Morgunblaðið - 03.01.2009, Page 2

2 FréttirINNLENT
MORGUNBLAÐIÐ LAUGARDAGUR 3. JANÚAR 2009
Morgunblaðið Hádegismóum 2, 110 Reykjavík. Sími 5691100 Fréttir frett@mbl.is Fréttastjórar Sunna Ósk Logadóttir, sunna@mbl.is Egill Ólafsson, egol@mbl.is Viðskipti vidsk@mbl.is Björgvin Guðmundsson, fréttastjóri, bjorgvin@mbl.is
Menning menning@mbl.is Fríða Björk Ingvarsdóttir, ritstjórnarfulltrúi, fbi@mbl.is Umræðan | Bréf til blaðsins Guðlaug Sigurðardóttir, ritstjórnarfulltrúi, gudlaug@mbl.is Minningar mbl.is/sendagrein, Stefán Ólafsson, Arnór Ragnarsson Íþrótt-
ir sport@mbl.is Sigurður Elvar Þórólfsson, seth@mbl.is Víðir Sigurðsson, vs@mbl.is Sunnudagur Ragnhildur Sverrisdóttir, ritstjórnarfulltrúi, rsv@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is
Reikningurinn hækkar
Hækkun gjaldskrár fyrir dreifingu rafmagns hjá RARIK og minna vægi niður-
greiðslna hækkar rafmagnsreikninginn í strjálbýli og við rafhitun um allt að 14%
Eftir Helga Bjarnason
helgi@mbl.is
RAFMAGNSVERÐ til viðskiptavina RARIK
hækkar á bilinu 7 til 14% um áramót vegna hækk-
unar á taxta fyrir orkuflutning og dreifingu. Dreif-
ingartaxti Rafveitu Reyðarfjarðar hækkar einnig
um 15% og um 11,4% hjá Orkuveitu Húsavíkur.
Stóru orkufyrirtækin á Suðvesturlandi hafa ekki
ákveðið hækkanir.
Orkufyrirtæki skipta gjaldskrá sinni í tvennt,
innheimta sér fyrir flutning og dreifingu orku og
orkuna sjálfa. Engar hækkanir hafa orðið á
orkunni nú um áramótin.
Dreifing og flutningur orkunnar vegur innan við
helming af endanlegu orkuverði, en þó mismun-
andi eftir fyrirtækjum. Þannig kemur fram hjá
RARIK að algeng heildarhækkun til venjulegra
heimila í þéttbýli, án rafhitunar, sé á bilinu 8-9%.
Áhrifin eru meiri á útgjöld þeirra 6.500 viðskipta-
vina sem nota rafmagn til upphitunar og til við-
skiptavina í strjálbýli, þar sem niðurgreiðslur rík-
isins til rafhitunar og til jöfnunar orkuverðs í
strjálbýli eru óbreyttar. Í einstaka dæmum hækk-
ar dreifingarkostnaður um allt að 40% sem jafnar
sig að hluta í heildarverðinu og verður mest 14%.
Tryggvi Þór Haraldsson, forstjóri RARIK, seg-
ir að gjaldskráin hafi ekki fylgt verðlagi að und-
anförnu og vekur athygli á því að þrátt fyrir þessa
hækkun nú sé fyrirtækið innan þess ramma sem
reglur Orkustofnunar kveði á um. Til þess að
draga úr þörf á frekari hækkun ákvað RARIK í
ljósi afkomu sinnar og aðstæðna að skera fjárfest-
ingar niður um 600 milljónir og rekstrarkostnað
um 100 milljónir. Jón Bjarnason, þingmaður VG,
krefst þess að fjárlaganefnd komi saman til að
fjalla um hækkun dreifingarkostnaðar.
Orkuveita Reykjavíkur og Hitaveita Suður-
nesja hafa ekki ákveðið breytingar á gjaldskrá
fyrir rafmagnsdreifingu. Norðurorka hækkar
heita vatnið um 6-7% að meðaltali um áramót og
tengigjöld allra veitna um 26,7%.
