Morgunblaðið - 10.03.2009, Blaðsíða 23

23
MORGUNBLAÐIÐ ÞRIÐJUDAGUR 10. MARS 2009
Ganga í takt Framsóknarmennirnir Helga Sigrún Harðardóttir og Magnús Stefánsson vita greinilega á hvaða leið þau eru. Hann á leið úr þingmennsku en
hún heldur áfram baráttunni. Vonir landsmanna standa til þess að alþingismenn muni ganga í takt eftir kosningarnar sem fram fara í vor.
Ómar
Árni B. Steinarsson Norðfjörð
| 9. mars
Heimtum líka allar
innlendar eigur Baugs-
fjölskyldunnar upp í
skuldir
Ég ætla ekkert að vera
dónalegur og segja að
JÁ og fjölskylda geti
bara farið að vinna á
kassanum í Bónus sem
yrði þá í eigu ríkisins.
Hann má alveg lifa í
Tortola með 200 milljóna króna fjár-
sjóð, skili hann öllu öðru. Íslenskum
aðilum ber að heimta allar þær inn-
lendu skuldir sem þeir eiga inni hjá
Jóni Ásgeiri og fjölskyldu.
Ríkið þarf að keyra Baugsfjölskyld-
una í þrot og fá Bónus, Hagkaup, 10-
11, 365, Debenhams og öll hin fyr-
irtækin og eignarhlutanna í sárabætur
fyrir þjóðargjaldþrotið, spillinguna,
einræðið og allt annað, Þá verður
hægt að skipta verslanaveldinu upp og
selja til margra aðila, innlendra sem
erlendra.
Þannig skapast samkeppni og góð
kjör almennings.
Burt með Baugsfjölskylduna úr ís-
lensku atvinnulífi.
Keyrum veldið í þrot líka á Íslandi!
Meira: taoistinn.blog.is
Jenný Anna Baldursdóttir | 9. mars
Helvítis fokking fokk
dugar ekki lengur!
Það er að renna al-
mennilega upp fyrir mér
í þessum skrifuðu orð-
um hvað fjárglæpa-
mennirnir íslensku eru
búnir að vera að gera
sem hefur orðið til þess
að við erum nú gjaldþrota þjóð með
orðspor sem hæfir hlandkoppi.
Sárast þykir mér að stjórnvöld sem
treyst er fyrir þjóðarhagsmunum hafa
brugðist á öllum stigum máls og héldu
áfram að bregðast þar til stjórnin
sprakk og lifa í afneitun eða þöggun
af einhverjum ástæðum.
Mér er í raun sama orðið hver brást
og hvers vegna, ég vil bara að þetta
lið fái ekki að koma nálægt stjórn
landsins, hvorki sem embættismenn
né pólitíkusar. Út með hyskið.
Enginn hefur enn verið yfirheyrður
einu sinni. Allt virðist vera í gúddí fíl-
ing, einn saksóknari situr með tómar
hillur og ég fæ það á tilfinninguna að
þetta sé sjónarspil.
Nú er Straumur farinn.
Þar bætist í skuldapottinn og við
getum ekki borið hönd fyrir höfuðið.
30% þjóðarinnar vilja meira af
Sjálfstæðisflokki.
Á því hlýtur að vera skýring, enginn
er svona dofinn frá heila og niðurúr að
hann sjái ekki þá synd sem felst í að
hafa látið þetta sukk vera mögulegt
og gera ekkert til að stöðva það.
Þetta fólk hlýtur að vera dofið og í
sjokki.
Ég er búin að ganga í gegnum allan
pakkann af tilfinningum og það er
ekkert lát á.
Um leið og ég byrja að reyna að
vera jákvæð, safna mér saman og
byggja upp í mér baráttuþrekið þá
kemur ný frétt.
Frétt sem ég hvorki get né vil
melta.
En ég verð.
Helvítis fokking fokk lýsir ekki líðan
minni lengur. . . .
