Fréttablaðið - 25.08.2011, Blaðsíða 70

25. ágúst 2011 FIMMTUDAGUR46
sport@frettabladid.is
EVRÓPUMEISTARAR BARCELONA eru á meðal félaganna 32 sem verða í pottinum þegar dregið verður í riðlakeppni
Meistaradeilar Evrópu í knattspyrnu í dag. Tyrkneska knattspyrnusambandið meinaði landsmeisturum Fenerbahce í gær að spila
í deildinni í kjölfar spillingarmáls sem skekur tyrkneska knattspyrnu. Trabzonspor, sem hafnaði í öðru sæti tyrknesku deildarinnar,
tekur sæti þeirra. Drátturinn fer fram í höfuðstöðvum UEFA klukkan 15.45 og verður í beinni úsendingu á vefsíðu sambandsins.
ÍÞRÓTTIR Arnar Pétursson bar sigur
úr býtum í Reykjavíkurmara-
þoninu þegar hann kom í mark á
tæpum tveimur klukkustundum
og 45 mínútum. Árangurinn er
sérlega glæsilegur í ljósi þess að
Arnar er ekki nema tvítugur og
æfði sérstaklega fyrir hlaupið í
einungis tvo mánuði.
Hann er fyrst og fremst körfu-
boltamaður en hann spilar sem
leikstjórnandi með Breiðabliki í 1.
deildinni. Hann ákvað samt að láta
slag standa og hlaupa til sigurs í
Reykjavíkurmaraþoninu – með
þessum góða árangri.
„Ég var himinlifandi. Þetta var
óvænt en líka léttir að hafa klár-
að hlaupið,“ segir Arnar. „Þetta
er ólíkt því sem maður þekkir úr
körfuboltanum, nú var ég að ein-
beita mér að einum degi og einu
hlaupi. Þegar það er búið og ég sá
að þetta gekk allt upp fylgdi því
ótrúlega mikil gleðitilfinning.“
Arnar átti erfitt með þessar til-
finningar. „Já, það má segja að
þær hafi borið mig ofurliði,“ segir
hann í léttum dúr. „Það var ótrú-
lega skemmtilegt að fá að upplifa
það.“
Alltaf í góðu formi
Arnar hefur fyrst og fremst stund-
að boltaíþróttir, körfubolta og fót-
bolta. Hann spilar enn körfubolta
með Breiðabliki og mun áfram
gera í vetur. Hann hefur einn-
ig sterk tengsl í körfuna þar sem
faðir hans, Pétur Hrafn Sigurðs-
son, var framkvæmdastjóri KKÍ
til margra ára. Hann segir þó að
það hafi ekki verið mjög erfitt að
skipta yfir í langhlaupin.
„Ég hef alltaf verið í góðu formi
frá náttúrunnar hendi og alltaf
átt auðvelt með að hlaupa hratt
og lengi. Það var svo fyrir tveim-
ur árum að ég sagði að ég myndi
hlaupa maraþon um leið og ég
næði aldri,“ segir Arnar en aðeins
átján ára og eldri mega hlaupa
fullt maraþon í Reykjavíkurmara-
þoninu.
„Ég gerði svo það, bara til að
hlaupa maraþon. Það gekk ótrú-
lega vel og ég náði að vera í öðru
sæti af íslensku keppendunum en
fyrirfram vissi ég ekkert á hvaða
tíma ég myndi hlaupa.“
Foreldrarnir í kapphlaupi
Faðir hans, Pétur Hrafn, hafði
áður hlaupið maraþon og giskaði á
að Arnar myndi hlaupa á þremur
og hálfum tíma í þessari frumraun
sinni. Raunin varð að Arnar kom
í mark á tveimur klukkustundum
og 55 mínútum og voru foreldrarn-
ir næstum búnir að missa af því
þegar hann kom í mark.
„Þau ákváðu að ná mér úti á Sel-
tjarnarnesi og fylgja mér í mark.
En það endaði með því að þau
þurftu að koma sér í flýti niður í
bæ til að sjá mig koma í mark,“
rifjar hann upp.
Eftir þetta fékk Arnar ábend-
ingar um að hann gæti náð langt
í greininni. Og fyrir maraþonið í
ár ákvað hann að æfa sérstaklega
fyrir hlaupið í tvo mánuði.
