Morgunn - 01.12.1989, Blaðsíða 7

KENNINGAR SILVER BIRCH
HANNEN SWAFFER
Silver Birch, eins og við köllum hann, er ekki rauðskinni.
Hver hann er vitum við ekki. Við gerum ráð fyrir að hann noti
nafn anda þess ljósvakalíkama, sem hann tjáir sig í gegn um
vegna þess að það er ógerlegt fyrir þá háu tíðni þeirra andlegu
sviða sem hann tilheyrir að birtast nema í gegnum annað
starfstæki.
Hann er andlegur leiðbeinandi þess sem nefnt hefur verið
„heimahringur Hannen Swaffers."
Einhvern daginn mun ég segja ykkur hver ég er, sagði hann
við okkur nú nýlega. „Ég varð að birtast í formi hógværs
indíána til þess að ávinna mér kærleik ykkar og hollustu, en
ekki með einhverju háfleygu nafni og til þess að sanna sjálfan
mig með sannleika þess sem ég kenndi. Það er lögmálið.“
Silver Birch kom inn í líf mitt fljótlega eftir að ég gerðist
spíritisti, árið 1924. Alla tíð síðaa hef ég hlustað í heila klukku-
stund eða meira hverju sinni á kenningar hans, leiðsögn og fyr-
irætlanir og þannig lært að elska og virða hann meira en nokkra
jarðneska veru.
Hann birtist fyrst á alveg sérstakan hátt. Ungur maður á 18.
aldursári, trúleysingi, sem var að kynna sér spíritisma, tók í
hálfkæringi þátt í miðilshring í einu mesta fátækrahverfi Lund-
únaborgar. Hann skellti upp úr þegar, svo notuð séu hans eigin
orð, „gömul kona varð að Kínverja og allt hvað heita hefur,“
sem varð til þess að hann var ávítaður af miðli sem úr trans
sagði við hann: „Þú munt verða farinn að gera þetta sama áður
en langt um líður.“
5