Morgunn - 01.12.1981, Page 12

106
MORGUNN
nám í guðfræði og urðu síðan þjóðkunnir prestar og skóla-
menn. Guðfræðinámi lauk hann við Háskóla Islands 1929,
en stundaði síðan framhaldsnám í samanburðarguðfræði
við háskólann í Marburg í Þýskalandi, og um skeið í París.
En til Þýskalands leituðu um þessar mundir margir
íslenskir guðfræðingar til framhaldsnáms. 1 Marburg
voru það einkum tveir prófessorar, sem hann dáði mjög,
þeir dr. Rudolf Otto og dr. Fr. Heiler, báðir mjög kunnir
guðfræðingar í Þýskalandi á þessum árum. Talaði séra
Jón oft með mikilli hlýju og aðdáun um þessa þýsku læri-
feður sína.
Séra Jón vígðist 17. ágúst 1930 til Fríkirkjusafnaðarins
í Hafnarfirði og var búsettur þar syðra til 1941, er hann
tók að sér prestsþjónustu við Frjálslynda söfnuðinn í
Reykjavik, sem þá var nýstofnaður. Dómkirkjuprestur
var hann skipaður 1. des. 1945, er séra Friðrik Hallgríms-
son dómprófastur lét af störfum. Dómprófastur var séra
Jón skipaður 1. júlí 1951, er séra Bjarni Jónsson lét af
því embætti og gegndi séra Jón síðan Dómkirkjuprests- og
prófastsstörfum, uns hann fékk lausn frá störfum, 17. jan.
1973, en hafði notið aðstoðarprestsþjónustu um nokk-
urt skeið, vegna heilsubrests.
Þau ár, sem séra Jón var dómprófastur urðu mjög mikl-
ar breytingar á kirkjumálum Reykjavíkur, nýir söfnuðir
voru myndaðir, og nýjar kirkjur reistar, og varð Reykja-
víkurprófastsdæmi fljótt langfjölmennasta prófastsdæmi
landsins, með vaxandi störfum og skipulagsmálum. Auk
þess voru margvísleg störf tengd prófastsdæminu, þar sem
dómprófasturinn hlaut að vera, að meira eða minna leyti,
forystumaður. Hann var meðal annars forystumaður safn-
aðarráðs Reykjavíkur og formaður Kirkjubyggingasjóðs
og tengdur ýmsum málum, er prófastsdæmið varðaði, þótt
hér verði það ekki talið í einstökum atriðum. Allt gátu
þetta verið umfangsmikil störf og timafrek og mikil við-
bót við venjuleg prestsþjónustustörf í stórum söfnuði, því
aldrei höfðu kirkjumál Reykjavíkur tekið eins örum breyt-