Fréttablaðið - 25.08.2011, Blaðsíða 10

25. ágúst 2011 FIMMTUDAGUR10
DÓMSMÁL Tæplega þrítugur karl-
maður hefur verið dæmdur í Hér-
aðsdómi Austurlands í átján mánaða
fangelsi. Hann var sakfelldur fyrir
ölvunarakstur, þar sem hann var
réttindalaus á bílnum, svo og fyrir
að hóta lögreglumönnum lífláti og
kasta þungum steini í átt að höfði
lögreglumanns.
Maðurinn hafði fáeinum dögum
fyrr lokið við afplánun fimm mán-
aða fangelsisvistar, en hafði stuttu
fyrr fengið níu mánaða dóm, meðal
annars fyrir hótanir í garð tveggja
lögreglumanna. Þann 24. maí hafði
lögregla afskipti af honum vegna
ölvunaraksturs. Maðurinn varð
æstur og kastaði meðal þungum
steini í átt að höfði eins lögreglu-
mannsins, sem náði með snarræði
að víkja sér undan. Þá hótaði hann
fimm lögreglumönnum lífláti og að
smita þá af lifrarbólgu C og HIV.
Því til áherslu hrækti hann ítrekað
á lögreglumennina. Áður hafði hann
sótt sporjárn, að sögn til að reyna að
drepa annan þeirra. Hann var sýkn-
aður af þeim lið ákærunnar.
Maðurinn sætti geðrannsókn og
var úrskurðaður sakhæfur. Hann
hafði áður hlotið sautján dóma.
- jss
FRÉTTASKÝRING
Ný matvælalöggjöf að taka gildi
HITABYLGJA Í FRAKKLANDI Í Strass-
borg í Frakklandi greip fólk til ýmissa
ráða til að kæla sig þegar hitinn var
kominn upp í 35 gráður, þar á meðal
þessi litla hnáta sem sprangaði um í
gosbrunni. NORDICPHOTOS/AFP
Hinn 1. mars í fyrra tók gildi hér á
landi matvælalöggjöf um hollustu-
hætti og eftirlit á Evrópska efna-
hagssvæðinu. Löggjöfina tekur
Ísland upp samkvæmt EES-samn-
ingnum en gefinn var átján mán-
aða frestur til að lögfesta breyt-
ingar vegna búfjárafurða sem taka
því gildi 1. nóvember næstkom-
andi. Umhverfi kjöt- og mjólkur-
framleiðslu tekur nokkrum stakka-
skiptum við breytingarnar.
Matvælastofnun sér um eftirlit
með matvælaframleiðslu á Íslandi.
Í kynningarefni stofnunarinn-
ar kemur fram að búið er að inn-
leiða eldri matvælalöggjöf ESB á
Evrópska efnahagssvæðinu og
þar með á Íslandi. Löggjöfin er
í gildi fyrir sjávarafurðir, fiski-
sjúkdóma og almenn matvæli. Þá
hefur fóðurlöggjöf ESB einnig
verið innleidd en hingað til hefur
Ísland verið á undanþágu varðandi
búfjárafurðir og dýraheilbrigði.
Markmið matvælalöggjafarinn-
ar er að vernda líf og heilsu manna
og tryggja jafnframt frjálst flæði
vöru á Evrópska efnahagssvæðinu.
Þá eiga reglurnar að tryggja hags-
muni neytenda og til að mynda
gera þeim kleift að rekja feril mat-
væla á öllum stigum framleiðslu
og dreifingar.
„Ég held að þessar reglur séu
vandaðar og settar að mjög vel
skoðuðu máli. Almennt séð held
ég að þær séu til bóta og þetta sé
góð löggjöf,“ segir Sigurður Örn
Hansson, forstöðumaður matvæla-
öryggis og neytendamála hjá Mat-
vælastofnun, um nýju reglurnar.
Sérstakar kvaðir á útflutning
Íslensk sláturhús hafa að sögn Sig-
urðar haft útflutningsleyfi til Evr-
ópuríkja frá árinu 1992. Nú hafi
öll sauðfjársláturhús, nokkur stór-
gripahús og öll stóru mjólkurbúin
slíkt leyfi.
