Búfræðingurinn - 01.01.1939, Side 91

Landbúnaðarsýningin
í Kaupmannahöfn 17.-26. júní 1938.
Fyrir 150 árum höfðu danskir bændur lengi lifað við slæm
kjör. Þeir höfðu verið átthagabundnir, það er, ekki mátt
flytja úr einni sveit í aðra. Skattar og vinnukvaðir höfðu
bælt niður allt framtak þeirra, svo algjör kyrrstaða var í
búnaðinum.
Það var yfirstéttin, aðall og herramenn, sem stóð fyrir
þessari bændakúgun. Þetta fyrirkomulag hefir á okkar máli
verið kallað „átthagafjötrar“.
Árið 1788 var þessu fyrirkomulagi breytt. Þá voru átthaga-
fjötrarnir úr gildi numdir. í augum bændanna sjálfra þýddi
þessi lausn meira en allt annað, sem fyrir þá hafði verið
gert. Þeir skildu vel og höfðu reynslu fyrir hvílíkt ógnarvopn
aðalsmennirnir höfðu haft gegn þeim, þar sem átthaga-
böndin voru.
Eftir að fjötrarnir voru leystir, kom aðstaða til alhliða
umbóta og framfara innan landbúnaðarins. Enda rak nú
hver umbótin aðra, sem allar höfðu það markmið að bæta
kjör bændafólksins. Það má því að þessum atburði rekja
merkileg tímamót í sögu hins danska landbúnaöar.
í sumar sem leið hafði danska bændastéttin lifað 150
frelsis- og framfaraár. Þess var minnzt með stórri og fjöl-
breyttri landbúnaðarsýningu, er haldin var í Kaupmanna-
höfn dagana 17. til 26. júní. Henni var valin staður í jaðri
borgarinnar, á dálítilli hæð, sem heitir Bellahöj. Hæðin er
skógivaxin að nokkru og frá henni er mjög fagurt útsýni
yfir borgina.
Landbúnaðarráðið danska, sem í eru fulltrúar frá búnaðar-