Fréttablaðið - 25.08.2011, Blaðsíða 72

25. ágúst 2011 FIMMTUDAGUR48
Hvernig sem leikurinn
fer þá er Íslands-
mótinu ekki lokið. Þetta er
ekki úrslitaleikur.
RÚNAR KRISTINSSON
ÞJÁLFARI KR
KR
Þjálfari: Rúnar Kristinsson
Árangur 2010: 4. sæti (38
stig)
Staða í deild: 1. sæti (14
leikir, 34 stig)
Í banni í kvöld: Enginn
Meiddir leikmenn: Óskar Örn
Hauksson (út tímabilið), Gunnar
Örn Jónsson (óvíst hversu lengi),
Skúli Jón Friðgeirsson (3-4 vikur),
Magnús Már Lúðvíksson (tæpur)
Líklegt byrjunarlið (4-3-3):
Hannes Þór Halldórsson
Dofri Snorrason
Gunnar Þór Gunnarsson
Grétar S. Sigurðarson
Guðmundur Reynir Gunnarsson
Bjarni Guðjónsson
Baldur Sigurðsson
Björn Jónsson
Kjartan Henry Finnbogason
Viktor Bjarki Arnarson
Guðjón Baldvinsson
ÍBV
Þjálfari: Heimir Hallgrímsson
Árangur 2010: 3. sæti (42
stig)
Staða í deild: 2. sæti (15
leikir, 32 stig)
Í banni í kvöld: Enginn
Meiddir leikmenn: Denis Sytnik
(út tímabilið)
Líklegt byrjunarlið (4-3-3):
Albert Sævarsson
Arnór Eyvar Ólafsson
Brynjar Gauti Guðjónsson
Rasmus Christiansen
Matt Garner
Finnur Ólafsson
Andri Ólafsson
Tryggvi Guðmundsson
Tony Mawejje
Þórarinn Ingi Valdimarsson
Ian Jeffs
KR og ÍBV mætast í toppslag Pepsi-deildar karla í kvöld
FÓTBOLTI KR og ÍBV mætast í
fyrsta sinn á tímabilinu í kvöld
þegar leikur liðanna úr 9. umferð
fer fram. Leiknum var frestað á
sínum tíma vegna þátttöku liðanna
í Evrópukeppnunum. Um toppslag
er að ræða í deildinni og ljóst að
það er mikið undir.
KR-ingar eru enn taplausir í
deildinni og geta með sigri í kvöld
tekið fimm stiga forystu í deild-
inni auk þess að eiga leik til góða.
Heimir Hallgrímsson, þjálfari
ÍBV, veit hvað það þýðir.
„Það myndi í raun þýða að mótið
væri búið,“ sagði Heimir í sam-
tali við Fréttablaðið í gær. Kollegi
hans hjá KR, Rúnar Kristinsson,
vill þó ekki taka svo djúpt í árinni.
„Hvernig sem leikurinn fer þá
er Íslandsmótinu ekki lokið. Þetta
er ekki úrslitaleikur. Vissulega
er þetta mikilvægur leikur fyrir
bæði lið eins og hver annar leik-
ur. Þessi eini leikur mun ekki hafa
úrslitaáhrif í mótinu.“
Heimir fer í svipaða sálma og
segir að sínir leikmenn megi ekki
gleyma sér í þessum eina leik. „Við
eigum leik gegn Víkingi þrem-
ur dögum síðar og það eru jafn-
mörg stig í boði í þeim leik. Við
viljum ekki byggja upp of mikl-
ar væntingar fyrir leikinn gegn
KR – leikmenn mega ekki leggj-
ast í volæði þó svo að hann tap-
ist því staðreyndin er sú að staða
okkar í deildinni er mjög góð sama
hvernig leikurinn endar.“
Heimir segir þó rétta tímann til
að mæta KR nú. „Þeir hafa sjálfir
rætt um að það sé þreyta í liðinu
og svo eru meiðsli í þeirra röðum.
Það er því rétti tíminn nú til að
láta slag standa og við ætlum að
reyna að vinna leikinn í kvöld.“
Mikið leikjaálag á KR
Rúnar segir að leikjaálagið hafi
haft áhrif. „Við spiluðum sex leiki
í Evrópukeppninni og fórum alla
leið í bikarnum og því höfum við
spilað fleiri leiki en önnur lið í
deildinni. En við erum líka með
stóran leikmannahóp og við vitum
vel að fylgifiskur þess að ná
árangri er mikið álag á leikmenn,“
sagði hann. „Það þýðir samt ekk-
ert að dvelja of lengi við þetta og
við erum alls ekki að búa til neinar
afsakanir. Við verðum eins mikið
tilbúnir og hægt er fyrir leikinn í
kvöld og höfum engar afsakanir
sama hvernig hann fer.“
Staðan á leikmannahópi ÍBV er
fín. Aðeins einn leikmaður, Denis
Sytnik, er frá vegna meiðsla og
spilar hann líklega ekkert meira
með í sumar.
