Morgunblaðið - 10.03.2009, Blaðsíða 14

14 FréttirINNLENT
MORGUNBLAÐIÐ ÞRIÐJUDAGUR 10. MARS 2009
Eftir Sigtrygg Sigtryggsson
sisi@mbl.is
TILLÖGUR að frumhönnun á horni Lækjargötu og
Austurstrætis hafa verið kynntar í skipulagsráði
borgarinnar. Skipulagsráð gaf hönnuðunum grænt
ljós á að halda vinnu sinni áfram á grundvelli til-
lagnanna. Mikill vilji er hjá borgarfyrirvöldum að
hefja uppbyggingu á horninu strax á þessu ári enda
er ástand þess mikið lýti á miðborginni að þeirra
mati.
Eftir brunann mikla sem varð á þessu sögufræga
horni 18. apríl 2007 efndi Reykjavíkurborg til sam-
keppni um uppbyggingu á svæðinu. Hlutskarpastar
urðu teiknistofurnar Argos, Gullsnið og Studio
Grandi. Tillaga til deiliskipulags var unnin upp úr
hugmyndum þeirra.
Bakgarður verður stærri og fallegri
Að sögn Hjörleifs Stefánssonar arkitekts hjá Gull-
sniði eru aðalatriði frumhönnunar þau sömu og upp-
haflega var gert ráð fyrir. Helsta breytingin er sú
að Nýja bíó, sem verður endurreist, verður þrjár
hæðir í stað tveggja eins og það var í upphafi. Jafn-
framt verður húsið ívið minna að grunnfleti. Hug-
myndin hér að baki er sú að bakgarður hússins verði
stærri og fallegri en fyrri tillögur gerðu ráð fyrir. Í
Nýja bíói á að geta farið fram starfsemi af marg-
víslegu tagi en ekki eru áform um bíósýningar. Aft-
ur á móti er ætlunin að endurvekja þekktan veit-
ingastað, Rosenberg, sem var í kjallara hússins.
Deiliskipulagstillagan sem að framan greinir nær
til elsta hluta Kvosarinnar, það er reits sem afmark-
ast af Pósthússtræti, Skólabrú, Lækjargötu og Aust-
urstræti.
Húsin þykja hafa sögulegt gildi
Mörg hús á reitnum þykja hafa mikið menningar-
og byggingarsögulegt gildi. Þar má nefna hús teikn-
uð af Guðjóni Samúelssyni eins og bygging Reykja-
víkurapóteks og Hótel Borg. Þá var á reitnum ein
elsta götumynd borgarinnar sem brann 18. apríl
2007. Húsin Austurstræti 20-22 og Lækjargata 2
verða endurbyggð en þó með nokkrum breytingum.
Húsið við Austurstræti 20, Hressingarskálinn, verð-
ur tveggja hæða. Austurstræti 22, þar sem Pravda
var, verður fært nær upphaflegri mynd.
Eins er ætlunin að endurbæta húsið í Lækjargötu
2 og hækka það um eina hæð líkt og lagt var til í
fyrrnefndri verðlaunatillögu. Þar var horft til þess
hvernig húsið leit út á blómaskeiði sínu um aldamót-
in 1900. Flytja þarf húsið á annan stað í borginni á
meðan endurbyggingin fer fram og grunnurinn
verður steyptur undir það að nýju.
Hornið sögufræga Svona er hugmyndin að hornið á Lækjargötu og Austurstræti líti út þegar uppbyggingu
þess verður lokið. Það er vilji borgarinnar að uppbygging á svæðinu geti hafist strax á þessu ári.
Nýja bíó hækkar
 Frumhönnun á horni Lækjargötu og Austurstrætis
kynnt í skipulagsráði  Vilji til að hefja uppbyggingu
ÖSSUR Skarphéðinsson, Ásta
Ragnheiður Jóhannesdóttir, Helgi
Hjörvar og Skúli Helgason ætla öll
að freista þess að komast hærra en
þau höfðu fyrr frá greint á lista Sam-
fylkingar í Reykjavík í prófkjöri
flokksins sem nú er hafið. Össur
hafði áður óskað eftir stuðningi í 3.
sæti í öðru hvoru Reykjavík-
urkjördæminu. Í tilkynningu Öss-
urar frá í gær segir hins vegar að
þar sem Ingibjörg Sólrún Gísladótt-
ir, formaður flokksins, hafi tilkynnt
að hún væri hætt þátttöku í próf-
kjörinu af heilsufarsástæðum, hafi
hann ákveðið að gefa kost á sér í 2.
sætið. Af sömu ástæðu ætlar Ásta
Ragnheiður Jóhannesdóttir félags-
málaráðherra nú að gefa kost á sér í
3. sætið og eftir sama sæti sækjast
Helgi Hjörvar og Skúli Helgason.
