Morgunblaðið - 28.03.2009, Blaðsíða 12

12 FréttirINNLENT
MORGUNBLAÐIÐ LAUGARDAGUR 28. MARS 2009
ALÞINGISKOSNINGAR 25. APRÍL 2009
AUGLÝSING FRÁ YFIRKJÖRSTJÓRN REYKJAVÍKURKJÖRDÆMIS
SUÐUR UM MÓTTÖKU FRAMBOÐSLISTA OG FLEIRA
Framboðsfrestur til alþingiskosninga 25. apríl 2009 rennur út þriðjudaginn
14. apríl nk. kl. 12.00 á hádegi.
Yfirkjörstjórn Reykjavíkurkjördæmis suður tekur á móti framboðslistum þann
dag kl. 10.00-12.00 á bókasafni Hagaskóla, Fornhaga 1, II. hæð.
Á framboðslista skulu vera 22 nöfn frambjóðenda. Hverjum framboðslista skal
fylgja skrifleg yfirlýsing allra þeirra sem á listanum eru um að þeir hafi leyft að
setja nöfn sín á listann. Framboðslista skal og fylgja skrifleg yfirlýsing um
stuðning við listann frá kjósendum í hlutaðeigandi kjördæmi. Tilgreina skal
nafn meðmælanda, kennitölu hans og heimili. Fjöldi meðmælenda skal vera
330 að lágmarki og 440 að hámarki.
Enginn kjósandi getur mælt með fleiri en einum framboðslista. Komi það fyrir
strikast nafn kjósandans út í báðum/öllum tilvikum. Loks skal fylgja fram-
boðslista skrifleg tilkynning frá frambjóðendum listans um hverjir tveir menn
séu umboðsmenn listans.
Gæta skal þess um öll framboð að tilgreina skýrlega nafn frambjóðanda,
kennitölu hans, stöðu eða starfsheiti og heimili til þess að enginn vafi geti
leikið á því hverjir eru í kjöri. Mælst er til að framboðslistum og listum yfir
meðmælendur verði einnig skilað á tölvutæku formi.
Að öðru leyti er vísað til ákvæða laga um kosningar til Alþingis nr. 24/2000,
með síðari breytingum.
Meðan kosning fer fram, laugardaginn 25. apríl nk., verður aðsetur yfirkjör-
stjórnar í Hagaskóla, þar sem talning atkvæða mun fara fram að kjörfundi
loknum.
Reykjavík, 27. mars 2009
Yfirkjörstjórn Reykjavíkurkjördæmis suður
Eftir Halldóru Þórsdóttur
halldorath@mbl.is
„VANDAMÁLIÐ er ekki fólkið held-
ur flokkurinn,“ sagði Ingibjörg Sól-
rún Gísladóttir, formaður Samfylk-
ingarinnar, á landsfundi flokksins í
gær. Vísaði hún þar til Sjálfstæð-
isflokksins. Ingibjörg sagðist halda
að sín stærsta yfirsjón væri að hafa
ekki gert mun afdráttarlausari kröfur
um breytingar á stjórnkerfinu þegar
efnt var til samstarfs við Sjálfstæð-
isflokkinn vorið 2007.
„Í Sjálfstæðisflokknum fer auðvald
og ríkisvald hönd í hönd. Hér ríkir
kunningjakapítalismi.“
Mannabreytingar í forystu flokks-
ins hefðu slegið ryki í augu samfylk-
ingarmanna. „Nýir og geðþekkari
einstaklingar“ hefðu tekið við stjórn-
inni. Samstarfið hefði þó ekki bara
verið slæmt.
Önnur yfirsjón væri að hafa ekki
gert kröfu um fastara og ákveðnara
taumhald á aðgerðum ríkisins strax
og Glitnismálið kom upp.
„Við verðum að horfast í augu við
að þarna liggur hin pólitíska ábyrgð
Samfylkingarinnar og mín þar með.“
Auðvelt að vera vitur eftir á
Ingibjörg benti á að eftir á mætti
greina ýmsa vá- og fyrirboða um það
sem gerðist. Margir hefðu hins vegar
ekki kunnað að lesa í merkin.