Meira: jenfo.blog.is
Björgvin Guðmundsson | 9. mars
Skattur á lífeyrissjóðs-
tekjur lækki í 10%
Á aðalfundi Félags eldri
borgara í Rvk (FEB) var
samþykkt að lækka ætti
skatt af tekjum úr líf-
eyrissjóði í 10% en
skatturinn er nú
35,72%. Uppsafnaður
lífeyrir í lífeyrissjóðum er að verulegu
leyti fjármagnstekjur. Fjármagns-
tekjuskattur er 10%. Þess vegna er
eðlilegt að skatturinn sé ekki hærri en
10%.
Meira: gudmundsson.blog.is
„NÚ SEM aldrei fyrr þurfum
við sterka stjórnmálaleiðtoga sem
eru tilbúnir að vinna af heilindum
í þágu þjóðarinnar, byggja upp
traust hennar með vönduðum
vinnubrögðum og yfirveguðum
málflutningi og umfram allt þurf-
um við málefnalega umræðu …
Hafi núverandi heilbrigðisráðherra
betri hugmyndir um hvernig ná
megi fram þeirri hagræðing-
arkröfu sem sett er á heilbrigð-
iskerfið er brýnt að hann kynni
þjóðinni þær hugmyndir.“ Þetta segir Guð-
laugur Þór Þórðarson, alþingismaður og fyrr-
verandi heilbrigðisráðherra, m.a. í grein sem
hann birtir í Morgunblaðinu undir fyrir-
sögninni, Kallað eftir heiðarleika af hálfu heil-
brigðisráðherra.
Hvatning Guðlaugs Þórs um málefnaleg
stjórnmál og heiðarleg vinnubrögð er góðra
gjalda verð og honum sjálfum sem og okkur öll-
um verðugt íhugunarefni. Niðurskurði á út-
gjöldum til heilbrigðismála má mæta með
margvíslegum hætti. Hefur mig og forvera
minn í starfi greint nokkuð á um leiðir og
áherslur.
Lyfin
Í fyrsta lagi getur verið um að ræða hreinar
stjórnvaldsaðgerðir. Það á til dæmis við um út-
gjöld til lyfjakaupa, ákvarðanir um kostn-
aðarskiptingu notenda og almannatrygginga,
ákvörðun smásöluverðs og heildsöluverðs,
hvaða lyf er skylt að niðurgreiða og svo fram-
vegis. Samkvæmt fjárlögum var heilbrigð-
isráðuneytinu gert að draga verulega úr út-
gjöldum vegna lyfja. Við stjórnarskiptin var
sýnt að tveir mánuðir fjárlagaársins myndu líða
án aðgerða. Ófullburða reglugerð lá á borði
mínu þegar ég kom í ráðuneytið þar sem kveðið
var á um eitt hundrað milljón króna sparnað.
Ég lét endurgera hana með gerbreyttum
áherslum sem voru félagslegri og sanngjarnari
þótt sparnaðurinn yrði nú 650 milljónir sem
næst aðallega með því að þvinga
fram notkun á ódýrari lyfjum.
Fjárlögin
Í öðru lagi má ná niðurskurði
með því að reisa hagræðingarkröfu
á hendur einstökum heilbrigð-
isstofnunum. Þetta var gert með
fjárlögum þessa árs sem samþykkt
voru í lok desember. Þarna koma
ráðherrar ekki mjög við sögu að
öðru leyti en því að leggja mjög al-
mennar línur. Þannig hef ég lagt
áherslu á að kjörin verði jöfnuð
innan veggja heilbrigðisstofnana,
reynt að forðast uppsagnir og að þjónusta sé
skert eins lítið og unnt er. Hjá því er hins veg-
ar erfitt að komast þegar niðurskurðurinn er
eins mikill og raun ber vitni. Hér hvílir ábyrgð-
in á stjórnendum og er hjákátlegt þegar ráð-
herrar reyna að hæla sjálfum sér fyrir vel unn-
in störf stjórnenda. Þeir bera hitann og
þungann í þessu sambandi. Ráðherrar geta hins
vegar lagt lóð á vogarskálar í erfiðum viðfangs-
efnum og reynt að glæða vilja til sameiginlegs
átaks. Ég er sannfærður um að raunverulegur
og varanlegur sparnaður verður aðeins til með
víðtæku samstarfi.
