Morgunblaðið - 21.06.2009, Síða 55

MÁL OG MENNING
HELDUR ÁFRAM!
Iða og Bókmenntafélag Máls og menningar
hafa tekið höndum saman og leigt húsnæðið á
Laugavegi 18 af núverandi húseiganda Kaupangi ehf.
til að tryggja áframhaldandi bókabúðarrekstur þar.
Sá mikli stuðningur við áframhaldandi bókaverslun á þessum stað,
þar sem ein besta bókabúð landsins hefur verið rekin í bráðum
hálfa öld, hefur verið okkur hvatning til að stíga þetta skref.
Mál og menning rak bókabúð í þessu húsi
í fjóra áratugi og Iða hefur að undanförnu rekið
glæsilega verslun í Lækjargötu.
Við hlökkum til að afgreiða ykkur með bækur og allt sem tilheyrir
hér eftir sem hingað til á Laugavegi 18. Búðin verður opnuð í haust.