Morgunn - 01.12.1981, Page 6

YNGVI JÓHANNESSON:
HORFINN VINUR
(Skáldið Jakob Jóh. Smári 1889-1972)
i
Já, stundum geislar byggöu himinbrú
og brostu í skyndi viðhorf ný til min.
Þá leit ég alltaf ósjálfrátt til þín
í anda, því að hver var skyggn sem þú?
Ég átti litla ró og trega trú,
en til þín sótti ég þá reynslusýn,
hve heiðríkjan i skáldsins veröld skin,
mig slcyggnan lika gerði birtan sú.
Ég minnist þess er hljóður þér við hlið
ég horfði á birtast þessa fögru ró,
sem virðist örugg eilífðina tjá.
Við hlustuðum á lind og lcekjarnið,
en lífsins þruma út i fjarska dó,
og innri strengir óma tóku þá.