Morgunn - 01.12.1981, Page 9

f
MINNING
SÉRA JÓN AUÐUNS
fyrrv. dómprófastur
Fæddur 5. febrúar 1905. — Dáinn 10. júlí 1981.
KVEÐJA
FRÁ SÁLARRANNSÓKNAFÉLAGI ISLANDS
Með fráfalli sr. Jóns Auðuns fv. dómprófasts er genginn
stórbrotinn persónuleiki og einn af höfuðprestum íslensku
þjóðkii’kjunnar og forsvarsmönnum Sálarrannsóknafélags
Islands. Með virðingu og þakklæti vill Sálarrannsóknafé-
lag Islands minnast frábærs starfs sr. Jóns Auðuns í þágu
sálarrannsókna hér á landi í um aldarfjórðungs skeið.
Sem forseti SRFl stai’faði hann ótrauður að málefnum
sálarrannsókna, bæði í ræðu og riti, ætíð reiðubúinn að
halda fram sannfæringu sinni um gildi spíritismans fyrir
kristna trú og lífsskoðun, svo og að verja þessa sannfær-
ingu sína með þeim rökum og krafti sem honum einum
var lagið.
Þó var hann gætinn og athugull og varaði einatt við of
mikilli trúgirni á órannsökuðum sálrænum fyrirbrigðum
og hvatti til aðgæslu. Sálarrannsóknir voru fyrir honum
vísindi en ekki nein sértrúarstefna og því skyldi farið með
þær sem slíkar.