Morgunblaðið - 21.06.2009, Blaðsíða 24

24 Matur og vín
MORGUNBLAÐIÐ SUNNUDAGUR 21. JÚNÍ 2009
Eftir Ingu Rún Sigurðardóttur
ingarun@mbl.is
V
ínótekið, vinotek.is, er
alhliða upplýsingavefur
um mat og vín í eigu og
umsjón Steingríms Sig-
urgeirssonar, sem hef-
ur getið sér gott orð sem vín- og mat-
arrýnir í gegnum árin. Hann hefur
safnað að sér miklu efni í þessum
málaflokkum og hefur þarna eignast
samastað til að koma þessu á fram-
færi ásamt nýju efni. „Þetta er gamall
draumur sem ég hef loksins látið ræt-
ast. Í ár eru liðin 20 ár frá því að ég
skrifaði fyrstu greinina mína í Morg-
unblaðið um vín. Ég byrjaði síðan að
skrifa um mat og veitingahús í blaðið
fyrir 15 árum þannig að það er vel við
hæfi að vefurinn líti dagsins ljós
núna,“ segir Steingrímur. Hann er
jafnframt höfundur bókarinnar
Heimur vínsins sem kom út árið 2000
og hefur einnig ritað fjölmargar
greinar í innlend sem erlend tímarit.
„Ég hef lengi verið með í maganum
að taka saman það besta af þessu efni
og það sem stenst tímans tönn. Ég
hef verið að fara yfir efni, uppfæra,
betrumbæta og stundum stytta eða
lengja,“ útskýrir hann.
Því er hægt að segja að vinnan við
vefinn hafi í raun byrjað fyrir tveimur
áratugum en það var ekki fyrr en eft-
ir áramótin að Steingrímur ákvað að
láta verða af þessu. „Síðustu mánuði
hef ég verið á kafi í þessari vinnu,“
segir hann en svo þurfti auðvitað að
smíða vef í kringum efnið, en vefurinn
er hannaður og settur upp af Kapital.
Hann notar efni frá ferðalögum
sínum undir liðnum „Sælkerinn“ en
þar er líka að finna uppskriftir og
sömuleiðis veitingahúsadóma bæði á
íslensku og ensku. „Áhugasvið mitt
nær bæði til matar og víns og þetta er
ekki síður matarvefur en vínvefur.
Ég hef sett þarna inn uppáhalds upp-
skriftirnar mínar og ýmislegt annað,“
segir Steingrímur, sem hvetur fólk til
að senda inn uppskriftir.
Vín best með mat
Matur og vín er gamalkunnugt
tvíeyki. „Vín nýtur sín alltaf best með
mat. Nafnið Vínótek er vísun í litlu
enótekurnar á Ítalíu, sem eru litlir
veitingastaðir þar sem hægt er að fá
vínglas frá héraðinu og góðan drykk
af svæðinu. Þú getur sest niður, skoð-
að vefinn og fengið þar smá skammt
af bæði mat og víni.“
Ennfremur er umfjöllun um bjór,
brennd vín og kokkteila á vefnum.
„Ég vildi hafa þetta á sem breið-
ustum grundvelli. Ég hef heimsótt
Cognac á ferðum um Frakkland og
drukkið grappa á Ítalíu. Svo var ég
um tíma í námi í Þýskalandi og
kynntist bjórmenningunni þar.
Margir hvöttu mig til að hafa kokkt-
eilana með, ekki síst konur.“
En skyldi hann eiga sér uppáhalds
kokkteil? „Ég fæ mér oftar glas af
léttvíni en kokkteil en ég fell alltaf
fyrir góðum martini-drykk. Einnig er
drykkur á borð við mojito klassískur
og ofsalega góður ef hann er vel gerð-
ur.“
Steingrími finnst merkilegt hversu
mikil bjórmenning hefur byggst upp
á þeim 20 árum frá því að bjórinn var
leyfður hér á landi. Hann er ánægður
með litlu brugghúsin og hefur hugsað
sér að taka íslenskar bjórtegundir til
umfjöllunar. „Það er eins og við höf-
um aldrei gert annað en að brugga
bjór, hann er orðinn það góður.“
Valið fer eftir stemningu
Forvitni vaknar um hvað sé uppá-
halds vínsvæði sérfræðingsins. „Í
flestum víngerðarlöndum getur mað-
ur fundið virkilega góð og sjarm-
erandi vín. Minn vínáhugi byrjaði í
Frakklandi og Frakkland er þunga-
miðjan. Þau vín sem maður sækir
kannski mest í eins og Bordeaux og
Bourgogne koma þaðan. Hinsvegar
fer valið oft eftir stemningunni. Þeg-
ar sólin skín og veðrið er gott reikar
hugurinn kannski til Kaliforníu eða
Ástralíu. Ítalía er líka í miklu uppá-
haldi, bæði í mat og víni og sækir
stöðugt meira á í mínum persónulegu
neysluvenjum.“
Á vefnum er að finna flokkinn
„Vínótek mælir með“ en sem stendur
er það rósavínið sem fær meðmælin.
