Morgunn - 01.12.1981, Qupperneq 77

RITSTJÓRARABB
171
tekið nýja stefnu og reynt að beita aðferðum, sem vel
hafa reynst í raunvísindum. Leitin að sannleikanum held-
ur áfram með nýjum leitarljósum. En dulsálarfræðin eða
hvaða nöfnum sem hún annars nefnist er þá að vissu marki
raunvísindi, já, náttúrufræði í orðsins víðustu merkingu.
Við þykjumst vita, að náttúran sé í samhengi og dulræn
fyrirbæri hljóti að eiga sinn samastað í allri flækjunni,
sköpunarverkinu.
Það er því síður en svo út í bláinn að tengja sálarrann-
sóknir alias dulsálarfræði við þekkingarleitina almennt,
leit mannkynsins að skýringum á því, sem fyrir augu ber
í náttúrunni. Þess vegna er í rauninni ekki svo mjög úr
vegi, að birta í Morgni fróðleikskorn úr heimi vísindanna.
Á öðrum stað í þessu hefti er syrpa stuttra greina um
hitt og þetta ,,úr heimi vísindanna“. Þær hafa birst í al-
þýðlegum þætti, sem ég sé um í helgarblaðinu Helgar-
póstinum. Valdi ég úr þær, sem ég taldi fremur eiga erindi
til lesenda Morguns en aðrar greinar úr Helgarpóstsþætt-
inum.
III. Lík og ólík viðliorf
Á íslandi eru eins og í öðrum löndum ótal skoðanir í
gangi um lífið og tilveruna. Það eru ekki allir á einu máli
um tilgang eða tilgangsleysi lífsins og áhuginn er líka mis-
jafn á slíkum spurningum. Fyrir enn öðrum er ekki um
ráðgátur að ræða. Þeir eru sannfærðir um svarið. Kjósa
þá ýmsir að láta þar við sitja og halda að sér höndum,
en aðrir telja það heilaga skyldu sína að boða öðrum
svar sitt við hinum stóru spurningum. Þannig verða margs
konar straumar og stefnur.
Skoðanabræður, sem hafa hug og dug til að koma á
framfæri skoðunum sínum, gefa út blöð og bækur. Tíma-
rit um náttúrufræði, sálfræði, heimspeki og ótal önnur
fræði hér á landi og annars staðar birta stundum yfii’lits-
greinar um það, hvar komið er málum í þekkingarleitinni.