Morgunblaðið - 18.04.2009, Page 20
20 FréttirALÞINGI
MORGUNBLAÐIÐ LAUGARDAGUR 18. APRÍL 2009
EKKI var sáttasvipur yfir þingumræðum á loka-
degi þingsins í gær þrátt fyrir nýgert samkomulag
um þinglokin. Heitar stjórnmálaumræður fóru
fram eftir að forsætisráðherra hafði lesið upp til-
lögu um frestun þingfunda. Bjarni Benediktsson,
formaður Sjálfstæðisflokksins, gagnrýndi ríkis-
stjórnina harðlega. „Ég tel að það hefði verið
betra að ganga strax til kosninga þegar fyrri rík-
isstjórn sprakk en núna vegna þess að engum
dylst að ástandið í dag er verra í öllu tilliti en þeg-
ar lagt var upp í þessa vegferð með stuðningi
Framsóknarflokksins,“ sagði Bjarni. Til snarpra
orðaskipta kom milli Bjarna og Steingríms J. Sig-
fússonar fjármálaráðherra sem sakaði sjálfstæð-
ismenn um að hafa eyðilagt lýðræðisumbætur
vegna andstöðu við stjórnarskrárfrumvarpið.
„Flokkurinn sem hefur ekkert annað fram að færa
hér í kosningabaráttunni en
málþóf og útúrsnúninga ætti að
fara varlega í að gagnrýna
aðra.“
Jóhanna Sigurðardóttir for-
sætisráðherra mótmælti gagn-
rýni Bjarna og sagði að nær öll
mál sem ríkisstjórnin hefði lagt
upp með í verkáætlun sinni
væru í höfn. Sagði hún það
standa upp úr í þinghaldi sjálf-
stæðismanna að þeir gæfu lýð-
ræðinu langt nef.
Þingmenn tókust einnig fast á um niðurstöðu
stjórnarskrármálsins. Lúðvík Bergvinsson, Sam-
fylkingu, sagði Sjálfstæðisflokkinn hafa sett Ís-
landsmet í málþófi og samtals verið fluttar á átt-
unda hundrað ræður um málið. Birgir
Ármannsson, Sjálfstæðisflokki, sagði ríkisstjórn-
ina hafa eytt tíma sínum í að reyna að koma fram í
fullkomnu ósætti breytingum á stjórnarskrá sem
hefði ekkert með heimilin og fyrirtækin að gera.
Umræður stóðu svo fram eftir degi um stjórn-
arskrárfrumvarpið þrátt fyrir að fyrir lægi að
breytingarnar yrðu ekki að lögum á þessu þingi.
Þung orð féllu í þeim umræðum. Stjórnarþing-
menn sökuðu sjálfstæðismenn um að verja sér-
hagsmuni gegn almannahagsmunum. Sjálfstæðis-
menn sögðu meirihlutann hafa slegið á útrétta
sáttahönd sjálfstæðismanna. Björn Bjarnason,
Sjálfstæðisflokki, sagði að viðhorfið sem birst
hefði í garð sjálfstæðismanna í sérnefndinni hefði
verið þess eðlis, að frá fyrsta degi hefði verið borin
von um að nokkur sátt yrði um málið. omfr@mbl.is
Í HNOTSKURN
»Titringur vegna yfirvof-andi kosninga setti svip
sinn á umræður þingmanna í
gær
»Þung orð féllu og ásakanirum ósannindi, málþóf og
tvöfeldni.
»Samkomulag lá fyrir umað ljúka þingstörfunum
síðdegis. Þingfundum var svo
frestað í gærkvöldi.
„Ástandið í dag er verra í öllu tilliti“
Bjarni
Benediktsson
ÞINGMENN afgreiddu nokkur
frumvörp sem lög á seinasta þing-
degi fyrir kosningar. Lög sem gera
kaup á vændi refsiverð voru sam-
þykkt með 27 atkvæðum gegn 3.
Breytingar á skaðabótalögunum
bæta réttarstöðu bótaþega og lög
voru samþykkt sem bæta aðgang
fjárlaganefndar að upplýsingum.
Morgunblaðið/Ómar
Lög afgreidd á lokasprettinum
FRÉTTASKÝRING
Eftir Ómar Friðriksson
omfr@mbl.is
ÞAR sem nú liggur fyrir að engar
breytingar verða gerðar á stjórn-
arskránni fyrir þingkosningarnar
25. apríl, hefur það m.a. í för með sér
að ekki verður samið um aðild að
Evrópusambandinu á næsta kjör-
tímabili, nema með stjórnarskrár-
breytingu, þingrofi og nýjum þing-
kosningum. Eins og stjórnarskráin
hljóðar í dag þarf að samþykkja
breytingu á stjórnarskránni á tveim-
ur þingum með kosningum til
Alþingis á milli.
