Lindin - 01.01.1946, Qupperneq 98

96
LINDIN
aðeins í orði heldur og í verki. Vér skorum á alla
söfnuði landsins að samstilla einhuga krafta sína. til
að vekja kristilegt líf og starf — að sækja kirkju
til aukins andlegs lífs. — Og umfram allt skorum
vér á alla starfsmenn kirkju vorrar að hefja nýja,
markvissa sókn í starfi sínu. Rækjum trúlega skyldu
vora við þjóð vora og Drottin vorn — og biðjum
hann að opna oss nýjar og nýjar dyr, til að flytja
boðskap hans og þjóna honum. Þjóð vor hefir gert
oss kleift að helga köllunarstarfi voru alla krafta
vora — og hún á því kröfu á, að vér gerum það.
Leitum nýrra leiða, hefjum nýja viðleitni sem við-
ast, og biðjum Guð um samstarfsmenn með söfnuð-
um vorum og minnumst þess nú, sem fyrr, að þess
eins er af oss krafizt, að sérhver reynist trúr.
Fundir fjórðungsprestafélaga
voru haldnir á árinu og fleiri kirkjulegir fundir,
sem allir sýndu einhuga vilja fundarmanna á þvi
að starfa sem öflugast að velferðamálum þjóðarinn-
ar á grundvelli kristninnar. Það afl færist sífelt í
aukana.
J. Kr. Isf.
Hver, sem elskar aga, sá elskar þekkingu; en
hver, sem hatar umvöndun, verður heimskur.
Sá góði fær velþóknan af Drottni; en Drottinn refs-
ar þeim manni, sem beitir hrekkjum.
Maðurinn stendur ei fastur fyrir óguðleikanum;
en réttlátra rót hifast ekki.