Morgunn - 01.12.1991, Qupperneq 25

Ingvar Björnsson:
OPIÐ HÚS -
JÓLAFUNDUR S.R.F.Í.
(6. DESEMBER 1990)
Fjölmennur vel heppnaður fundur er hófst á flautuleik
tveggja ungra stúlkna, Auðar Gyðu og Sólveigar
Þorbjarnardóttur.
Fundi stjórnaði Hilmar J. Magnús og las hann í
upphafi smá kafla úr litlu kveri ný útkomnu og er það
sagt vera orð Jesús, eins og hann flutti þau sjálfur, og
vera úr leynisafni páfagarðs.
Það sem festist best í mínum gráa kolli af innihaldi
þessa kvers var eftirfarandi:
1- Faðirvorið var nokkuð frábrugðið því sem hér hefur
verið kennt.
2- Orð Jesús um hið tæra eðli vatnsins.
3. Áhersla sú sem Jesús leggur á jaröneska móður og
himneskan föður.
4. Að þessi lestur úr litlu kveri vekur mikla forvitni um
það, hvað þar sé annað að finna. Sem sagt, trúlega
kaupi ég þetta litla kver og les það.
Lestur Hilmars og stjórn samkomunnar var afar góð.
Það andaði hlýju og kærleika frá honum.
Milli atriða léku dömurnar á flautur sínar, af miklum
þroska.
23