Morgunblaðið - 28.03.2009, Page 4

4 FréttirINNLENT
MORGUNBLAÐIÐ LAUGARDAGUR 28. MARS 2009
FÆREYSKI bankinn Føroya Bank er ekki ósvipaður að
stærð og Byr sparisjóður, ef miðað er við heildareignir
hvors um sig í árslok 2008.
Samkvæmt ársreikningi Føroya Bank fyrir árið 2008
námu heildareignir í árslok um 10,1 milljarði danskra
króna, jafnvirði um 218 milljörðum íslenskra króna miðað
við núverandi gengi. Heildareignir Byrs sparisjóðs námu á
sama tíma um 253 milljörðum. Føroya Bank hagnaðist um
860 milljónir danskra króna í fyrra, sem svarar til tæplega
19 milljarða íslenskra króna. Byr sparisjóður tapaði hins
vegar tæplega 29 milljörðum.
Banki í rúma öld
Føroya Bank var stofnaður árið 1906 og var hann þá
útibúi danska bankans Landmandsbanken, sem varð síðar
Danske Bank. Á þessum tíma var fyrir ein bankastofnun í
Færeyjum, Føroya Sparikassi, sem nú heitir Eik. Báðir
þessir bankar eru nú skráðir í Kauphöllinni á Íslandi, en
viðskipti með hlutabréf Føroya Bank hófust í júní 2007.
Bankinn er einnig skráður í kauphöllinni í Kaupmanna-
höfn.
Í bankakreppunni sem gekk yfir Færeyjar í byrjun tí-
unda áratugar síðustu aldar sameinuðust Føroya Bank og
þriðji færeyski bankinn, Sjóvinnubankinn, undir nafni þess
fyrrnefnda en merki þess síðarnefnda. Báðir bankarnir
höfðu farið illa út bankakreppunni eins og fjölmörg önnur
fyrirtæki í eyjunum.
Áður en Føroya Bank var settur á markað var hann í
eigu Financing Fund of 1992, sjóðs í eigu færeyskra stjórn-
valda. Um 66% af hlutafé bankans var þá selt á markaði.
Føroya Bank er stærsti banki Færeyja og býður upp á
alla almenna viðskiptabankaþjónustu. Höfuðstöðvarnar
eru í höfuðstaðnum Þórshöfn en bankinn rekur 10 útibú
víða um Færeyjar og eitt í Danmörku. gretar@mbl.is
Svipaður að stærð og Byr
 Fulltrúar Føroya Bank ræða við skilanefnd SPRON um
möguleg eignakaup  Bankinn rekur 10 útibú í Færeyjum
LITLI fiskidagurinn var haldinn hátíðlegur í
Fossvogsskóla í gær. Fisksali nokkur mætti á
staðinn og sýndi ýmsar tegundir fiska og nem-
endur og starfsfólk gátu skoðað og fræðst um þá.
Ungviðinu þótti þessi risi sýnilega frekar ófrýni-
legur en þó var bót í máli að dýrindis fiskisúpa
var borin fram í hádeginu. Litli fiskidagurinn er
liður í verkefni um hafið sem nemendur Foss-
vogsskóla hafa verið að vinna í að undanförnu.
Nemendur skoða fiska á Litla fiskideginum
Morgunblaðið/Heiddi
EYRIR Invest hagnaðist um 1,5 milljarða króna á árinu
2008. Árið áður var hagnaðurinn 797 milljónir. Megin-
hluti eigna Eyris er eignarhlutir í þremur iðnfyrirtækj-
um, Marel, Össuri og Stork Power Services, auk fjárfest-
inga í ýmsum sprotafyrirtækjum.
Samkvæmt tilkynningu frá Eyri hefur félagið samið
um framlengingu alla bankalána sinna og er næsta af-
borgun af þeim í maí árið 2001.
Árni Oddur Þórðarson, forstjóri Eyris Invest, segist
sáttur við að félagið skili lítils háttar hagnaði á síðasta ári
við afar erfiðar aðstæður. „Við höfum skilað góðri ávöxt-
un í fortíð og höfum þolinmæði og styrk til að takast á við
núverandi aðstæður á heimsmörkuðum. Samkeppnis-
staða félaga okkar er firnasterk og þau eru í lykilstöðu til
að skapa veruleg verðmæti þegar hjól atvinnulífsins fara
að snúast á nýjan leik. Víða má nú sjá fyrstu merki þess
að hið versta sé að baki og heimsviðskipti að taka við sér
að nýju eftir snögga og djúpa niðursveiflu,“ segir Árni
Oddur.