Matvæla- og dýralækningastofn-
un ESB sótti Ísland heim í septem-
ber á síðasta ári. Markmiðið var að
meta framleiðsluferla við kjöt- og
mjólkurframleiðslu á Íslandi hjá
fyrirtækjum sem flytja út til ríkja
ESB og ganga úr skugga um hvort
framleiðslan væri í samræmi við
reglur. Voru heimsótt fimm fyrir-
tæki sem öll höfðu hlotið útflutn-
ingsleyfi.
Hjá öllum fimm fyrirtækjum
var hins vegar misbrestur á því að
reglunum væri framfylgt. Engin
gögn voru til staðar um það hvort
fyrirtækin hefðu uppfyllt gæða-
staðla áður en þau hlutu leyf-
ið. Þá kom í ljós skortur á skipu-
lagi, aðstöðu, tækjum og viðhaldi
í þeim öllum auk þess sem ýmsar
aðrar athugasemdir voru gerðar
við starfsemi þeirra.
Í einu kjötframleiðslufyrirtæki
þóttu aðstæður fullkomlega óvið-
unandi og var þess þegar kraf-
ist að leyfið yrði dregin til baka.
Í öðru sláturhúsi þótti vera tölu-
verð hætta á smitum milli teg-
unda auk þess sem skortur var á
merkingum. Mjólkurbúin tvö sem
heimsótt voru uppfylltu hins vegar
kröfur að mestu leyti. Þá töldu
skoðunaraðilar að heilbrigði fólks
stæði ekki ógn af framangreindum
vanköntum.
„Það var strax tekið á þessum
athugasemdum held ég. Almennt er
ástandið nokkuð gott en ef þú ferð í
svona matvælafyrirtæki má lengi
finna eitthvað sem er að. Auðvitað
má ýmislegt bæta,“ segir Sigurður,
spurður um þessa gagnrýni.
Matvæla- og dýralækningastofn-
un ESB hefur skoðað aðstæður á
Íslandi reglulega undanfarin ár
og kom hingað árið 2007. Í skýrslu
vegna seinni heimsóknarinnar
kemur fram að í millitíðinni hafi
aðeins verið aðhafst með fullnægj-
andi hætti vegna einnar af fjórum
athugasemdum stofnunarinnar.
Stofnunin taldi auk þess verulega
galla vera á eftirliti og framfylgni
reglna hjá Matvælastofnun og
komst að þeirri niðurstöðu að ekki
væri að svo stöddu hægt að treysta
því að íslensku fyrirtækin störfuðu
í samræmi við gæðastaðla.
Undirbúningur stendur yfir
Þegar niðurstöður heimsóknar-
innar lágu fyrir hittu fulltrúar
hennar fulltrúa Matvælastofn-
unar sem staðfestu þær. Þá voru
lagðar fram sex tillögur um hvern-
ig bæta mætti það sem misbrestur
þótti hafa verið á.
Í nóvember í fyrra setti Mat-
vælaeftirlitið svo fram aðgerða-
áætlun um það hvernig brugðist
skyldi við. Spurður hvernig gangi
að bregðast við athugasemdun-
um og undirbúa gildistöku lag-
anna segir Sigurður: „Ég held að
það gangi bara þokkalega. Við
vinnum að því hörðum höndum að
innleiða þessa löggjöf og það sama
gildir um fyrirtæki sem vinna
búfjárafurðir að fullu. Ég er ekki
viss um að allt verði klárt í öllum
fyrirtækjum og það er ekki víst
að allt verði búið hjá okkur. Verði
þörf á getum við sótt um viðbót-
arfrest en ég held að við séum á
réttri leið. magnusl@frettabladid.is
Matvælaframleiðsla breytist
Síðasti hluti matvælalöggjafar ESB tekur gildi á Íslandi í nóvember. Kjöt- og mjólkurframleiðsla tekur
nokkrum stakkaskiptum við breytingarnar sem eiga að tryggja frjálst flæði vöru og hagsmuni neytenda.
VEL MERKT OG REKJANLEGT Meðal markmiða með evrópsku matvælalöggjöfinni er að tryggja að allur matur sé vel merktur og
rekjanlegur í gegnum öll stig framleiðslu og dreifingar.
RÚSSLAND, AP Lögreglan í Rúss-
landi hefur handtekið fyrrverandi
lögreglumann vegna gruns um
að hann hafi skipulagt morðið á
blaðakonunni Önnu Politkovskaju
árið 2006.
Á sínum tíma var Politkovskaja
afar gagnrýnin á stefnu stjórn-
valda í Kreml, sérstaklega hvað
varðar stríðið í Tsjetsjeníu.