Hefur rósavín verið vanmetið á Ís-
landi?
„Lengst af var úrvalið lítið og
menn hafa of mikið verið að drekka
sæt rósavín, sem er ekki það sama og
þessi þurru, vel gerðu vín, sem maður
finnur í Frakklandi, Spáni og Ítalíu
og þessar þjóðir eru einmitt svo
hrifnar af á sumrin.“
Annað sem vínáhugafólk talar oft
um er glasið sem drukkið er úr.
Hversu máli skiptir að drekka úr
góðu glasi?
„Glasið skiptir gífurlega miklu máli
ef tilgangurinn er að njóta góðs víns
til fulls. Það getur verið fróðlegt fyrir
fólk að opna flösku af góðu víni og
nota annars vegar venjulegt vatns-
glas eða einfalt ódýrt vínglas og hins-
vegar vandað kristalsglas og finna
muninn, bæði hvernig það breytir
ilmi vínsins og bragði.“
Leiðir til að lifa lífinu lifandi
Hvaða áhrif hefur kreppan haft á
vínheiminn á Íslandi?
„Hækkanir á áfengisgjaldi og
lækkun gengisins hafa hækkað verð á
víni töluvert. Sala á dýrustu vínunum
hefur skroppið saman en heild-
armagnið minnkar ekki mikið. Fólk
er að spara við sig, eins og í því að það
fer ekki eins oft til útlanda en vill auð-
vitað ekki hætta að lifa lífinu og eldar
þá kannski betri mat heima og fær
sér gott vín með. Ef til vill fer fólk
heldur út að borða á góðan veit-
ingastað hér en í helgarferð til út-
landa. Þetta reyni ég að koma til móts
við með því að vera með ábendingar
um uppskriftir, athyglisverð vín og
góða veitingastaði.“
Steingrímur mælir með vínum á
vefnum og þá ekki endilega dýrustu
vínunum, en til dæmis kostar vínið
sem er efst á blaði um þessar mundir
rúmlega 1.500 krónur.
„Ég er að reyna að draga fram
þessi góðu vín sem kosta ekkert alltof
mikið,“ segir hann en flestir kunna
áreiðanlega að meta það að fá gæði
fyrir peningana sína. „Það er til mikið
af góðum vínum sem eru ekkert sér-
staklega dýr. Kúnstin er bara að
finna þau.“
Hann bendir á að Íslendingar séu
vissulega að ganga í gegnum erfiða
tíma og segir að kreppan megi ekki
buga landann andlega og þar kemur
góður matur til hjálpar. „Ég held að
þær litlu gleðistundir sem felast í
góðri máltíð með góðum vinum séu
mikilvægari en nokkru sinni fyrr.
Slíkar stundir þurfa heldur ekki að
vera neitt afskaplega dýrar. Það er
hægt að elda fína máltíð með litlum
tilkostnaði.“
Gleðigjafar og góðar stundir
Morgunblaðið/Heiddi
Forsíða vefjarins Á vefnum eru „ábendingar um uppskriftir, athygl-
isverð vín og góða veitingastaði.“
‘‘Á VEFNUM VINOTEK.ISGETUR ÞÚ FENGIÐ UPPLÝSINGAR UM MAT OG VÍN.
Eilífðartvíeykið matur og vín er umfjöllunarefni
nýs vefjar, Vinotek.is. Vínótekið er hugarfóstur
Steingríms Sigurgeirssonar og er vefurinn
byggður á áratuga reynslu hans af þessum
tveimur gleðigjöfum.
Vilt þú...
• Læra að hlaupa á léttari máta?
• Hlaupa með minna álagi á fætur,
liðamót og mjóbak?
• Hlaupastíl með minni líkum á meiðslum?
• Bæta hlaupatíma þína án meira álags?
• Hlaupa þig í þína kjörþyngd og halda
kjörþyngdinni með hlaupum
• Hlaupa og bæta heilsu þína,
þol og þrek?
Hlaupastíls námskeið
Skráning á
www.smartmotion.org
og hjá Smára í síma
896 2300