Morgunn - 01.12.1981, Blaðsíða 30
124
MORGUNN
Þegar þess er gætt hve mikla meðfædda hæfileika Haf-
steinn hafði hlotið í vöggugjöf, þá mun mörgum koma það
spánskt fyrir sjónir að hann hefði samt orðið að fá svona
mikla og langa þjálfun. Þetta kom meðal annai’s fram í
því, að fólk spurði tiltölulega skömmu eftir lát Hafsteins:
„Hvað er þetta? Eruð þið ekki búnir að fá annan miðil?“
Eins og hér hefði látist venjulegur skrifstofumaður. Það
væri því ekkert annað en auglýsa eftir öðrum. En til þess
að verða góður miðill þarf meira en meðfædda hæfileika.
Ég hygg að ef til vill mætti líkja því að verða góður
miðill við að þroska góða tónlistargáfu. Það leikur enginn
opinberlega á hljóðfæri öðruvísi en hafa áður lagt af mörk-
um mikla vinnu og langa þjálfun. Ég tek þetta fram hér
sökum þess, að það er bersýnilegt að fólk hefur alrangar
hugmyndir um það hvað til þess þurfi að verða góður
miðill. Flestir virðast halda að til þess þurfi ekki annað
en meðfædda hæfileika, en það er öðru nær.
Þessi vanþekking kemur ekki síst fram hjá fólki sem
hefur fundið með sér meðfædda sálræna hæfileika á ein-
hverju sviði, og heldur af þeim ástæðum einum að það
geti orðið merkilegur miðill eins og Hafsteinn Björnsson.
Þetta er mikill misskilningur. 1 fyrsta lagi eru sálrænir
hæfileikar með ýmsum hætti. Þeir geta komið fram sem
skyggnigáfa, þ.e. að viðkomandi sér stundum látnar mann-
eskjur, eða dulheyrn (en stundum fylgist þetta að hjá
sömu persónu). Það getur komið fram sem lækningahæfi-
leiki, þ.e. að viðkomandi gæti stundum hjálpað sjúkum
til bata, jafnvel þegar um sjúkdóm er að ræða sem lærður
læknir hefur lýst ólæknandi. Fæstum er þó veitt þessi náð
fyrr en viðkomandi hefur fengið um það einhver boð frá
hinum andlega heimi, t.d. gegnum miðil. Læknisaðferðin
getur verið með ýmsu móti. Má jafnvel segja að svonefndir
huglæknar hafi hver sína sérstöku aðferð sem best hefur
reynst þeim. Algengast er að huglæknir snerti sjúklinginn,
strjúki hörund hans og þá oft einmitt á þeim stöðum þar
sem sjúklingurinn hefur mest fundið til sársauka. Þá eru