Maðurinn sem var handtekinn
í gær heitir Dimítrí Pavlúsjen-
kov, en hann er talinn hafa sett
saman hóp til að fremja ódæðið
og útvegað meintum byssumanni,
Rustam Makmúdov, morðvopnið.
Makmúdov, sem er Tsjetsjeni,
hefur verið í haldi síðan í maí.
Það þaggar þó ekki niður í þeim
sem telja að málið risti dýpra og
vilja að upplýst verði hver fyrir-
skipaði morðið á Politkovskaju.
Þegar hafa þrír menn verið sýknað-
ir af ásökunum um aðild að morð-
inu, en hæstiréttur landsins hefur
vísað málunum aftur til saksóknara.
Talsmaður rannsóknarnefndar,
sem hefur umsjón með málinu,
sagði að Pavlúsjenkov væri grun-
aður um að hafa þegið greiðslu
frá „óþekktum aðila“ til að skipu-
leggja morðið.
Politkovskaja var að koma út úr
lyftu á heimili sínu þegar hún var
myrt, en hún hafði vakið mikla
athygli fyrir skörulega framgöngu
sína í að afla frétta af ofbeldi,
kúgun og spillingu í Tsjetsjeníu
og öðrum svæðum í rússnesku
Kákasusfjöllunum.
Vladímir Pútín, þáverandi for-
seti, reyndi að gera lítið úr verk-
um Politkovskaju eftir morðið, en
vandræðagangur með rannsókn-
ina og málareksturinn hefur kynt
undir grunsemdum um samsæri
allt inn í raðir stjórnarinnar.
- þj
Fyrrverandi lögreglumaður handtekinn vegna gruns um aðild að morði á rússneskri verðlaunablaðakonu:
Talinn hafa skipulagt morðið á Politkovskaju
MINNAST BARÁTTUKONU Anna
Politkovskaja, sem var myrt árið 2006,
er orðin að eins konar táknmynd fyrir
baráttu gegn spillingu og ofbeldi gegn
andófsfólki í Rússlandi.
Allt sem þú þarft
Þú færð Fréttablaðið á kostnaðarverði
á 120 stöðum um land allt. Nánari
upplýsingar á visir.is/dreifing
SAMGÖNGUR Icelandair hefur nú
ákveðið að fljúga á milli Akureyr-
ar og Keflavíkur í tengslum við
millilandaflug sitt. Flogið verður
fjórum sinnum í viku, frá byrjun
júní til loka september árið 2012.
Í tilkynningu frá Markaðsstofu
ferðamála á Norðurlandi segir
að þessari ákvörðun sé fagnað og
gera megi ráð fyrir að auk þess
sem ferðamönnum fjölgi þá leng-
ist dvalartími þeirra á Norður-
landi. Þá er flugið talið bæta
möguleika Norðlendinga á beinum
samgöngum við útlönd. - sv
Nýr áfangastaður Icelandair:
Hefur flug til
Akureyrar 2012
AKUREYRARFLUGVÖLLUR Icelandair
mun hefja flug til Akureyrar í júní á
næsta ári. FRÉTTABLAÐIÐ/KRISTJÁN
KJARAMÁL Kaupmáttur launa
hækkaði um 0,9 prósent frá
júní til júlí. Síðustu tólf mánuði
hefur vísitala kaupmáttar launa
hækkað um 2,6 prósent. Þetta
kemur fram í tölum frá Hagstofu
Íslands.
Launavísitala í júlí hækkaði
um 409,1 stig og hækkaði um
1 prósent frá júní. Launavísi-
tala síðustu tólf mánaða hefur
hækkað um 7,8 prósent. Hækkan-
ir nýgerðra kjarasamninga hafa
áhrif á launavísitöluna. Þá komu
til framkvæmda kjarasamningar
opinberra starfsmanna við Sam-
band íslenskra sveitarfélaga sem
kváðu á um hækkun taxta um
4,25 prósent 1. júlí og sérstaka
50.000 króna eingreiðslu. - kóp
Launavísitala hækkar:
Kaupmáttur
launa hærri
HÉRAÐSDÓMUR AUSTURLANDS
Dæmdi manninn til refsingar.
Tæplega þrítugur maður dæmdur í átján mánaða fangelsi:
Kastaði steini að lögreglumanni