Þau höfðu áður gefið kost á sér í
fjórða sæti.
Mikil eftirsjá
Stjórn Samfylkingarinnar segir í
tilkynningu mikla eftirsjá að Ingi-
björgu Sólrúnu sem formanni
flokksins og vonar að hún láti til sín
taka að nýju í stjórnmálunum. Hún
hafi markað djúp og víðtæk spor
með þátttöku sinni og forystu í ís-
lenskum stjórnmálum.
Sætaskipti
í kjölfar
veikinda
Hreyfing á frambjóð-
endum Samfylkingar
Össur
Skarphéðinsson
Ásta Ragnheiður
Jóhannesdóttir
Skúli
Helgason
Helgi
Hjörvar
KJARASVIÐ VR hefur beint því til
launþega að fara vel yfir for-
skráðar upplýsingar á skatt-
framtölum, þar sem komið hefur í
ljós að þær eru ekki í öllum til-
vikum réttar. Dæmi eru um að for-
skráðar upplýsingar, hjá fyr-
irtækjum sem lent hafa í
greiðsluerfiðleikum eða gjald-
þrotum, séu rangar, þ.e. launatalan
sem gefin er upp í forskráðum upp-
lýsingum hefur ekki verið greidd til
launþegans heldur er að hluta til
eða öll í vanskilum.
Á vef Ríkisskattstjóra kemur
fram að séu laun ógreidd skal gefa
þau upp með hefðbundnum hætti
en færa þau jafnframt sem úti-
standandi kröfu í lið 3.3 á skatt-
framtalinu, þ.e. ef fyrirtæki er ekki
gjaldþrota. Laun sem ekki hafa
fengist greidd vegna gjaldþrots
fyrirtækis skal hins vegar ekki
færa til tekna en gera á grein fyrir
þeim í athugasemdum í lið 1.4 á
skattframtalinu.
Ógreidd laun
á framtalinu
STJÓRN kvennahreyfingar Sam-
fylkingarinnar ályktaði í gær að
Ingibjörg Sólrún Gísladóttir, frá-
farandi formaður, hefði lagt gríð-
arlega mikið af mörkum til ís-
lenskrar kvennabaráttu. Í
borgarstjóratíð hennar hefði mikil
áhersla verið lögð á réttindi
kvenna, launamunur kynjanna
minnkað og umbreyting orðið í
menntunar- og vistunarmálum
ungra barna. Þá hefði Ingibjörg
brotið blað með því að leiða Jó-
hönnu Sigurðardóttur til embættis
forsætisráðherra, fyrsta kvenna.
Þökkuðu fyrir
baráttuna
STYRKUR svifryks fór yfir
heilsuverndarmörk þrjá daga í
röð í liðinni viku, en sólarhrings-
styrkur við Grensásveg mældist
61 síðastliðinn fimmtudag, 54,1 á
föstudag og 55,6 á laugardag.
Ekki er búist við svifryksmengun
næstu daga.
Rykbinding var á helstu um-
ferðargötum í Reykjavík á föstu-
dag en dugði ekki allan daginn
vegna þess að blandan var of
þunn.
Yfir mörkin
þrjá daga í röð
Eftir Rúnar Pálmason
runarp@mbl.is
SIGMUNDUR Davíð Gunnlaugsson,
formaður Framsóknarflokksins, seg-
ir að hugsanlega ættu íslenskir lífeyr-
issjóðir að bera
kostnaðinn ef lán
sem þeir hafa
veitt verða færð
niður um 20%,
eins og Fram-
sóknarflokkurinn
hefur lagt til.
Tillagan um
20% niðurfærslu
allra skulda er
hluti af viðameiri
tillögum flokksins í efnahagsmálum. Í
stuttu máli byggir niðurfærslu-
hugmyndin á þeirri forsendu að þar
sem fyrirsjáanlegt sé að eignasöfn
gömlu bankanna verði afskrifuð um
u.þ.b. 50% þegar þau verða færð yfir
til þeirra nýju, sé svigrúm til að af-
skrifa skuldirnar. Með 20% nið-
urfærslu skulda verði komið í veg fyr-
ir fjöldagjaldþrot heimila og
fyrirtækja og hrun á fasteignamark-
aði.
