Morgunn - 01.12.1989, Blaðsíða 18

KENNINGAR SILVER BIRCH
MORGUNN
En þó að þið munið þetta ekki núna þá er ekki neinu af því
nokkurn tíma kastað á glæ.
Sp.: Attu við að minningin um þessa reynslu muni hjálpa
okkur þegar við komum yfir um?
Sv.: Já, engu er á glæ kastað. Lögmálið er fullkomið. Þau
okkar sem lifað hafa í mörg ár dáumst að fullkomleika lög-
málsins og þegar við heyrum heilatetrin í ykkar heimi gagn-
rýna hinn mikla anda þá hugsum við: En hvað þau vita lítið!
Því minna sem þau vita, þeim mun meira tala þau.
Sp.: Er margt af fólkinu í einhverju starfi á meðan það sefur
eða eru heimsóknirnar eingöngu notaðar til undirbúnings
æðra starfi?
Sv.: Sum ykkar starfa vegna þess að til eru margir sem þið
getið hjálpað á meðan þið sofið. En venjulega er um undirbún-
ing að ræða. Það er farið með ykkur á þessa staði sem munu
verða til þess að hjálpa ykkur þegar þið yfirgefið heim efnisins.
Ef það væri ekki gert þá myndi áfallið af því að koma úr einni
tíðni yfir á aðra verða svo mikið að það tæki ykkur langan tíma
að ná ykkur aftur. Þetta er þess vegna auðveldara fyrir þá sem
hafa þekkinguna þegar þeir koma yfir í okkar veröld. Aðrir
verða að sofa og hvílast í langan tíma þar til þeir geta aðlagast.
Ef þið hafið vitneskjuna þá hverfið þið frá einu ástandi yfir í
annað og þið eruð ykkur meðvituð um hið nýja líf. Þegar öllu
er á botninn hvolft þá er þetta alveg eins og að opna dyr og
koma út í sólskinið. Þið verðið að venjast ljósinu.
Þau sem ekki hafa þekkinguna myndu þurfa að hvílast í
langan tíma til þess að ná sér eftir umskiptin. Það er alveg eins
og hjá barni í heiminum hjá ykkur. Það verður að þreifa sig
áfram. Þið komið samt til með að muna eftir reynslu ykkar en
þó frekar eftir því sem þið munið draumana betur.
Engu er varpað fyrir róða, hvorki í ykkar heimi eða mínum.
Munið það alltaf. Sérhver hugsun, athöfn og þrá eftir því að
þjóna og sem stígur frá hjarta ykkar hjálpar einhverjum ein-
hvers staðar. Alltaf, þegar þráin er til staðar þá laðið þið að
ykkur þá sem geta hjálpað.
Sp.: Þegar fólk deyr án þess að hafa skilning á þessum mál-
16