Morgunn - 01.12.1981, Side 14

108
MORGUNN
veita frjálsari straumum í kirkjulífið. Gæti hún þannig orð-
ið til styrktar kirkju og andlegu lífi. Þess vegna hafði spíri-
tisminn á Islandi á sér kirkjulegri blæ en víðast hvar
annars staðar, þó að áhrifa hans gæti minna í íslensku
kirkjulífi nú en áður.
Forystumenn íslenskra spíritista voru flestir gætnir og
víðsýnir menn, og vöruðu oft við þeirri hættu, er gæti
stafað af of mikilli trúgirni og yfirborðsmennsku og lögðu
áherslu á, að rannsókn dularfullra fyrirbrigða væru vanda-
söm vísindi og ekki á allra meðfæri, að fást við slíkar rann-
sóknir. 1 þessum hópi var séra Jón Auðuns, og hvatti hann
stöðugt til gætni og varúðar og varaði oft og tíðum við
þeirri hættu, að gera spíritismann að sértrúarstefnu, eins
og farið hefði sumstaðar erlendis.
Það kom oft fram hjá séra Jóni, að hann taldi reynslu
sina af sálarrannsóknum hafa verið mikilvæga fyrir prest-
starf sitt, og við sem þekktum hann allnáið vitum, að
fyrir reynslu hans af sálarrannsóknum varð hann óneitan-
lega áhrifameiri prédikari.
Við séra Jón vorum samverkamenn við Dómkirkjuna
í rúm 22 ár, og þegar ég nú lít til baka og hugsa um þessi
samstarfsár okkar geri ég það með þakklæti i huga. Þegar
ég kom að Dómkirkjunni tók hann mér vel og vinsamlega,
og samstarf okkar mótaðist af skilningi og tillitssemi, þótt
við værum að ýmsu leyti ólíkir. Hans fyrsta verk sem dóm-
prófasts var að setja mig inn í embættið, og hann var mér
sem eldri bróðir alla tíð. Ég gat margt af honum lært.
Oft fól hann mér að gegna fyrir sig prófastsstörfum, þegar
hann var forfallaður, og sýndi mér jafnan fullan trúnað.
Hefi ég þvi ástæðu til þess að kveðja hann með þakklæti
og virðingu að leiðarlokum.
Séra Jón var fjölþættum gáfum gæddur og átti mörg
áhugamál. Hvar sem hann fór hafði hann gott auga fyrir
listrænum menningarverðmætum, og var sjálfur gæddur
listrænum hæfileikum og smekkvísi. Hann var í allmörg ár
forstöðumaður listasafns Einars Jónssonar og dáði mjög