Búfræðingurinn - 01.01.1939, Side 131

BÚPRÆÐINGURINN
127
Veturinn 1936 til 1937 drápust 24 ær. Lungu úr nokkrum
þeirra voru send til rannsóknarstofu háskólans. Hún úr-
skurðaði, að lungnaormar hefðu orðið þeim að fjörtjóni.
Haustið 1937 komu fáeinar ær mjög illa útlitandi af fjallinu.
Þær skoðaði Guðmundur Andrésson dýralæknir á Sauðár-
króki. Hann áleit, að hér væri um lungnaorma að ræða, og
ráðlagði meðul.
Ýms lungnameðul voru reynd, en öll án árangurs. Vet-
urinn 1937 til 1938 drápust 39 ær, og haustið 1938 komu
31 ær til réttar, upptærðar og sumar nær dauða komnar.
Sigurður Hliðar dýralæknir á Akureyri kom þá hingað
og rannsakaði nokkrar af hinum veiku kindum. Hann taldi
lungnaorma vera valda að veiklun þeirra.
Um sama leyti fann Ásgeir Einarsson dýralæknir hina
svonefndu Johne’s-sýki á Austurlandi. Hún fannst á bæj-
um þar sem karakúlhrútar höfðu verið. Nokkru síðar sann-
aði rannsóknarstofa háskólans, að sama veiki væri í sauð-
fénu á Hólum.
Stendur nú fyrir dyrum, að reynt verði að aðgreina hið
smitaða fé frá hinu heilbrigða með bólusetningu. í vetur,
frá því að sett var á í haust og til janúarmánaðarloka,
hefir orðið að slátra 34 ám vegna veikinnar.
Vanhöld þessi hafa staðið sauðfjárrækt skólabúsins mjög
fyrir þrifum.
Heyfengur var með mesta móti á Hólum síðastliðið sumar.
Fengust 2000 hestar af töðu og 1000 hestar af útheyi. Um
300 hestar voru verkaðir sem vothey. Túnstærð á Hólum mun
nú vera um 50 ha.
Kartöfluuppskera var með allra lélegasta móti síðastliðið
haust. Kartöflugrasið gjörféll seinni partinn í ágústmánuði.
Gulrófur, hvítkál, blómkál o. fl. þroskaðist vel.