Ásakanir á báða bóga
Miklar og langar umræður urðu
um stjórnarskrárfrumvarpið á Al-
þingi í gær þrátt fyrir þá niðurstöðu
að ekkert var við henni hróflað fyrir
frestun þingsins. Gengu ásakanir á
báða bóga milli sjálfstæðismanna
annars vegar og stuðningsmanna
frumvarpsins hins vegar. Árni Páll
Árnason, Samfylkingu, vék m.a. að
áhrifum þess að 79. grein stjórn-
arskrár stendur óbreytt, sem geri að
verkum að ekki verði eins einfalt að
ganga í ESB á næsta kjörtímabili.
Þegar stjórnarskrárfrumvarpið
var lagt fram var beinlínis vísað til
mögulegrar aðildar að ESB í rök-
stuðningi ákvæðisins um breytingar
á 79. grein stjórnarskrárinnar.
Ákvæðið einfaldar breytingar á
stjórnarskrá og nægir einfaldur
meirihluti á þingi til þess að vísa
stjórnarskrárbreytingu til þjóð-
arinnar. Tillaga sú sem sjálfstæð-
ismenn lögðu fram í fyrradag um
breytingar á 79. grein gengur líka út
á að ekki þurfi að efna til þingkosn-
inga þó Alþingi geri breytingar á
stjórnarskrá. Sú leið felur í sér að ef
2/3 hlutar þingmanna samþykkja
breytingu á stjórnarskrá skuli bera
hana undir þjóðaratkvæði. Sam-
þykki meirihlutinn hana tekur
stjórnarskrárbreytingin gildi.
Fulltrúar meirihlutans á þingi
gátu ekki fallist á þessa tillögu sjálf-
stæðismanna. Hún er samhljóða
ákvæði sem fulltrúar allra flokka
samþykktu í stjórnarskrárnefnd í
febrúar 2007.
Sjálfstæðismenn gengu fast eftir
því á Alþingi í gær, af hverju meiri-
hlutinn hefði ekki fallist á tillögu
þeirra. Talsmenn meirihlutans báru
því við að þessi aðferð væri flókin og
myndi torvelda breytingar á stjórn-
arskránni í framtíðinni.
Ekki aðild án kosninga
Stjórnarskráin stendur óbreytt vegna ósamkomulags
Aðild að ESB ekki eins einföld á næsta kjörtímabili og til stóð
Af hverju þarf að breyta stjórn-
arskránni ef ákveðið yrði að Ís-
land gerðist aðili að Evrópusam-
bandinu?
Flestum ber saman um að til að aðild
að Evrópusambandinu geti átt sér
stað þurfi að breyta stjórnarskrá og
efna til þjóðaratkvæðagreiðslu
vegna framsals á fullveldi þjóð-
arinnar sem í aðildinni felst.
Hvaða breytingar á þessu ákvæði
voru lagðar til á þinginu?
Í stjórnarskrárfrumvarpinu var að-
ferðin við breytingar á stjórnarskrá
einfölduð. Samþykki meirihluti þings
breytingu verði hún borin undir þjóð-
aratkvæði og ekki nauðsynlegt að
boða til þingkosninga. Tillaga sjálf-
stæðismanna var m.a. um að ef 2/3
þingmanna samþykki breytingu
verði hún borin undir þjóðaratkvæði.
S&S
Vesturröst
Laugaveg 178
S: 551 6770
www.vesturrost.is
BYSSUSKÁPA-
TILBOÐ
3 byssur • 5 byssur
8-12 byssur
Handbók með ítarlegum upplýsingum og veiðikortum fylgir.
Fæst hjá N1, í veiðivöruverslunum og á www.veidikortid.is
31 vatnasvæði vítt og breitt um
landið fyrir aðeins 6000 krónur
Þú
ákveður
svo hva
r og
hvenær
þú
veiðir
veidikortid.is
Hver seg
ir að
það sé d
ýrt
að veiða
?
@mbl.is
FRUMVARP fjármálaráðherra um
stofnun hlutafélags til að stuðla að
endurskipulagningu þjóðhagslega
mikilvægra atvinnufyrirtækja varð
ekki að lögum á Alþingi. Frumvarpið
var í efnahags- og skattanefnd en
var ekki sett á dagskrá til þriðju um-
ræðu eftir að samkomulag náðist
milli stjórnar og stjórnarandstöðu
um framgang þingmála og lok þing-
haldsins.
Með samþykkt þess átti að stofna
sérstakt eignaumsýslufélag sem hafi
þann tilgang að kaupa hluti í at-
vinnufyrirtækjum sem lent hafa í
það miklum rekstrarerfiðleikum að
hluti atvinnufyrirtækis eða það allt
er komið í eigu fjármálastofnana.
Þegar frumvarpið var kynnt var
um það rætt að þarna gæti verið um
allt að 20 fyrirtæki að ræða sem teld-
ust sérstaklega þjóðhagslega mik-
ilvæg. Markmiðið væri að tryggja
með þessu uppbyggingu atvinnu-
starfsemi, sem nauðsynleg er fyrir
gangverk samfélagsins og komast
hjá því að verðmæti fari til spillis.
Eignaum-
sýslufélög
ekki lögfest