Morgunblaðið - 21.06.2009, Blaðsíða 35

MORGUNBLAÐIÐ SUNNUDAGUR 21. JÚNÍ 2009
Reykjavík
Sími 588 9090
Síðumúla 21 • 108 Reykjavík
www.eignamidlun.is
Sverrir Kristinsson, lögg. fasteignasali
Jörðin er um 320 ha. Stór hluti jarðarinnar er í rækt og nýtist sem
gott beitiland. Staðsetningin er góð og er í u.þ.b. 140 km frá Reykja-
vík. Jörðin er landnámsjörð og þar hafa fundist merkar fornminjar.
Á jörðinni er 145 fm steinsteypt íbúðarhús byggt árið 1978. Húsið
er á einni hæð og skiptist í forstofu, fjögur herbergi, baðherbergi,
gestasnyrtingu, stofu, eldhús, búr/geymslu og þvottahús. Bílskúr
sérstæður og steinsteyptur 34 fm að stærð.
Upplýsingar veita: Geir Sigurðsson, lögg.fasteignasali og
Sverrir Kristinsson, lögg.fasteignasali
TIL SÖLU Jörðin Bergþórshvoll I
Rangárþingi eystra
MIÐGARÐUR 1, HÚSAVÍK
Einbýlishús á tveimur
hæðum og er
5 herbergja, 230,6 m²
Byggt 1943 úr steypu.
Mjög góð eign og
mikið endurbætt svo
sem gólfefni, innrétt-
ingar og lagnir.
Góður garður með
stórri verönd.
Staðsetningin er miðsvæðis á Húsavík.
Ásett verð: 35.000.000 kr.
Skipti koma til greina
á höfuðborgarsvæðinu.
Hilmar Gunnlaugsson, hrl. og lögg. fasteignasali
INNI fasteignasala • Sími 580 7925 • www.inni.is
KUNNINGI minn
sagði við mig í vikunni
að nú væri fjár-
málavandamálið og allt
tjónið og hneykslið í
kringum það ekki
lengur aðalvandamál
þjóðarinnar. Nýjasta
og alvarlegasta vanda-
málið sem er að byrja
að grafa um sig er
svartsýni.
Undanfarna áratugi hefur þjóðin
þurft að horfa upp á mjög alvar-
legan siðferðisbrest í íslensku sam-
félagi sem er gjafakvótakerfið þar
sem þeir fáu sem fengu gjafakvót-
ann gefins fá allan arð af auðlind
þjóðarinnar. Þetta rekur Markús
Möller í grein sinni Kvóti ljóti í
Mbl og telur að stjórnmálamenn
okkar hafi horft fram hjá þessari
staðreynd í áratugi vegna glópsku.
Að vera Íslendingur og horfa á
nokkra samborgara raka inn seðl-
um á auðlind þjóðarinnar er nið-
urbrjótandi og eyðileggur sam-
félagið smátt og smátt. Þetta hefur
aukið á fátækt þjóðarinnar þó það
jafnist hvergi á við bankahrunið.
Mikið er búið að skrifa um kvóta-
hneykslið og ekkert miðar til að
leiðrétta það mál.
Það sama gerðist í banka-
hruninu. Enn og aftur glópska og
siðferðisbrestur stjórnmálamanna
sem einkavæddu bankana með
þeim hætti að allar eignir þjóð-
arinnar langt fram í tímann fara í
hendur útlendinga til að greiða til
baka með vöxtum allt sem óvitarnir
í bönkunum töpuðu.
Það er eitthvað að í stjórn sam-
félagsins og regluverkinu sem held-
ur svona vitleysu gangandi og jafn-
vel þó skipt sé um ríkisstjórn þá
kemur í ljós að lögin eru svo arfa-
vitlaus að nýir stjórnendur geta
ekki komið hlutunum í lag nema
með lagabreytingum. Svo föst er
glópskan og innbyggði siðferð-
isbresturinn í stjórn samfélagsins.
Mikilvægasta rannsóknarverk-
efni fjármálageirans í Evrópu er
rannsókn bankahrunsins og fékk
ekki nægilegt fjármagn til að tak-
ast á við verkefnið. Það þurfti sér-
fræðing frá útlöndum til að koma í
Kastljósið til að koma
boðum um að það
þyrfti að dæla inn í
þetta miklu meiri
peningum og meiri
mannafla. Auk þess
kom fram hjá þessum
sérfræðingi að ekki
væri viðunandi að
hafa óhæfan rík-
issaksóknara eins og
fram hefur komið. En
reglurnar eru þannig
að hann ákveður sjálf-
ur hvort hann situr
eða víkur. Þetta minnir á þaulsetu
Davíðs í Seðlabankanaum. Það þarf
ítrekað að breyta lögum til að
koma eðlilegum vinnubrögðum að í
stjórnkerfinu og þannig að það sé
unnt að rannsaka meint alvarleg
brotamál með hlutlausum hætti
eins og þetta bankahrun.