„Eftir á koma fram stjórnspek-
ingar, fræðimenn og leikmenn sem
telja sig með einhverjum hætti hafa
séð fyrir og bent á í hvað stefndi. Þeir
hafa sitthvað til sín máls en þó var
framsetning þeirra ekki skýrari eða
meira afgerandi en svo að hún náði
aldrei að fanga athygli almennings,
fjölmiðla eða stjórnmálamanna. Þetta
urðu víkjandi kenningar en ekki
ríkjandi.“
Ingibjörg kvaðst mikið hafa velt
fyrir sér hvort, og þá hvar, hún og
Samfylkingin hefðu brugðist. Taldi
hún upp nokkur meginatriði sem leitt
hefðu til tvöfaldrar kreppu á Íslandi,
banka- og gjaldeyriskreppu, al-
þjóðavæðingu fjármálakerfisins með
EES samningum á grundvelli ör-
myntar sem enginn þekki, einkavina-
væðingu bankanna og alvarleg hags-
tjórnarmistök síðustu ríkisstjórnar
Sjálfstæðis- og Framsóknarflokks.
Þá hefði skort tímabæra greiningu og
tillögur frá eftirlitsstofnunum um að-
gerðir sem gætu sett fjármálakerfinu
nauðsynlegar skorður.
Nú væri virk utanríkisstefna for-
senda þess að hægt væri að reisa
landið við. Lokað Ísland mætti ekki
verða. Sannleikurinn væri að án sam-
starfs við Alþjóðagjaldeyrissjóðinn
fengi Ísland engin lán frá öðrum ríkj-
um.
Ingibjörg Sólrún sagði núverandi
samstarf ríkisstjórnarflokkanna lofa
góðu en það myndi bjóða upp á ögr-
anir og hættur eins og allt samstarf
ólíkra aðila gerði.
Jafnaðarstefnan stendur
Ingibjörg Sólrún sagði jafn-
aðarstefnuna vera þá stefnu sem
hefði staðið af sér öll fárviðri 20. ald-
arinnar og fyrsta hluta þeirrar 21. „Á
sama tíma höfum við bæði fylgst með
skipbroti kommúnismans og óhefts
kapítalisma og þeir pólitísku straum-
ar sem þangað hafa sótt fyrirmyndir
sínar eiga erfitt uppdráttar í heim-
inum í dag. Jafnaðarstefnan hefur
staðið þetta af sér af því að hún er
laus við öfgar og krefst þess hvorki að
hafa vit fyrir fólki né tukta það.“
Morgunblaðið/Árni Sæberg
Formannsskipti Jóhanna Sigurðardóttir er ein í framboði til nýs formanns. Ingibjörg Sólrún kvaðst þó ekki vera farin, heldur aðeins á tímamótum.
Fólkið ekki flokkurinn
 Vantaði afdráttarlausari kröfur um breytingar í samstarfi við Sjálfstæðisflokk
 Virk utanríkisstefna forsenda endurreisnar, lokað Ísland má ekki verða
SAMNINGUR um aðild að Evrópu-
sambandinu strax eftir kosningar er
fyrst á lista Samfylkingarinnar um
utanríkismálefni fyrir komandi
kosningar. Þannig skuli ennfremur
marka nýja peningamálastefnu.
Þessi afstaða kom einnig fram í setn-
ingarræðu Ingibjargar Sólrúnar
Gísladóttur, formanns flokksins. Þá
er lagt til að áfram verði unnið að
mótun öryggisstefnu Íslands í sam-
starfi við Norðurlönd, NATO og
Evrópusambandsríki.
Samfylkingin vill tryggja sann-
gjarna dreifingu skattbyrða og
„snúa við þeirri öfugþróun síðustu
ára að skattbyrði lág- og meðaltekju-
fólks hækki á meðan skattbyrði há-
tekjufólks lækki“. Þetta er ekki út-
listað nánar, nema að skattastefna
megi ekki vera vinnuletjandi eða
draga með óeðlilegum hætti úr
tekjumöguleikum meðaltekjufólks.
