Morgunblaðið - 03.01.2009, Side 21

Fréttir 21ERLENT
MORGUNBLAÐIÐ LAUGARDAGUR 3. JANÚAR 2009
Eftir Grétar Júníus Guðmundsson
gretar@mbl.is
VONIR Björgólfs Guðmundssonar
um að fá allt að 250 milljónir punda,
jafnvirði um 44 milljarða íslenskra
króna, fyrir breska úrvalsdeildar-
knattspyrnuliðið West Ham eru
óraunhæfar við núverandi aðstæður
í efnahagsmálum. Þessu er haldið
fram í grein í breska blaðinu Guardi-
an. Þar kemur einnig fram að Björg-
ólfur hafi nú einungis tvo mánuði til
að selja félagið, þar sem yfirvofandi
sé gjaldþrot eignarhaldsfélagsins
Hansa, sem er í eigu Björgólfs.
Segir í greininni að samkvæmt
ónafngreindum heimildarmönnum
hafi samtals níu aðilar sýnt áhuga á
því að kaupa West Ham. Viðræður
um mögulega sölu á félaginu hafi
hins vegar ekki skilað miklum ár-
angri til þessa. Að hluta til sé það
vegna jólahátíðarinnar, en einnig
hafi sitt að segja hvað verð-
hugmyndir hugsanlegra kaupenda
og Björgólfs séu mismunandi. Hugs-
anlegt sé að sæst verði á verð sem sé
um helmingur af því sem Björgólfur
hefur gert sér vonir um. Þó er tekið
fram í greininni að hann sé reiðubú-
inn til að bíða þar til rétt verðtilboð
berist.
Greiðslustöðvun til 6. mars
Björgólfur keypti West Ham í
gegnum félag sitt Hansa ehf. fyrir
85 milljónir punda á árinu 2006. Hef-
ur West Ham nú verið til sölu í um
tvo mánuði. MP banki, sem er einn
af lánardrottnum Hansa, fór fram á
það í desembermánuði síðastliðnum,
að félagið yrði tekið til gjald-
þrotaskipta, en heildarskuldir þess
nema um 38 milljörðum króna. Hér-
aðsdómur Reykjavíkur úrskurðaði
að Hansa gæti verið í greiðslu-
stöðvun til 6. mars næstkomandi.
Eru því nú rúmir tveir mánuðir eftir
af greiðslustöðvunartímanum.
Í greininni í Guardian segir að ef
allt fari á versta veg verði West
Ham sett í greiðslustöðvun til að
halda félaginu gangandi. Það hafi
hins vegar slæm áhrif á stöðu fé-
lagsins í ensku úrvalsdeildinni, því
félagið muni þá missa samtals níu
stig. Það hefði mikil áhrif, því þá
myndi félagið falla niður í eitt af
neðstu sætum deildarinnar.
Óraunsætt mat
Enn hefur ekkert gengið með sölu á breska fótboltaliðinu
West Ham, sem er í eigu Björgólfs Guðmundssonar
Associated Press
Mikilvægt Mikið er í húfi fyrir liðsmenn West Ham, eins og fyrir ýmsa aðra,
að það takist að koma í veg fyrir að félagið fari í greiðslustöðvun.
!