Miðað við þann stutta undirbún-
ing er ekki erfitt að sjá fyrir sér að
Arnar gæti náð enn lengra ef hann
helgar sig langhlaupum. En hann
segir að körfuboltinn taki nú aftur
við á haustmánuðunum.
„Ég mun pottþétt spila með
Breiðabliki í vetur. En ég mun
taka hlaupin samhliða og leggja
minni áherslu á miklar lyftingar
í körfunni. Það hentar langhlaup-
ara ekki vel að vera með stóra og
mikla vöðvauppbyggingu.“
Mikið svigrúm fyrir betri árangur
Hann neitar því ekki að hann sér
mikla möguleika á að ná góðum
árangri í hlaupunum og þarf því
eflaust að ákveða hvort hann ætli
að leggja þau algjörlega fyrir sig.
„Ég tel að ég hafi mjög mikið
svigrúm til að bæta mig og er bæði
gott og hvetjandi að hugsa til þess.
Þegar ég byrjaði að æfa í vor fyrir
hlaupið var það bara til að sjá hvað
ég gæti ef ég myndi leggja aðeins
á mig,“ segir hann og vill ekki úti-
loka að keppa á Ólympíuleikum.
Ólympíuleikarnir heilla
Lágmarkið fyrir Ólympíuleikana
er tvær klukkustundir og fimm-
tán mínútur. Arnar þyrfti því að
bæta sig um hálftíma til að eiga
möguleika á því að komast þangað
en segir það vissulega heillandi til-
hugsun. „Ég hef fulla trú á að ég
geti staðið mig mjög vel í þessari
grein. Ég vona að það sé raunhæft
markmið fyrir mig að komast á
Ólympíuleika enda kemur ekk-
ert annað til greina en að stefna
sem hæst ef ég myndi leggja þetta
algerlega fyrir mig.“
Hann stendur því frammi fyrir
þeirri ákvörðun hvort hann eigi að
taka skrefið til fulls. „Það er ein-
mitt það sem ég er að velta fyrir
mér á hverjum degi. Ég hef fundið
fyrir mikilli hvatningu og finnst
það skemmtilegt. En ég geti ekki
alveg snúið baki við körfunni og
strákunum í liðinu eins og er –
ekki enn að minnsta kosti.“
eirikur@frettabladid.is
Körfuboltastrákur á krossgötum
Arnar Pétursson vakti mikla athygli um helgina þegar hann kom fyrstur í mark í Reykjavíkurmaraþoninu.
Hann er tvítugur körfuboltastrákur sem æfði í aðeins tvo mánuði fyrir maraþonið. Hann íhugar nú hvort
hann eigi að söðla algerlega um. „Ég vona að Ólympíuleikar séu raunhæft markmið fyrir mig,“ segir hann.
KOMINN Í MARK Arnar segir að tilfinningarnar hafi borið hann ofurliði þegar hann kom í mark í Reykjavíkurmaraþoninu um
helgina. FRÉTTABLAÐIÐ/DANÍEL
FÓTBOLTI Eyjólfur Sverrisson,
þjálfari U21 árs landsliðs karla,
valdi í gær 23 manna landsliðs-
hóp fyrir leikina gegn Belgíu og
Noregi í undankeppni EM 2013.
Leikirnir fara fram 1. september
á Vodafone-vellinum og 6. sept-
ember á Kópavogsvelli.