Sameina yfirstjórnir stofnana
Þá skuli opna dyrnar að aðkomu
erlendra fjárfesta, endurmeta
bankaleyndina og auka gagnsæi og
lýðræði í starfsemi og stjórnun líf-
eyrissjóða. Til niðurskurðar í ríkis-
útgjöldum er lagt til að sameina yf-
irstjórn ýmissa ríkisstofnana.
Í málefnatillögum þessum kemur
fram að samfylkingarfólk vill hverfa
af braut „ágengrar orkunýtingar í
vatnsafli og jarðvarma“ og að losun-
arheimildir gróðurhúsalofttegunda
verði verðlagðar. Allnokkrir fundar-
gestir lýstu yfir óánægju með kvóta-
kerfið og skoruðu í gær á flokkinn að
koma fram með raunhæfar tillögur í
sjávarútvegsmálum.
Í dag verður kosið um nýjan for-
mann og varaformann Samfylking-
arinnar. Eins og kunnugt er eru í
framboði Jóhanna Sigurðardóttir
forsætisráðherra til formanns, en
Árni Páll Árnason þingmaður og
Dagur B. Eggertsson borgarfulltrúi
keppa um embætti varaformanns.
halldorath@mbl.is
ESB efst á blaði
 Kosið verður um nýjan formann og varaformann í dag
 Vilja snúa við öfugþróun síðustu ára í skattamálum
Í HNOTSKURN
»Niðurskurður má ekkidraga úr hagvexti fram-
tíðar. Því þarf að verja vel-
ferðarkerfið.
»Lagt er til að blönduð fjár-mögnun heilbrigðisstofn-
ana sé tryggð.
Morgunblaðið/Árni Sæberg
Landsfundur Samfylkingin fundar í Kópavogi um helgina. Þetta er sjötti og
fjölmennasti landsfundur flokksins til þessa, en um 1.700 manns eru skráðir.
Orðrétt
úr ræðu
’Vandi Samfylkingarinnar í sam-starfinu við Sjálfstæðisflokkinnvar ekki síst sá að okkur tókst ekki aðbreyta þeim pólitíska kúltúr sem rík-isstjórnir á Íslandi hafa hingað til byggt
á, þrátt fyrir ýmsar tilraunir í þá veru.
’Ég dreg ekki dul á að það skiptirmig miklu máli að Samfylkinginer í forystu í þessu stjórnarsamstarfiog hefur tök á að móta starfið bæði íreynd og sýnd.
’Ég hef á undanförnum mánuðumrætt stöðu Íslands ítarlega íeinkasamtölum við utanríkisráðherrahelstu ríkja Evrópusambandsins oghef skynjað ríkan áhuga á aðild okkar.
Þrátt fyrir allt þá er lag núna.
’Svo tekinn sé nærtækur samjöfn-uður þá vorum við álíka ómeð-vituð um það sem í vændum var, einsog flestir voru um hrun Berlínarmúrs-ins á sínum tíma.
’Meðal þeirra brýnu verkefna semný ríkisstjórn undir forystu jafn-aðarmanna þarf að hrinda í fram-kvæmd er heildstæð sóknarstefna fyr-ir íslenskt atvinnulíf þar sem stefnan
verður tekin á að því að Ísland verði
komið í hóp tíu samkeppnishæfustu
þjóða heims fyrir 2020.
’En við stöndum ekki á núllpunkti.Nú er miklu heldur stund end-urkynna við sögu og samhengi ís-lensks samfélags, stund yfirvegaðsendurmats.
’Ríkisstjórnin undir forystu Jó-hönnu Sigurðardóttur hefur veriðstarfsöm eins og við var að búast endahefur enginn tærnar þar sem Jóhannahefur hælana þegar kemur að atorku
og vinnusemi.
Morgunblaðið/Árni Sæberg
Í ræðustól Ingibjörg Sólrún.