En nú er svartsýnin að hellast
yfir mannskapinn. Þegar svona
mikið af spillingu og vanhæfi er
vaðandi um allt stjórnkerfið og
samfélagið og almenningur rúinn
inn að skinninu með kvóta- og
banksvindli í viðbót við að margir
hafa misst vinnuna og lánin eru
komin upp úr þakinu, þá er von að
fólki lítist ekki lengur á blikuna.
Í áratugi hefur það verið reglan
frekar en undantekningin að
stjórnmálamenn hafa gaukað að
sínu fólki verkefnum og vinnu. Nýj-
asta dæmið er um Gunnar Birg-
isson í Kópavogi, þó hann hafi ekki
sjálfur verið þiggjandi peninga frá
bænum. Málið er í takt við fjölda
mála þar sem stjórnmálamenn hafa
getað skarað eld að köku vina
sinna. Hvernig verður ástandið
núna þegar allur þessi skari fólks
er atvinnulaus og mikil kreppa er
framundan í samfélaginu? Verður
einkavinavæðingin í stjórnkerfinu
eitthvað öðruvísi en hefur verið un-
dafarna áratugi?
Fólk sem er nú á miðjum aldri
og búið að lifa það lengi að það man
eða veit meira og minna um krepp-
urnar, hagsmunapotið, sukkið og
svínaríið í íslensku samfélagi, þekk-
ir gjafakvótakerfið og þarf núna að
skipuleggja sig fram að starfs-
lokum, á hvað ætli þetta fólk veðji
núna? Ætli þetta fólk vilji taka á
sig 10 til 15 ára samdrátt í vinnu,
gengi krónunnar hrunið, fasteignir
verðlausar, okurvexti á peningum
og verðtryggingu ofan á allt sam-
an? Eins og stefnir í núna, að þó
fólk kaupi fasteign með íbúðaláni
þá mun lánið hækka langt umfram
verðgildi eignarinnar, þó fólk borgi
af eigninni í áratugi. Kaup á fast-
eign á næstunni er því væntanlega
ekki inni í myndinni. Bílakaup eru
nær dauð og ekki fyrirsjáanlegt
annað en að bílaeign á Íslandi verði
með svipuðum hætti og á Kúbu.
Engin endurnýjun í áratugi.
Það þarf að setja upp varanlegan
óháðan saksóknardómstól sem yrði
mannaður að hluta með Íslend-
ingum og útlendingum. Þetta emb-
ætti á að starfa varanlega og alger-
lega óháð stjórnvöldum og taka til
vinnslu hverskonar mál þar sem
grunur leikur á að stjórnkerfið eða
aðrir aðilar séu að vinna gegn
hagsmunum almennings í landinu.
Að undangenginni rannsókn á að
stefna hverjum sem er sem er að
vinna gegn hagsmunum okkar og
fá alla slíka aðila dæmda. Við
sjáum að það grassera í samfélag-
inu árum og áratugum saman brot
og óréttlætismál sem eiga engan
sinn líka og að við getum ekkert að
gert. Meira að segja ráðherrar geta
ekki vikið óhæfum ríkissaksóknara
frá og endalausra lagabreytinga er
þörf til að laga kerfið.
Það þarf algera uppstokkun á
kerfinu og hverskonar siðferð-
ismati og því hvernig fylgst er með
hagsmunum okkar og hvað stjórn-
völd eru að brölta frá tíma til tíma.
Hverskonar einkavinavæðing eða
mál á borð við gjafakvótann end-
urtaki sig ekki og öll núverandi
spillingarmál verði tekin til rann-
sóknar og málin leiðrétt með alger-
lega köldu mati.
Grafið undan samfélaginu
Eftir Sigurð Sig-
urðsson »Hverskonar einka-
vinavæðing eða mál
á borð við gjafakvótann
endurtaki sig ekki og öll
núverandi spillingarmál
verði tekin til rann-
sóknar
Sigurður Sigurðsson
Höfundur er cand. phil. bygg-
ingaverkfræðingur