Búfræðingurinn - 01.01.1946, Page 62
60
BÚIRÆÐINGURINN
lenzka staðhætti. Þær frærannsóknir, sem gerðar hafa verið
síðan 1924 af höfundinum, varða einungis íslenzkt fræ: korn-
tegundir, grasfrætegundir og rófnategundir, og voru þær gerðar
fyrst og fremst í þeim tilgangi að ganga úr skugga um, hvernig
fræ ræktað hér á landi væri, samanborið við erlenda fram-
leiðslu sömu tegunda og afbrigða.
Síðan um síðustu aldamót liefir alltaf verið flutt inn korn- og
grasfræútsœði og útsæði af blóma- og matjurtafræi. Höfundur
veit eigi um, hvernig gæði þessa fræs hafa verið, en vitað er, að
ekki hefir það ávalt verið fyrsta flokks vara, þó að þar frá séu
margar undantekningar. Og um fræ, sem flutt hefir verið inn
fyrir aldamót er ekkert vitað, hvorki um gæði varðandi gró-
magn eða tegundir og ræktunarhæfni þeirra við íslenzka stað-
hætti. Eflaust má ætla, að mistök á ýmsum tilraunum varðandi
kornyrkju og grasfræ til túnræktar stafi frá misjöfnu og stund-
um slæmu fræi, en þó er ekki hægt að vita neitt ákveðið um það.
Það er aðallega eftir síðustu aldamót, að innflutningur og
notkun á erlendu fræi fer að verða meiri en áður var. Frá alda-
mótum og fram að 1930 er alltaf flutt inn nokkuð af grasfræi,
og er það ekki sérstaklega tilgreint á verzlunarskýrslum ann-
að en fræ og er þar innifalið matjurtafræ, en ganga má út frá
því sem vísu, að það sé ávalt lítill hluti af fræmagninu.
Síðan 1930 hefir grasfræ ávalt verið tilgreint sérstaklega á
verzlunarskýrslum, en eigi flokkað eftir frætegundum. Inn-
flutningurinn á grasfræi hefir verið nokkuð misjafn frá ári til
árs, því að notkun er ekki ávalt eins.
Eftirfarandi yfirlit sýnir, hvað mörg kg. af grasfræi hafa
verið flutt inn s.l. 12 ár:
1930 62551 kg. 1936 36739 kg.
1931 33541 - 1937 32080 -
1932 31522 - 1938 30023 -
1933 32296 - 1939 37828 -
1934 34482 - 1940 8253 -
1935 18183 - 1941 18857 -
Hvaða tegunclir af grasfræi hafa verið mest keyptar, er ekki
nákvæmlega vitað, en eftir því sem ráða má af samsetningu