Morgunn - 01.12.1981, Page 35

VANDI MIÐILSSTAHFSINS
129
Svo lýsti Finna ungri ljóshærðri stúlku með blá augu
og dökkar augnabi’únir. Finna sagði að hún hefði átt heima
þarna nálægt Þuríði og verið mikið veik og dáið ung. Hún
gat ekki komið með nafnið en sagði að það væri stutt nafn.
Frú Þuríður hélt sig kannast við þessa stúlku. Hún var
vinstúlka dóttur hennar og átti heima mjög skammt frá.
Hún varð mjög veik og dó 16 eða 17 ára gömul.
Svo kom læknirinn (það er einnig vera sem kom fram
á hverjum fundi hjá Hafsteini miðli) og fór höndum um
frú Þuríði og sagði að hún væri veik fyrir bringspölunum
og að hún hefði alltof háan blóðþrýsting. Hann spyr hana
hvar hún eigi heima. Þuríður segir honum það. Þá segir
hann:
„Sigurður er lasinn. Hann má ekki vera i heyi. Hann hef-
ur lungnaþembu.“ Þuríður sagði að það væri satt, en um
það vissu ekki aðrir en hún af þeim sem fundinn sátu.
Þess má geta að miðillinn hafði aldrei séð eiginmann
Þuríðar og þekkti ekkert til hans og aldrei hafði hann
komið þar, og reyndar ekkert af því fólki sem fundinn sat.
Og þanig lauk þessum fundi. Lesandinn getur svo spreytt
sig á því að útskýra fyrir sjálfum sér eða öðrum hvernig
allar þessar upplýsingar gætu hafa komið fram með eðli-
legu móti.
9