Eins og komið hefur fram eiga er-
lendir aðilar kröfur á gömlu bankana,
því það voru einkum þeir sem lánuðu
íslensku bönkunum það fé sem ís-
lensku bankarnir lánuðu áfram til Ís-
lendinga. Því hlýtur að þurfa að
spyrja hvers vegna kröfuhafarnir
ættu að fallast á að allar skuldir verði
færðar niður um 20%.
Þegar afskrifað kröfur
Sigmundur Davíð benti á að kröfu-
hafarnir hafi þegar afskrifað þessar
eignir sínar að verulegu leyti og í
raun mætti segja að með yfirtöku rík-
isins á bönkunum hefðu kröfuhaf-
arnir fengið meira í sinn hlut en þeir
hefðu fengið ef eignasöfn bankanna
hefðu einfaldlega verið seld á upp-
boðum. Þá hefðu kröfuhafarnir ekki
hagsmuni af því að hér yrðu fjölda-
gjaldþrot og verðhrun á eignum því
með því móti fengju þeir enn minna í
sinn hlut en ella en tillögur framsókn-
armanna miðuðu að því að forða slíku
hruni. Þar að auki gerðu tillögur
framsóknarmanna ráð fyrir að er-
lendu kröfuhafarnir eignuðust hlut-
deild í nýju bönkunum en með því
móti væri enn frekar komið til móts
við hagsmuni þeirra.
Hjálpar líka sjóðunum
En það voru ekki bara bankar sem
lánuðu heldur einnig lífeyrissjóðir. Ef
húsnæðislán til sjóðsfélaga og fyr-
irtækjalán sem lífeyrissjóðir hafa
veitt yrðu færð niður um 20% jafngilti
það 66 milljörðum. Við þá upphæð
bætist að sjóðirnir hafa keypt um 50
milljarða af skuldabréfum Íbúðalána-
sjóðs.
Sigmundur Davíð tók fram að í til-
lögunum væri gert ráð fyrir að ríkið
myndi fjármagna einhvern hluta af
afskriftunum. „En það er spurning
hvort það sé réttlætanlegt að lífeyr-
issjóðirnir eigi að taka þetta á sig
sjálfir vegna þess að útlán þeirra eru
varla neitt miklu betri en bankanna,“
sagði hann. Með því að koma í veg
fyrir fjöldagjaldþrot og hrun fast-
eignamarkaðarins væri einnig verið
að gæta hagsmuna lífeyrissjóðanna.
Lífeyrissjóðir ekki stikkfrí
 Einnig í hag lífeyrissjóða að komið verði í veg fyrir fjöldagjaldþrot og hrun á fasteignamarkaði með
20% niðurfærslu skulda  Kröfuhafarnir fengju minna ef eignasöfnin hefðu verið seld á uppboðum
Sigmundur Davíð
Gunnlaugsson
Skuldir vegna húsnæðislána nema
um 1.400 milljörðum og sam-
kvæmt upplýsingum frá Seðla-
bankanum voru skuldir fyrirtækja
við fjármálastofnanir hér á landi
um 5.500 milljarðar síðastliðið
haust. Framsóknarflokkurinn legg-
ur til að allar þessar skuldir verði
færðar niður um 20% sem jafn-
gildir um 1.300 milljörðum.
Framsóknarmenn segja að ekki
sé um ný útgjöld að ræða heldur
verði þessi upphæð að mestu þeg-
ar afskrifuð þegar eignasöfn
gömlu bankanna verða færð yfir til
þeirra nýju.
Getum ekki beðið
Morgunblaðið spurðist fyrir um
hvaða útreikningar og gögn lægju
að baki tillögu framsóknar.
Í samtali við blaðið sagði Sig-
mundur Davíð Gunnlaugsson, for-
maður Framsóknarflokksins, að
tillagan byggðist ekki á upplýs-
ingum um fjölda þeirra sem væru í
vandræðum vegna húsnæð-
isskulda, atvinnumissis eða ann-
ars. Þessar upplýsingar lægju ein-
faldlega hvergi fyrir. Eins og rætt
hefði verið um í nokkra mánuði
skorti upplýsingar. „Hins vegar
höfum við þær hagstærðir sem við
þurfum til að vita að Ísland er á
bjargbrúninni,“ sagði hann. Það
væri ekki hægt að komast að end-
anlegri niðurstöðu um þetta. „Því
þetta er allt að breytast, dag frá
degi, greiðslugetan og verðmæti
fasteigna, og allir þessir þættir. Ef
við ætlum að bíða eftir því að hafa
allar tölur fyrir framan okkur og
reikna út nákvæma niðurstöðu, þá
verður það óendanleg bið. En við
sjáum nú þegar að við erum ekki í
aðstöðu til að bíða.“
Upplýsingar um stöðu skuldara ekki til