Matthíasi, sagði þá félaga vera
afslappaða fyrir úrslitakvöld-
ið. Þeir hefðu líka fengið óvænt
heillaráð frá fyrrverandi lands-
liðsfyrirliða og -þjálfara.
„Við hittum Atla Eðvalds hérna
úti á götu og hann bað okkur að
segja aldrei að við hefðum engu
að tapa, það væru bara „lúserar“
sem töluðu þannig. Við ættum að
tala þannig að við hefðum allt að
vinna,“ segir Hreimur og bætir
því við að þeir, eins og íþrótta-
menn, hafi sína rútínu.
„Við hitum okkur vel upp með
laginu Wade með The Band og
syngjum síðan lag úr Ace Vent-
ura á leið upp á svið. Menn eru
ekkert að breyta þessu neitt
núna.“
freyrgigja@frettabladid.is
HREIMUR ÖRN: VINIR SJONNA FÁ GÓÐ RÁÐ FRÁ LANDSLIÐSFYRIRLIÐA
Gunnar söng Two Tricky-
lagið fyrir Matta og frú
KOSS FYRIR SJONNA Kossinn sem Matthías Matthíasson smellir á kinn Vignis Snæs
hefur vakið mikla athygli. Hann er til heiðurs Sigurjóni Brink, höfundi lagsins, sem
kyssti alltaf alla og faðmaði þegar hann hitti þá. NORDIC PHOTOS/GETTY
Rakel Maríu Brynjólfsdóttur hefur verið boðið að
taka þátt í mánaðarlöngu fyrirsætunámskeiði á
vegum Alpa Model Agency í Róm. Þar mun Rakel
María læra allt sem fyrirsætur þurfa að kunna og
að því loknu ferðast til Grikklands þar sem hún
mun sitja fyrir í auglýsingu.
Námskeiðið var hluti af verðlaunum sem Rakel
María hlaut fyrir þátttöku sína í suður-afrískri
fyrirsætukeppni. Alls tóku 83 stúlkur þátt í keppn-
inni og var Rakel María í hópi sextán stúlkna
sem komust áfram. Þetta er í fyrsta sinn sem
Rakel María tekur þátt í slíkri keppni og segist
hún spennt fyrir Ítalíuferðinni. „Ég er orðin mjög
spennt fyrir ferðinni. Foreldrar mínir voru svo-
lítið stressaðir í fyrstu að leyfa mér að fara, en ég
fer ásamt sex öðrum stelpum og svo skipuleggj-
anda keppninnar og verð því ekki ein,“ segir Rakel
María, en þetta er í fyrsta sinn sem hún mun dvelja
svo lengi frá fjölskyldu sinni.
Rakel María er sautján ára gömul og hefur búið
í Namibíu undanfarin níu ár. „Pabbi sótti um vinnu
sem skipstjóri og við fjölskyldan fluttum hingað
með honum. Landið er mjög ólíkt Íslandi en hér er
gott að vera og það er gaman að hafa fengið að upp-
lifa aðra menningu. Ég reyni samt að heimsækja
Ísland annað hvert ár og halda þannig tengslum við
fjölskylduna heima,“ segir hún að lokum. - sm
Lærir fyrirsætustarfið á Ítalíu
Leikkonan Maria Bonnevie og Baltasar Kormákur
hafa samþykkt að leika í fyrstu kvikmynd Bene-
dikts Erlingssonar, sem gengur undir vinnuheitinu
Hross um oss. Margir muna eftir Bonnevie, sem er
fædd í Svíþjóð, úr myndinni Hvíta víkingnum eftir
Hrafn Gunnlaugsson en þá var hún 22 ára.
„Hún beit bara strax á agnið en hún þarf örugg-
lega að æfa sig. Mér skilst samt að hún sé mjög
reiðfær,“ segir Benedikt, spurður hvernig hafi
gengið að fá Bonnevie um borð. „Baltasar fær
hlutverkið út á útlitið,“ bætir hann við í léttum
dúr. „Hann á að leika spænskan túrista sem
kann ekkert á hesta.“ Hilmir Snær Guðnason og
Steinn Ármann Magnússon hafa einnig bæst við
leikara liðið, sem áður samanstóð af þeim Ingvari
E. Sigurðssyni og Charlotte Bøving, eiginkonu
Benedikts.
Myndin er „brútal“ sveitarómantík að sögn
Benedikts þar sem sagðar eru dramatískar sögur
af hestafólki. Hann er þessa dagana staddur á
kvikmyndahátíðinni í Cannes, þar sem hann
vinnur í því að fjármagna myndina. Kvikmynda-
sjóður Íslands hefur þegar ákveðið að styrkja
hana, auk þess sem norskir framleiðend-
ur koma að henni. „Maður er að kasta
flugum fyrir stórlaxa og þeir eru að
narta í,“ segir hann. Einnig kemur
til greina að íslenskir aðilar með
ástríðu fyrir hestamennsku taki þátt
í framleiðslunni.
Eins og komið hefur fram í Frétta-
blaðinu kostar myndin tvö hundruð
milljónir króna í framleiðslu og eiga
tökur að hefjast 1. ágúst. - fb
Benedikt landar Baltasar og Bonnevie
LEIKUR FYRIR BENEDIKT Maria Bonnevie
leikur í nýrri hrossamynd Benedikts Erl-
ingssonar. Baltasar Kormákur mun leika
spænskan túrista í myndinni.
NORDICPHOTOS/GETTY
TVEGGJA TÍMA
HLÁTURSKAST... MEÐ HLÉI
Miðasala | 568 8000 | borgarleikhus.is
„Mjög vel heppnaður farsi, hraður
og ótrúlega fyndinn“ – IÞ, Mbl
ÞJÓÐLEIKHÚSIÐ
551 1200 / leikhusid.is / midasala@leikhusid.is
Sýningar alla sunnudaga
www.listahatid.is
TRYGGÐU ÞÉR MIÐA!
SPENNT FYRIR ÍTALÍUFERÐ Rakel María Brynjólfsdóttir tók þátt
í fyrirsætukeppni í Suður-Afríku og er nú á leið til Ítalíu á fyrir-
sætunámskeið.