Kerfisbreytingar
Það á líka við hvað snertir þriðja þáttinn sem
ég vil nefna, en það eru kerfisbreytingar. Að
þeim hefur verið unnið í langan tíma í heil-
brigðiskerfinu. Þannig hefur verið stefnt að
samruna heilbrigðisstofnana á stórum svæðum.
Heilbrigðisstofnun Suðurlands tók til starfa fyr-
ir rúmum fjórum árum, á Austurlandi varð
einnig samruni stofnana og annars staðar á
landinu hafa samsvarandi breytingar verið í
burðarliðnum. Óvissa og ósætti hefur hins veg-
ar verið ríkjandi undanfarna mánuði og vil ég
þar kenna um flausturslegum vinnubrögðum og
stjórnun með valdboði. Ég hef reynt að skapa
sátt um ákvörðunarferlið með því að gera það
lýðræðislegra. Hvergi hefur verið fallið frá við-
leitni til að draga úr útgjöldum þótt ákveðið
hafi verið að fara lýðræðislegri leiðir. Margt
hefur ágætlega verið unnið í tillögusmíð af
hálfu heilbrigðisráðuneytisins og sumra þeirra
verktaka sem tekið hafa að sér einstaka verk-
þætti. Eftir stendur þó tvennt.
Ásetningur um sparnað
Í fyrsta lagi virðist mér fyrrverandi heil-
brigðisráðherra gefa sér að ávinningurinn af
einstökum kerfisbreytingum væri í hendi þegar
aðeins var um markmiðssetningu – ágiskun –
um fjárhagslegan ávinning að ræða. Þetta hef
ég staðreynt. Nú er unnið að því að breyta ósk-
hyggju í árangur. Í öðru lagi skiptir pólitíkin
máli þegar stefnumótun í heilbrigðisþjónustunni
er annars vegar. Ég hef þannig séð gögn sem
sýna ótvírætt að stefnt var að því að koma á fót
einkavæddu sjúkrahúsi á suðvesturhorni lands-
ins. Um ágæti þessa er ég og fyrrverandi heil-
brigðisráðherra á öndverðum meiði. Einkavina-
væðingu á ekki að læða að okkur í skjóli
víðtækra skipulagsbreytinga. Heiðarlegra hefði
verið að selja viðkomandi aðila sjúkrahús og af-
tengja það ábyrgð skattborgaranna.
Pólitík og heiðarleiki
Ég hef bent á að einkavædd heilbrigðisþjón-
usta undir handarjaðri fjárfesta sé dýr og óhag-
kvæmur kostur. Frjálshyggjumenn telja slíka
lausn hins vegar afar snjalla. Þarna er um að
ræða ágreining og vil ég taka undir með Guð-
laugi Þór Þórðarsyni að þann ágreining á að
ræða á málefnalegum forsendum. Það er líka
nauðsynlegt og heiðarlegt gagnvart kjósendum
að segja það hreint út hvert menn vilja stefna
með heilbrigðisþjónustu landsmanna. Nokkuð
þykir mér hafa skort á heiðarleika í því efni á
undanförnum misserum.
Eftir Ögmund Jónasson »Ég hef bent á að einkavædd
heilbrigðisþjónusta undir
handarjaðri fjárfesta sé dýr og
óhagkvæmur kostur.
Ögmundur Jónasson
Höfundur er heilbrigðisráðherra.
Um heiðarleika og heilbrigðiskerfið
BLOG.IS