EM 2013 hjá U21 árs liðinu:
Eyjólfur velur
landsliðshópinn
NÝTT VERKEFNI Eyjólfur og Tómas Ingi
Tómasson reyna að koma Íslandi í
lokakeppnina 2013. FRÉTTABLAÐIÐ/PJETUR
Landsliðshópurinn
Markverðir
Arnar Darri Pétursson SönderjyskE
Árni Snær Ólafsson ÍA
Ásgeir Þór Magnússon Höttur
Varnarmenn
Dofri Snorrason KR
Eiður Aron Sigurbjörnsson ÍBV
Finnur Orri Margeirsson Breiðablik
Gísli Páll Helgason Þór
Hlynur Atli Magnússon Fram
Jóhann Laxdal Stjarnan
Kristinn Jónsson Breiðablik
Miðjumenn
Atli Sigurjónsson Þór
Björn Jónsson KR
Björn Daníel Sverrisson FH
Brynjar Gauti Guðjónsson ÍBV
Guðlaugur Victor Pálsson Hibernian
Magnús Þórir Matthíasson Keflavík
Þórarinn Ingi Valdimarsson ÍBV
Sóknarmenn
Aron Jóhannsson AGF
Björn Bergmann Sigurðarson Lilleström
Guðmundur Þórarinsson ÍBV
Jóhann Helgi Hannesson Þór
Kolbeinn Kárason Valur
Kristinn Steindórsson Breiðablik
www.sindri .is

/ sími 5 75 0000
LOADING IÐNAÐARHURÐIR
LOADING HURÐIR
Loading hurðir eru klæðskerasniðnar með tilliti til
stærðar og mismunandi aðstæðna. Mikið framboð lita ásamt
öryggisþáttum sem tryggir öruggt aðgengi að hurð.
Hurðin veitir góða einangrun ásamt því að vera traust
gagnvart veðurofsa.
GOTT
VERÐ
FÓTBOLTI Íslenska landsliðið í knatt-
spyrnu karla er komið í 124. sæti
á styrkleikalista Alþjóðaknatt-
spyrnusambandsins en nýr listi
var birtur í gær. Ísland fellur um
þrjú sæti frá því að síðasti listi
var birtur en í millitíðinni hefur
landsliðið spilað einn leik, 4-0 tapið
gegn Ungverjum í Búdapest fyrr í
mánuðinum.
Samningur Ólafs Jóhannesson-
ar landsliðsþjálfara rennur út í lok
yfirstandandi undankeppni. Jón
Gunnlaugsson, formaður lands-
liðsnefndar, var spurður að því í
viðtali við vefsíðuna fotbolti.net í
gær hvort nefndin væri byrjuð að
skoða þjálfaramálin.
„Það er byrjað að velta þessu
öllu saman fyrir sér. Menn hafa
ekki viljað tjá sig mikið um þetta
og því hafa menn mikið verið að
geta í eyðurnar. Það eru alltaf
sögur í gangi og þeim hefur ekki
fækkað eftir að fjölmiðlunum
hefur fjölgað. Þetta er eitthvað
sem við þurfum að lifa með en
það er langt í frá að ég sé eitthvað
ánægður með árangurinn, það má
ekki túlka það þannig,“ sagði Jón.
Bilið milli Færeyinga og Íslend-
inga jókst en frændur okkar hækk-
uðu sig um eitt sæti og eru komnir
í 111. sæti. Liechtenstein og Wales
eru næstu Evrópuþjóðir fyrir ofan
Ísland en Kasakstan og Lúxem-
borg þær næstu á eftir.
Jón segir vandamálið liggja í því
að Ísland spili yfirleitt við sterkari
þjóðir og lönd á borð við Færeyjar
vilji ekki spila við Ísland meðan
þau séu fyrir ofan á listanum.
„Það hefur hjálpað okkur undan-
farin ár að við höfum unnið eina og
eina þjóð sem hefur skipt máli, við
unnum Tékka fyrir ekki mörgum
árum og fleiri þjóðir. Það vegur
minna í dag en það gerði. Við bara
vonum það besta, við verðum að
gera það. Ég er samt ekki bjart-
sýnn á að við verðum ofarlega á
listanum í framtíðinni alveg sama
hvað gerist. Því miður,“ sagði Jón
við fotbolti.net.
Hollendingar eru komnir í efsta
sæti heimslistans en Evrópu- og
heimsmeistarar Spánverja falla
niður í annað sæti.
Ólafur Jóhannesson tilkynnir í
dag landsliðshópinn fyrir leikina
gegn Noregi og Kýpur í undan-
keppni EM 2012 en þeir fara fram
í byrjun næsta mánaðar. - ktd
Íslenska karlalandsliðið í knattspyrnu er í 124. sæti á nýjum styrkleikalista FIFA:
Enn versnar staða landsliðsins
UM NÓG AÐ HUGSA Ólafur Jóhannesson
hefur sætt töluverðri gagnrýni undan-
farna mánuði. FRÉTTABLAÐIÐ/STEFÁN