Eftir Önnu Sigríði Einarsdóttur
annaei@mbl.is
GERT er ráð fyrir 870 milljóna kr.
hagræðingu hjá menntasviði Reykja-
víkur í fjárhagsáætlun borgarinnar.
Hækka útgjöld til þessa málaflokks
úr 16,8 milljörðum kr. í 17,6 milljarða.
„Þó að þetta sé hækkun í sjálfu sér
er hún tilkomin vegna umsaminna
launahækkana og hefði því orðið
meiri við betri aðstæður,“ segir Kjart-
an Magnússon, formaður mennta-
sviðs. Borgaryfirvöld hafi enda farið í
heilmikla hagræðingu „Við byrjuðum
að skoða alla starfsemi skólanna og
litum fyrst og fremst til lögboðinnar
starfsemi þeirra.“ Áhersla væri lögð á
að halda lögboðinni þjónustu, sem og
annarri grunnþjónustu, auk þess að
verja störf fastráðinna starfsmanna
borgarinnar eins og kostur væri.
Ekki lægi hins vegar fyrir hvort
breyting kynni að verða á högum
lausráðinna starfsmanna skólanna í
haust.
Kjartan telur þó ólíklegt að fög
muni falla niður í neinum skólum, en
gert sé ráð fyrir umtalsverðum sam-
drætti í innkaupum á búnaði. „Þetta
er liður sem mjög sárt er að skera nið-
ur í, en það verður hins vegar að horfa
til þess að á bak við hann eru ekki
nein bein störf. Skólastarfið sjálft
verður ekki fyrir neinum skakka-
föllum þó að því sé frestað að kaupa
nýjar græjur í eitt ár.“ Útgjöld vegna
símenntunar lækka þá úr 61 milljón
niður í 38 milljónir og gert er ráð fyrir
lækkun rekstrarkostnaðar á öllum
sviðum sem og lægri útgjöldum til
stjórnunnar.
Færri börn á skólaaldri
Launakostnaður lækkar enn frem-
ur um 140 milljónir kr. og er sú lækk-
un til komin vegna fækkunar nem-
enda. „Fyrir 2006 fór fjölgun fólks á
höfuðborgarsvæðinu með börn á
grunnskólaaldri svolítið framhjá
Reykjavíkurborg vegna skorts á lóð-
um,“ segir Kjartan og telur að reyk-
vískum grunnskólabörnum fjölgi þó á
ný innan fárra ára.
Verða að spara í skólunum
 Reynt var að vernda störf fastráðinna starfsmanna skólanna  Dregið úr inn-
kaupum á tölvum og skjávörpum  Færri börn á grunnskólaaldri í borginni
ÍSLENSK kona,
Ísól Lind Cotto,
var myrt á gaml-
árskvöld af eigin-
manni sínum.
Hún bjó í bænum
Marbletown í
New York-ríki í
Bandaríkjunum.
Eiginmaðurinn,
William Cotto,
skaut Ísól til bana og framdi sjálfs-
víg í kjölfarið. Ísól var 49 ára gömul.
Ísól og William Cotto bjuggu ekki
lengur saman. Hann hafði farið fram
á skilnað árið 2005 en dregið beiðn-
ina til baka árið 2006, samkvæmt
frétt á vefnum Recordline.
Ísól rak myndbandaleigu í
Marbletown og William Cotto var á
eftirlaunum en hann hætti í lögregl-
unni fyrr á árinu 2008 eftir tuttugu
ára starf. Cotto var handtekinn á
þriðjudag fyrir að hafa ráðist inn á
heimili Ísólar en var látinn laus gegn
tryggingu daginn eftir. Jafnframt
var sett nálgunarbann á hann gagn-
vart Ísól og vopn í hans eigu gerð
upptæk.
Foreldrar og dóttir á Íslandi
Samkvæmt upplýsingum frá ut-
anríkisráðuneytinu hafði Ísól búið í
Bandaríkjunum í um þrjátíu ár. Tal-
ið er að málið sé upplýst en ráðu-
neytið fylgist með gangi mála og er
reiðubúið að veita aðstoð óski ætt-
ingjar hennar eftir því.
