Morgunblaðið - 24.10.2009, Síða 20

20 FréttirERLENT
MORGUNBLAÐIÐ LAUGARDAGUR 24. OKTÓBER 2009
T Ý R BRAGI ÞÓRSMÖRK
Hlýir og góðir með gott grip. Mjög hlý og vatnsfráhrindandi.Vindhelt og vatnsfráhrindandi.
vettlingar barna dúnvesti úlpa
Verð: 64.800 kr.Verð: 19.800 kr.Verð: 3.200 kr.
Einnig fáanleg
í rauðu & svörtu
Einnig fáanlegirí svörtu
Eftir Kristján Jónsson
kjon@mbl.is
EIN stærstu samtök útgerðarmanna á Spáni,
Samvinnufélag útgerðarmanna í Vigo (ARVI),
álíta að mikilvægasta verkefnið í endurskoðun
sameiginlegrar sjávarútvegsstefnu Evrópusam-
bandsins sé að afnema ákvæði um heildar-
veiðimagn (TAC) og kvóta, segir í breska blaðinu
Fishing News. Joe Borg, fiskveiðistjóri fram-
kvæmdastjórnar ESB, virðist nú styðja hug-
myndir um að stokka kerfið upp og taka upp sókn-
armark með framseljanlegum veiðiréttindum.
Borg sagði nýlega í ræðu á
fundi með sjávarútvegsnefnd
Evrópuþingsins að með slíkum
breytingum yrði skipstjórum
gert kleift að landa öllum afla
sem þeir ná og þannig hægt að
draga mjög úr brottkasti. Tals-
maður ARVI, Hugo Gonzalez,
segir að hugmyndir samtak-
anna valdi miklum ótta hjá
sumum aðilum í greininni,
einkum í Frakklandi. „Þeir hafa meiri áhyggjur af
þessu en aðrir af því að þeir hafa meira að missa
en allir hinir,“ segir Gonzalez.
Útgerðarmenn í Vigo vilja nýtt kerfi
með framseljanlegum réttindum
Hann segir að nýtt kerfi eigi að byggjast á
traustum undirstöðum: sóknarstýringu, tækni-
legum viðmiðum (möskvastærð, fiskstærð og
tímatakmörkum á veiðisvæðum), reglum og eftir-
liti og loks markaðslögmálum. Mikilvægt sé fyrir
Spánverja að komið sé á framseljanlegum veiði-
réttindum, hvert sem kerfið sé að öðru leyti.
Frakkar nýti t.d. ekki sína veiðikvóta nógu vel og
leyfa ætti mönnum að afhenda öðrum nýting-
arréttinn.
Fishing News segir ennfremur að útgerð-
armenn í Vigo hvetji til þess að farið verði í saum-
ana á reglunni um hlutfallslegan stöðugleika en þá
er átt við að veiðireynsla á því svæði sem um er
fjallað sé grundavallarviðmiðun þegar úthlutað er
kvóta. Spánverjar fullyrði að ekki sé um lagalega
bindandi reglu að ræða heldur skyndiákvörðun
sem tekin hafi verið fyrir 26 árum „og ekki lengur
í gildi“.
Blaðið segir að skoðanir á þessum hugmyndum
séu skiptar meðal útgerðarmanna í sambandinu.
Borg íhugar sóknarmark í ESB
Spánverjar segja veiði-
reynsluregluna þegar út-
hlutað er kvótum úrelta
Joe Borg
Breytingar voru gerðar á CFP,
sameiginlegri sjávarútvegs-
stefnu ESB, árið 2002 og var
markmiðið að tryggja skyn-
samlega nýtingu veiðistofna.
En ljóst er að rányrkja er
stunduð á miðum sam-
bandsríkjanna og veiðigetan
er allt of mikil miðað við afla-
magnið sem fiskifræðingar
álíta að sé fyrir hendi. Endur-
skoðun á stefnunni hófst í
fyrra og áætlunin að taka mið
af öðrum veiðikerfum.
Umdeild stefna
SÍÐASTA hindr-
unin í vegi Lissa-
bon-sáttmálans
virðist úr vegi
eftir að Vaclav
Klaus, forseti
Tékklands, féllst
á málamiðlunar-
tillögu Svía, sem
ætlað er að koma
til móts við þá
kröfu hans að staðfesting sáttmál-
ans muni ekki gera Súdeta-
Þjóðverjum kleift að krefjast bóta
frá tékkneska ríkinu.