" 5'05-
  
   6-
06
,0
',0
(5 (7889
K*D*!&*+ 9:6*%&< &
 :
K*3 *%= * 
!*L3% K**& *F:!< &8&* *=  & *+ 9:66< :*! *3% 

K*+ 9:66< :*&*?6!:* *:*8&* *=  & *<&:** <*8 *6C
+*%= *3 :
+ 9:6&:*%&< &

(*#:!*M

3: & &:*6 :6! =
+?:A(@*= !
1 :6! :6*%:!:
M 
= !
3 *! :8 
6
N 6 <!:*O!:
5<:!:
3  
3&
!: % 
!<! +6P:*!:<!
&

&

*:
&
A *:
*:
*:
*:
Q
Q
Q
9(
(7
(8
(
7(
(
8
9
7(

9(87
! !:
! !:
! !:
! !:
! !:
! !:
! !:
! !:
! !:
! !:
! !:
K

K
Eftir Bjarna Ólafsson
bjarni@mbl.is
MIKIL verðbólga og samdráttur í einkaneyslu mun
þjaka bandaríska hagkerfið á næstu árum, rætist spár
nokkurra hagfræðinga og fjármálamanna, sem spáðu
fyrir um hrunið, sem orðið hefur á fjármálamörkuðum
heimsins.
Í grein Wall Street Journal er farið yfir spár manna
eins og Peter Schiff, sem spáði fyrir um hrunið á fast-
eignamarkaðnum og fall lánasjóðanna Fannie Mae og
Freddie Mac, og Jeremy Grantham, sem spáði fyrir um
hrun bankanna í haust er leið. Þessir menn hafa af því
áhyggjur að sú staða gæti komið upp að ríki heimsins
keppist við að fella gengi gjaldmiðla sinna til að styrkja
útflutningsgreinarnar. Það muni hins vegar leiða til auk-
innar verðbólgu í þessum ríkjum.
Bob Rodriguez, sjóðstjóri hjá fjármálafyrirtækinu
FPA, segir markað með bandarísk ríkisskuldabréf bera
öll merki bóluhegðunar. Verð á bréfunum sé allt of hátt
og að hrun sé yfirvofandi. Bendir hann á að miðað við
ávöxtunarkröfu á 30 ára ríkisskuldabréfum geri fjárfest-
ar ráð fyrir því að verðbólga á þessum þrjátíu árum verði
að meðaltali 1%, sem sé fjarstæðukennt. Segist hann ekki
treysta bandaríska ríkinu og neiti því að kaupa ríkis-
skuldabréf. Hann vilji ekki lána fé til aðila sem fari með
jafnóábyrgum hætti með efnahagsreikning sinn.
Staðið á eldsneytisgjöf og bremsu á sama tíma
Rodriguez segir bandaríska stjórnmálamenn ekki enn
hafa skilið þá breytingu sem orðið hafi í hegðun banda-
rísks almennings á síðustu mánuðum. Bandaríkjamenn
muni í auknum mæli leggja fyrir fé og draga úr eyðslu.
Stjórnmálamenn muni hins vegar reyna að ýta undir
einkaneyslu til að viðhalda hagvexti. Næsti forseti
Bandaríkjanna, Barack Obama, muni standa á eldsneyt-
isgjöfinni en bandarískur almenningur þrýsta á brems-
una. Þetta sé uppskrift að óstöðugleika í efnahagsmálum
og að gera megi ráð fyrir því að kreppan muni dýpka á
næstu átján mánuðum.
Segja að kreppan muni
dýpka á næstu mánuðum
Þeir sem spáðu fyrir um yfirstandandi kreppu eru svartsýnir
um framhaldið fyrir hagkerfi heimsins á næstu misserum
BANN við reykingum á öllum op-
inberum stöðum, til dæmis í húsnæði
í eigu hins opinbera, veitingastöðum
og öðrum samkomustöðum, í borg-
inni Pueblo í Colorado í Bandaríkj-
unum hefur leitt til þess, að sjúkra-
hússinnlögnum vegna hjartaáfalls
hefur stórfækkað. Í nálægum sveit-
arfélögum þar sem ekkert bann er
við reykingum varð aftur á móti ekki
vart við neina breytingu.
Rannsóknin stóð í fimm ár eða frá
1. júlí 2003 þegar bannið gekk í gildi.
Er hún sú umfangsmesta hingað til
og bendir eindregið til þess, að
óbeinar reykingar séu miklu skað-
legri en talið hefur verið. Áætlað er,
að um 46.000 manns, sem ekki
reykja, deyi árlega af völdum hjarta-
sjúkdóma og um 3.000 vegna lungna-
sjúkdóma.
Níunda rannsóknin
sem sýnir það sama
„Niðurstöður rannsóknarinnar