Hápressan hefur skilað árangri
ÍBV hefur spilað á köflum
mjög grimman bolta gegn
sínum andstæðingum og segir
Rúnar að hápressan hafi reynst
Eyjamönnum vel.
„ÍBV er með vel skipulagt lið og
liðinu hefur tekist mjög vel til að
spila sinn bolta. Það sýnir bæði
árangurinn í sumar og í fyrra.
Þetta eru vinnusamir og dugleg-
ir strákar og við munum mæta
þeim af hörku,“ segir Rúnar en
ætlar samt ekki að breyta miklu í
leikskipulagi sinna manna.
„Við höfum ekki lagt það í okkar
vana að liggja til baka og beita
skyndisóknum og við munum ekki
breyta út af okkar venjum. Við
munum fyrst og fremst hugsa um
okkar eigin leik og hvernig við
viljum að leikurinn spilist.“
Auglýsi ekki í blöðunum
Sjálfur segir Heimir að ÍBV hafi
átt það til að liggja til baka og að
það hafi einnig skilað árangri. „Við
höfum bæði bakkað og pressað.
Hápressan hefur kannski fengið
meiri athygli en við höfum ekki
síður náð góðum úrslitum þegar
við höfum lagt meiri áherslu á
varnarleikinn. En fyrir vikið eru
leikirnir hægari og það finnst
mönnum ferlega leiðinlegt,“ segir
hann í léttum dúr.
„Ég ætla vitanlega ekki að aug-
lýsa það í blöðunum hvernig við
munum spila en við munum að
sjálfsögðu reyna að vinna leikinn.“
Ekki meiri pressa á KR
KR-ingar hafa í gegnum tíðina
búið við miklar væntingar enda
krafan um titil hávær á hverju ári
í vesturbænum. Rúnar vill þó ekki
kannast við að það sé meiri pressa
á KR en öðrum liðum í deildinni.
„Fyrir tímabilið stefndu 6-7 lið á
að blanda sér í toppbaráttuna og ég
get ekki séð að það sé meiri pressa
á okkur en þeim. Strákarnir eru
einfaldlega búnir að æfa vel í ár
og þeir vilja ná árangri. Við höfum
staðið okkur vel hingað til og mótið
er komið vel á veg. Ef eitthvert
álag hefur verið til staðar hingað
til þá hafa strákarnir höndlað það
mjög vel.“
Heimir er sömuleiðis ánægður
með stöðu ÍBV í deildinni en bend-
ir á að margir hafi ef til vill ekki
búist við svo miklu af Eyjamönn-
um í sumar. „Umræðan um okkur
hefur ef til vill verið á þann veg-
inn að allir eru að bíða eftir því
að blaðran springi. Við erum ein-
faldlega mjög ánægðir með hópinn
og þann árangur sem hann hefur
náð á skömmum tíma. Við erum
ekki langt frá þeim árangri sem
við náðum í fyrra og þá voru allir
ánægðir. Við höfðum mjög gaman
af því að vera í toppbaráttunni
fram í síðustu umferð í fyrra og
viljum endurtaka leikinn nú.“
eirikur@frettabladid.is
Eyjamenn taka stóra prófið í kvöld
Toppslagur KR og ÍBV í Pepsi-deild karla er í kvöld. KR-ingar eru enn ósigraðir og stinga af með sigri í
kvöld. Eyjamenn geta hleypt mikilli spennu í toppbaráttuna með sigri fyrir lokasprettinn í deildinni.
BARIST UM BOLTANN Það mun mikið mæða á KR-ingnum Guðmundi Reyni Gunnarssyni og Eyjamanninum Finni Ólafssyni í
kvöld. KR vann dramatískan 1-0 sigur í leik liðanna á KR-vellinum í fyrra. FRÉTTABLAÐIÐ/STEFÁN
FÓTBOLTI Reiknað er með góðri
mætingu á KR-völlinn í kvöld en
ljóst að áhorfendur verða að láta
hendur og raddbönd nægja til
þess að styðja sín lið. Á KR-vellin-
um ríkir hljóðfærabann sem þýðir
að meðlimir stuðningsbands ÍBV,
Stalla-Hú, þurfa að skilja hljóðfæri
sín eftir heima.
„Auðvitað er það leiðinlegt en
þetta er þeirra völlur og maður
skilur þetta. Það er samt kald-
hæðnislegt að banna hljóðfæri í
Frostaskjólinu og samt er tónlist-
arskóli í íþróttahúsinu þeirra. Við
fylgjum öllum reglum en þetta er
hluti af stemningunni. Flest lið eru
með trommur eða lúðra en KR-
ingarnir vilja banna þetta,“ segir
Skapti Örn Ólafsson, forsprakki
Stalla-Hú.
„Við vorum að grínast með það
að Miðjan [stuðningsmenn KR]
væri hrædd um að tapa stúkunni.
Þeir eru bara í einhverju miðju-
moði á meðan við sækjum fram
með hljómsveitinni okkar,“ bætir
Skapti við í léttum dúr.