Klaus hefur reyndar ekki form-
lega staðfest að hann fallist á tillög-
una en ráðið er af svörum skrif-
stofu hans að hann fallist á hana.
Reinfeldt viss um samþykki
Svíar fara með forsæti í Evrópu-
sambandinu til áramóta. Er Fred-
rik Reinfeldt, forsætisráðherra Sví-
þjóðar, þess fullviss að Tékkar
muni staðfesta sáttmálann eftir að
tillagan hefur verið felld að honum.
Áður en Klaus undirritar sátt-
málann þarf stjórnskipunarréttur
Tékklands að staðfesta að hann
brjóti ekki í bága við stjórnar-
skrána en fastlega er búist við því
að hann afgreiði málið á þriðjudag.
Tékkneskir þingmenn á bandi
Klaus skutu sáttmálanum til rétt-
arins en áðurnefnd krafa hans
snýst um að Súdeta-Þjóðverjar geti
ekki farið fram á skaðabætur fyrir
að hafa verið hraktir af landi sínu
eftir síðari heimsstyrjöldina.
Klaus
fellst á
millileið
Hindrun úr vegi
Lissabon-sáttmálans
Vaclav Klaus
MÁLTÆKIÐ segir að enginn veggur sé svo hár að asni
klyfjaður gulli komist ekki yfir hann. Hvort þessi jap-
anski gullörn kæmist yfir þennan margumtalaða vegg
fylgir ekki sögunni. Hitt er skýrt að hann er glæsilegur
og augnaráðið til þess fallið að hræða mýs og smádýr.
Verð á gulli er nú í upphæðum, yfir 1.000 dalir únsan.
GULLNUM VÆNGJUM ÞÖNDUM
Reuters
ÞAÐ er ekki
hægt að segja að
Bandaríkjamað-
urinn Dalton
Chiscolm leggi
fram hógværa
kröfu vegna
slæmrar þjón-
ustu í einu úti-
búa Bank of Am-
erica.
Skaðabæturn-
ar sem Chiscolm fer fram á eru 1.784
milljarðar billjóna dala, eða
1.784.000.000.000.000.000.000.000 dal-
ir. Segja má að Chiscolm fari fram á
allan auð heimsins eins og hann legg-
ur sig en til samanburðar er heims-
framleiðslan áætluð um 61 billjón
dala, eða 61.000.000.000.000 dala. Það
er margfalt minna fé.
Fjallað er um málið á vef breska
útvarpsins, BBC, en þar segir að töl-
ur með 24 núllum séu kallaðar Yotta
(eins og kíló á við þrjú núll, saman-
borið 1.000 grömm). Geislun sólar sé
á við örbylgjuofn í þessu margfeldi.
Vill allan
auð heims
Hér þyrfti marga
20 dollara seðla.
RANNSÓKNARNEFND á vegum
Hvíta hússins, sem sett var á lagg-
irnar í maí, hefur komist að þeirri
niðurstöðu að Geimvísindastofnun
Bandaríkjanna (NASA) eigi frekar
að stefna að því að fara í mannaða
geimferð til eins af tunglum Mars en
til tunglsins, eins og stefnt hafði ver-
ið að því að gera innan fimmtán ára.
Norman Augustine, formaður
nefndarinnar, telur þannig skynsam-
legra að lenda á einu tungla Mars
eða á yfirborði halastjörnu en á
tunglinu. Báðir valkostir taki minni
tíma í undirbúningi en lending á
tunglinu.
Fjallað er um málið á vef breska
dagblaðsins The Daily Telegraph en
þar segir að nefndin komist að þeirri
niðurstöðu að frá og með 2014 þurfi
NASA á 367 milljarða króna auka-
fjárveitingu að halda árlega ef hún
eigi að hafa bolmagn til að senda
geimfara út fyrir sporbaug jarðar.
Nefndin fjallaði um geimferjur
NASA og Alþjóðlegu geimstöðina og
er niðurstaðan sú að ekki sé hægt að
leggja ferjunum fyrir 1. október á
næsta ári, eins og stefnt var að.
Verkefni við geimstöðina kalli á
framlengingu fram til ársins 2011.
Þá er vikið að geimstöðinni, sem
átti að taka úr umferð 2015. Hún
skuli vera í notkun vel fram á næsta
áratug enda bíði hennar fjöldinn all-
ur af verkefnum.
Tunglið tekið af dagskrá
Tölvumynd Ares I eldflaugin mun
koma við sögu í verkefnunum.