Morgunn - 01.12.1981, Page 13

MINNING 107
ingum, eins og þau ár, sem séra Jón Auðuns var hér dóm-
prófastur.
1 guðfræðilegum efnum fylgdi séra Jón frjálslyndri guð-
fræðistefnu. Hann fylgdist vel með í guðfræði, og var um
langt skeið prófdómari við guðfræðideild Háskólans. Hann
hélt jafnan fast á sínu máli, bæði í ræðu og riti. Sem prest-
ur og prédikari átti hann trúfastan hóp aðdáenda og áheyr-
enda og margar af prédikunum hans og tækifærisræðum
vöktu sérstaka athygli, vegna djúptækrar hugsunar og
fágaðrar framsetningar. Margar af útvarpsprédikunum
hans urðu t.d. oft minnisstæðar. Hinsvegar var hann oft
umdeildur, eins og títt er um þá, sem ekki fara alltaf troðn-
ar slóðir.
Séra Jón ritaði allmikið og gaf meðal annars út prédik-
anasafnið „Kirkjan og skýjakljúfurinn“, 1958, og ævisögu-
þættina „Líf og lífsviðhorf", 1976, og vöktu báðar þessar
bækur sérstaka athygli, þegar þær komu út. Þá ritaði hann
marga þætti og hugleiðingar í blöð og timarit.
Um árabil var séra Jón framarlega í forystusveit áhuga-
manna um sálarrannsóknir og spíritisma og lengi formað-
ur Sálarrannsóknafélags Islands og ritstjóri tímaritsins
„Morgunn“ um árabil og birti þar margar af ræðum sín-
um og erindum, um þau áhugamál sín, er sérstaklega
snertu spíritismann.
Það er alkunna, að stefnur og straumar koma fram í
andlegum málum, er setja meiri eða minni svip á samtíð
sína. Oft mæta þessar stefnur andlegri þörf þeirra tíma,
er þær koma fram, og þó að breytingar verði síðar skilja
þær alltaf eftir nokkur varanleg áhrif. Svo var um sálar-
rannsóknastefnuna eða spíritismann er hann barst hingað
til lands í byrjun þessarar aldar, enda átti hann á að skipa
óvenjulega mikilhæfum forystumönnum, er báru uppi
merki þessarar stefnu hér á landi.
Hún var ákveðin tilraun til að vinna gegn vaxandi efnis-
hyggju sem ekki hvað síst virtist ná tökum á mörgum
menntamönnum og til að efla víðsýni í andlegum málum og