eru mjög sláandi,“ sagði dr. Michael
Thun, starfsmaður hjá bandarísku
krabbameinssamtökunum. „Hún er
raunar níunda rannsóknin, sem sýn-
ir, að reykningabann er áhrifarík-
asta og ódýrasta aðferðin við að
draga úr hjartasjúkdómum.“
Í rannsókninni var fylgst með inn-
lögnum sjúklinga vegna hjartasjúk-
dóma á sjúkrahúsum í Pueblo og til
samanburðar á tveimur öðrum svæð-
um, einu skammt frá borginni og
öðru nokkru fjær. Niðurstaðan var
sú, að á þremur árum eftir að bannið
gekk í gildi fækkaði innlögnum af
þessum ástæðum í Pueblo um 41%.
Áður var hlutfall hjartaáfalla 257
fyrir hverja 100.000 íbúa en fór á
þessum stutta tíma niður í 152.
Talsmenn ýmissa samtaka, sem
berjast gegn reykingum, hafa eðli-
lega tekið niðurstöðunni vel og segja
rannsóknina sýna hve mikla áherslu
verði að leggja á að vernda fólk fyrir
óbeinum reykingum.
Þótt rannsóknin sé sú umfange-
mesta til þess þykja þó vera á henni
nokkrir hnökrar og hefur hún verið
gagnrýnd fyrir það. Til dæmis voru
þeir, sem þurftu að leggjast inn
vegna hjartaáfalls, ekki sundur-
greindir eftir því hvort þeir reyktu
eður ei og því er erfitt að meta áhrif
óbeinna reykinga á heilsu þeirra. Þá
er líka á það bent, að á rannsókn-
artímanum hafi almennt dregið úr
reykingum. svs@mbl.is
Róttæk áhrif af
reykingabanni
41% færri hjartaáföll á þremur árum
Morgunblaðið/Ásdís
Í kófinu Ekki er ofsögum sagt af
óhollustu tóbaksreykinga.
HÚN lyftist heldur en ekki brúnin á
erfingjum aldraðs læknis í Gosforth
á Englandi þegar þeir ákváðu að
líta inn í bílskúrinn hans. Þar blasti
við þeim rykfallinn fjársjóður, bif-
reið af gerðinni Bugatti 57S Atal-
ante. Var hún smíðuð árið 1937 og
aðeins 17 eintök. Talið er að henni
hafi síðast verið ekið um 1960. Víst
er að fyrir hana muni fást mikið fé
á uppboði en Bugatti-fyrirtækið
ítalska er frægt fyrir að framleitt
sum mestu bíladjásnin á árunum
fyrir síðasta stríð. Eftir það fór að
halla undan fæti og nú hefur
Volkswagen einkarétt á nafninu.
AP
Gimsteinninn í bílskúrnum
KARAKAS, höfuðborg Venesúela á
þann vafasama heiður að vera höf-
uðborg morðanna, en þar er mest
tíðni morða í heiminum.
Í desembermánuði einum voru að
minnsta kosti 510 morð framin í
borginni. Samkvæmt skýrslu tíma-
ritsins Foreign Policy er Karakas
ekki bara efst á listanum því morð
þar voru áberandi fleiri en í þeim
borgum sem fylgdu í kjölfarið.
Næstu borgir á lista voru Höfðaborg
í Suður-Afríku, New Orleans í
Bandaríkjunum og Moskva, höfuð-
borg Rússlands.
Samkvæmt skýrslunni voru fram-
in 130 morð á hverja 100.000 íbúa í
Karakas en í borginni búa um fjórar
milljónir manna.
„Karakas hefur orðið mun hættu-
legri en aðrar suðuramerískar borg-
ir á liðnum árum og slær jafnvel út
hina alræmdu Bogotá, höfuðborg
Kólumbíu,“ sagði í skýrslunni.
Morðin í Karakas eru talin enn
fleiri þar sem fjöldi morða kemst
aldrei á skrá hjá lögreglu. Ofbeldið í
Karakas er talið tengjast fátækt þar
sem flest morðin eru framin í fá-
tækrahverfum. Flest þeirra eru
framin meðal ungs fólks undir þrí-
tugu og tengjast yfirleitt eiturlyfjum
og gengjabardögum.
Frá áttunda áratug síðustu aldar
og fram á þann tíunda þrefaldaðist
fjöldi fátækra en yfirvöld hyggjast
berjast af auknu kappi gegn ofbeldi á
nýju ári. jmv@mbl.is
Flest morð í heimi framin
í höfuðborg Venesúela