Jónas Kristinsson, fram-
kvæmdastjóri KR, segir félagið
hafa tekið þessa ákvörðun fyrir
nokkrum árum þegar hinn
almenni stuðningsmaður var
farinn að kvarta yfir trommu-
slætti og öðrum ófögnuði á leikj-
um. Hann segir engan ákveðinn
leik hafa fyllt mælinn.
„Nei, ekkert svoleiðis. Við
ákváðum þetta bara fyrir tímabil-
ið 2008 eða 2009 að það væri komið
nóg af tónleikum. Menn yrðu bara
að nota röddina og það höfum við
gert síðari ár. Við vorum með
trommur í miðri stúkunni en hætt-
um því í leiðinni. Við látum jafnt
yfir alla ganga,“ segir Jónas.
„Það er leiðinlegt að geta ekki
farið með bandið okkar á stærsta
og flottasta völl á Íslandi. En við
mætum hvítklæddir og hvetjum
okkar lið,“ segir Skapti. - ktd
Stuðsveitin Stalla-Hú þarf að notast við hendurnar og röddina líkt og aðrir til þess að hvetja ÍBV í kvöld:
Engin hljóðfæri í stúkunni á KR-vellinum
ÁN STUÐSVEITARINNAR Eyjamenn
verða að spjara sig án Stalla-Hú í kvöld.
FRÉTTABLAÐIÐ/ANTON
Meistaradeild Evrópu
FORKEPPNI, SÍÐARI LEIKIR
Udinese - Arsenal 1-2
1-0 Antonio Di Natale (39.), 1-1 Robin van Persie
(55.), 1-2 Theo Walcott (69.)
Arsenal fer áfram samanlagt 3-1.
Viktoria Plzen - FC Kaupmannahöfn 2-1
Plzen fer áfram samanlagt 5-2.
Benfica - FC Twente 3-1
Benfica fer áfram samanlagt 5-3.
Sturm Graz - BATE Borisov 0-2
BATE fer áfram samanlagt 3-1.
Rubin Kazan - Lyon 1-1
Lyon fer áfram samanlagt 4-2.
Sigurliðin tryggðu sér sæti í riðlakeppninni.
ÚRSLIT
Enski deildabikarinn
LEIKIR Í 2. UMFERÐ
Exeter - Liverpool 1-3
0-1 Luis Suarez (23.), 0-2 Maxi Rodriguez (55.),
0-3 Andy Carroll (58.), 1-3 Nardiello, vsp. (80.)
Bolton - Macclesfield 2-1
Everton - Sheffield United 3-1
Blackburn Rovers - Sheffield Wednesday 2-1
West Ham - Aldershot Town 1-2
FÓTBOLTI Arsenal tryggði sér sæti
í riðlakeppni Meistaradeildar
Evrópu í gærkvöld með 2-1 sigri á
Udinese á Ítalíu í síðari viður-
eign liðanna. Mikil pressa var á
lærisveinum Arsene Wenger en
Robin van Persie og Theo Walcott
tryggðu Lundúnaliðinu sigur.
FC Kaupmannahöfn, lið Ragn-
ars Sigurðssonar og Sölva Geirs
Ottesen, féll úr keppni. Liðið
tapaði 2-1 gegn Plzen í Tékk-
landi. Vitað var að róðurinn yrði
þungur fyrir FCK eftir 3-1 tap á
heimavelli í fyrri leiknum.
Sölvi Geir spilaði allan leikinn
en Ragnar kom inn á seint í síðari
hálfleik. -ktd
Meistaradeild Evrópu:
Arsenal komst í
riðlakeppnina
HETJAN Theo Walcott skoraði í báðum
leikjunum gegn Udinese.
NORDIC PHOTOS/GETTY IMAGES
HANDBOLTI Stjarnan hefur dregið
lið sitt í efstu deild kvenna í
handknattleik úr keppni á kom-
andi tímabili. Handknattleiks-
deild félagsins sendi frá sér
fréttatilkynningu þess efnis í
gærkvöld.
Þar kemur meðal annars fram
að handknattleiksdeild Stjörn-
unnar hafi reynst erfitt að afla
fjármuna til að halda rekstri liðs-
ins gangandi. Þeir sem það hafi
gert undanfarin ár séu þess ekki
megnugir án frekari stuðnings.
Þá segir að ein ástæða þess
að markmið um þátttöku í ár
hafi ekki náðst sé vegna hrær-
inga á leikmannamarkaði þar
sem íslensk félög virði að vettugi
lög HSÍ um samskipti félaga við
leikmenn. Fréttatilkynninguna í
heild sinni má lesa á Vísir.is.
Ljóst er að leikmenn Stjörn-
unnar þurfa að leita sér að nýju
félagi. - ktd
Íslenski kvennahandboltinn:
Stjarnan hætt
við keppni
Í LEIT AÐ NÝJU LIÐI Landsliðsmaðurinn
Hanna Guðrún Stefánsdóttir er á mála
hjá Stjörnunni. FRÉTTABLAÐIÐ/PJETUR