Isól Lind var ættuð úr Njarðvík
og þar býr 32ja ára gömul dóttir
hennar ásamt eiginmanni og börn-
um. Foreldrar hennar eru einnig bú-
settir í Njarðvík. Yngri dóttir Ísólar,
22ja ára gömul, býr í Bandaríkjun-
um.
Íslensk
kona myrt
í Banda-
ríkjunum
Isól Lind Cotto
Morðinginn hafði
verið látinn laus
gegn tryggingu
FULLORÐINN karlmaður lést í
eldsvoða í fjölbýlishúsi í Fannborg
1 í Kópavogi aðfaranótt 31. desem-
ber sl. Eldurinn mun hafa komið
upp í stofu íbúðar mannsins en elds-
upptök eru ókunn.
Slökkvilið höfuðborgarsvæðisins
fékk tilkynninu um eldsvoðann á
þriðja tímanum og var allt tiltækt
lið kallað út. Notast var við körfu-
bíla til að ná íbúum út úr húsinu og
var þeim safnað saman í tvo stræt-
isvagna. Slökkvistarf tók um þrjá-
tíu mínútur. andrikarl@mbl.is
Lést í eldsvoða
Þó að hagrætt sé um 870 millj-
ónir kr. hjá menntasviði borg-
arinnar eru framlög til sér-
kennslu aukin um 20% og er sú
hækkun til komin vegna um-
saminna launahækkana.
„Það var algjört leiðarljós hjá
okkur að skerða ekki þjónustu
við þá sem þurfa helst á henni
að halda. En það eru ekki síst
fatlaðir einstaklingar eða þeir
sem eiga við einhverja erfið-
leika að stríða,“ segir Kjartan
Magnússon.
Sérkennslan vernduð
KARLMAÐUR á sjötugsaldri lést í
umferðarslysi á Ólafsfjarðarvegi við
bæinn Krossa um miðjan nýársdag.
Kona á svipuðum aldri slasaðist en
ekki alvarlega. Samkvæmt upplýs-
ingum frá lögreglunni á Akureyri
voru tildrög slyssins þau að tveir
bílar, sem komu hvor úr sinni átt-
inni, skullu saman. Hálka var á veg-
inum þegar slysið átti sér stað. Öku-
menn beggja bifreiða voru einir í
bílum sínum.
Fólkið var flutt á Sjúkrahúsið á
Akureyri og var maðurinn úrskurð-
aður látinn við komuna. Hinn látni
hét Árni Steingrímsson, til heimilis á
bænum Ingvörum í Svarfaðardal.
Árni fæddist 20. nóvember 1943.
Hann var ekkill og lætur eftir sig sex
uppkomin börn. andrikarl@mbl.is
Fyrsta bana-
slysið á árinu
TVEIR selir kúrðu á skeri við Seltjarnarnes í
gær. Þeir voru þó ekki sofandi, eins og segir í
gömlu þulunni, heldur fylgdust gaumgæfilega
með brölti ljósmyndarans í fjörunni.
Erlingur Hauksson sjávarlíffræðingur skoðaði
myndina og taldi líklegast að um tvo landseli
væri að ræða. Sá ljósi til hægri væri feitari og
eldri en sá til vinstri yngri og horaðri. Landselir
geta verið mjög breytilegir að lit.
Landselurinn finnst víða í heiminum og heim-
kynni hans eru m.a. við strendur Norður-
Atlantshafs, Kyrrahaf norðanvert og í Eystra-
salti. Landselir kæpa hér á vorin. Einnig kæpa
útselir hér á landi, en þeir kæpa á haustin.
Fullvaxinn landselsbrimill getur orðið allt að
tveggja metra langur og um 170 kg að þyngd.
Urturnar geta orðið um 170 sentimetra langar
og rúmlega 100 kg þungar. gudni@mbl.is
Tveir landselir lágu á skeri við Seltjarnarnes og fylgdust með mannlífinu
Morgunblaðið/Árni Sæberg
Sofa urtubörn á útskerjum