Ekkert tjón vegna hruns bankanna
Eigið fé Eyris Invest í árslok 2008 var 31,4 milljarðar
króna og eiginfjárhlutfall 40,8%. Í upphafi ársins var eig-
ið fé 18,1 milljarður. Það jókst því um 73% á árinu. Laust
fé félagsins nam 6,9 milljörðum. Segir í tilkynningu fé-
lagsins að það hafi ekki orðið fyrir nokkru fjárhagslegu
tjóni af falli bankanna síðastliðið haust.
Heildareignir Eyris Invest í árslok 2008 námu um 77
milljörðum króna en voru um 48 milljarðar árið áður.
gretar@mbl.is
Eyrir Invest hagnaðist
um 1,5 milljarða króna
Morgunblaðið/Árni Torfason
Össur hf. Meginhluti eigna Eyris Invest eru eignar-
hlutir í iðnfyrirtækjunum Össuri, Marel og Stork.
FLUGÁHAFNIR Landhelgisgæsl-
unnar hafa tekið sameiginlega
ákvörðun um að af öryggisástæðum
og í samræmi við
reglur flugörygg-
isstofnunar Evr-
ópu verði þjón-
ustustigi breytt
og hámarks-
drægni björgun-
arþyrlna á haf út
minnkuð.
„Ekki verður
gefinn afsláttur
af öryggi áhafna björgunarþyrlna
Landhelgisgæslunnar frá því skipu-
lagi sem samþykkt var árið 2006,“
segir í bréfi frá flugáhöfnunum.
Þar sem ekki sé lengur hægt að
vinna samkvæmt því skipulagi sem
ákveðið hafi verið við brotthvarf
þyrlusveitar varnarliðsins þurfi að
endurskoða þjónustustig og skerða
drægni björgunarþyrlna í ákveðnum
tilfellum. Nú þegar vanti eina þyrlu í
flugrekstur Landhelgisgæslunnar.
Fækkað verði um eina og hálfa
þyrluáhöfn er tilkynntar uppsagnir í
flugrekstrardeild taki gildi. Af þeim
sökum m.a. verði ekki alltaf mögu-
leiki á áhöfn og þyrlu í viðbragðs-
stöðu ef fljúga þurfi á haf út.
jmv@mbl.is
Enginn
afsláttur
af öryggi
Flugáhafnir LHG
vilja breyttar reglur
SJÁLFSTÆTT líf er heiti nýrra
samtaka sem stofnuð voru í fyrra-
dag. Þau berjast fyrir nýrri hug-
myndafræði um aðstoð við fatlaða
og er fyrirmyndin „Indepent Li-
ving“ sem á rætur að rekja til Berk-
ley-háskóla í Kaliforníu á sjöunda
áratugnum. Fjölmörg þjóðríki hafa
tekið upp stefnu samtakanna, m.a.
öll Norðurlönd nema Ísland.
„Hugmyndafræði Sjálfstæðs lífs
er viðbót við núverandi aðstoð-
arþjónustu við fatlaða (einkum
heimilishjálp) og byggist á sjálf-
stæði og þátttöku þess einstaklings
sem þjónustunnar nýtur.
Þannig ræður viðkomandi ein-
staklingur eða borgari sjálfur til sín
aðstoðarmann sem í sameiningu
skilgreina þörf borgarans fyrir að-
stoð,“ segir í fréttatilkynningu. Þar
segir einnig að þessi leið hafi spar-
að yfirvöldum veruleg útgjöld.
Framhaldsaðalfundur samtak-
anna er ráðgerður í lok apríl eða
byrjun maí.
Öðruvísi aðstoð við fatlaða
Skilanefnd SPRON vonast til að
bindandi tilboð liggi fyrir á
mánudag í tilteknar eignir spari-
sjóðsins, að sögn Hlyns Jóns-
sonar, formanns skilanefnd-
arinnar.
Skilanefndin átti í gær við-
ræður við hluta þeirra aðila sem
nefndin ræddi við í fyrradag, en
sextán aðilar höfðu lýst yfir
áhuga á að kaupa einstakar ein-
ingar sem tilheyrðu SPRON.
„Það er mikill áhugi á eignum
SPRON,“ sagði Hlynur í gær. „Og
það verða frekari viðræður í dag
til að fá betri mynd af þessu.
Okkur þykir þetta líta vel út. Við
vonumst til að bindandi tilboð
liggi fyrir á mánudag, með fyr-
irvara um áreiðanleikakönnun og
samþykki stjórnvalda.“
Fjórir auk eins
frá Færeyjum
Hlynur vildi ekki tjá sig um
hverja skilanefndin ræddi við í
gær eða hve margir þeir voru.
Samkvæmt heimildum Morg-
unblaðsins munu þeir hafa verið
um fimm og þar á meðal fulltrú-
ar frá færeyska bankanum Føro-
ya Bank.
Bindandi tilboð á mánudag