Morgunblaðið - 19.12.2009, Blaðsíða 22

22 FréttirVIÐSKIPTI | ATVINNULÍF
MORGUNBLAÐIÐ LAUGARDAGUR 19. DESEMBER 2009
J ó l a s ö f n u n
Mæðrastyrksnefndar Reykjavíkur
er hafin
Oft var þörf en nú er nauðsyn
Þeir sem vilja leggja nefndinni lið vinsamlega
hafið samband á skrifstofutíma í síma 551 4349
eða á netfangið maedur@simnet.is.
Einnig er hægt að leggja framlög inn á reikning
nr. 0101-26-35021, kt. 470269-1119.
Mæðrastyrksnefnd
Reykjavíkur,
Hátúni 12b.
0000
Jólagjöf
veiðimannsins
www.veidikortid.is
32 vatnasvæði á aðeins kr. 6.000
Fæst hjá N1, veiðivöruverslunum, www.veidikortid.is og víðar
Eftir Örn Arnarson
ornarnar@mbl.is
FYRIRHUGAÐAR breytingar
stjórnvalda á skattkerfinu hafa
meðal annars verið gagnrýndar
fyrir að flækja kerfið með þrepa-
skiptingu sem svo leiðir til ýmissa
vandkvæða. Eins og sjá má af
meðfylgjandi mynd hefði verið
býsna einfalt að ná fram þeim
tekjujöfnunaráhrifum sem skatta-
breytingum er ætlað að kalla fram
í núverandi kerfi: Eingöngu hefði
þurft að hækka tekjuskattspró-
sentuna upp í 43% og hækka per-
sónuafsláttinn upp í 65 þúsund
krónur.
Þessu myndi fylgja umtalsvert
hagræði þar sem að ekki þyrfti að
laga öll launakerfi í landinu að
breyttu skattkerfi. Auk þess kæmi
þetta fyrirkomulag í veg fyrir það
óhagræði fyrir launþega sem hlýst
af eftirágreiðslum á borð við það
sem getur komið upp þegar ein-
hver er í tveim störfum í þrepa-
skiptu skattkerfi. Ekki skiptir litlu
að þessi leið gerði auðveldara að
breyta kerfinu á ný í samræmi við
breyttar aðstæður í hagkerfinu.
Skattabreytingar óþarfar
Tekjujöfnunar-
markmið nást í nú-
verandi skattkerfi
Tekjuskattur
Laun: 200 þ. 400 þ. 600 þ. 800 þ. 1.000þ. 1.200þ. 1.400þ. 1.600þ. 1.800þ.
45%
40%
35%
30%
25%
20%
15%
10%
5%
0%
Prósenta skv. frumvarpi
Breytt prósenta og hærri
persónuafsláttur
Núverandi prósenta
Þetta helst ...
● STYRKUR Invest, sem áður hét BG
Capital og átti tæplega 40% hlut í FL
Group, var tekinn til gjaldþrotaskipta
þann 6. október sl. Innköllun krafna
birtist í Lögbirtingablaðinu á mánu-
daginn og hafa kröfuhafar tveggja mán-
aða frest til að lýsa kröfum sínum í
þrotabúið. Styrkur Invest var að fullu í
eigu Baugs, en 8. apríl 2008 var FL
Group-hlutum Haga, Eignarhaldsfélags-
ins ISP og 101 Capital rennt inn í Styrk.
ivarpall@mbl.is
Styrkur í gjaldþrot
● SAMKEPPNISEFTIRLITIÐ hefur kom-
ist að þeirri niðurstöðu að Síminn hafi
gerst brotlegur við skilyrði sem eftir-
litið setti fyrirtækinu og og þannig rask-
að með alvarlegum hætti samkeppni
frá minni keppinautum. Leggur Sam-
keppniseftirlitið 150 milljónir króna
sekt á Símann fyrir að láta efni Skjásins
fylgja frítt með ADSL-tengingum.
Samkeppniseftirlitinu barst kæra frá
TSC ehf. þar sem því var haldið fram að
Síminn hefði brotið gegn skilyrðum
sem sett voru í ákvörðun samkeppnis-
ráðs um samruna Landssíma Íslands
hf. og Íslenska sjónvarpsfélagsins hf ár-
ið 2005. Síminn sendi frá sér frétta-
tilkynningu í kjölfar ákvörðunarinnar,
þar sem sagði að fjölmargar sjónvarps-
stöðvar hefðu verið án endurgjalds á
dreifikerfi Símans. „Það er því nauðsyn-
legt fyrir Símann að fara afar vel yfir
tæknilegar forsendur þessarar ákvörð-
unar. Fjárhæð sektarinnar gefur auk
þess tilefni til kæru til áfrýjunarnefndar
samkeppnismála.“
Samkeppniseftirlitið
sektar Símann
● EVRÓPSKI
seðlabankinn
gerir ráð fyrir
að bankar á
evrusvæðinu
þurfi að af-
skrifa lán að
andvirði 553
milljarða evra
vegna
fjármálakreppunnar. Þetta kemur
fram í nýrri fjármálastöðugleikaspá
bankans og hafa sérfræðingar
hækkað matið um 65 milljarða evra
frá því í síðasta mati. Matið er hækk-
að vegna nýrra upplýsinga um þróun
eignaverðs í Mið- og Austur-Evrópu.
Þrátt fyrir þetta kemur fram í skýrsl-
unni að dregið hafi verulega úr
áhættu í fjármálakerfinu á evru-
svæðinu vegna stjórnvaldsaðgerða,
ákvarðanna við stjórn peningamála-
stefnunnar og aðgerða sjálfra bank-
anna til þess að styrkja efnahags-
reikning sinn.
Tap banka á evrusvæð-
inu meira en ætlað var
Eftir Þórð Gunnarsson
thg@mbl.is
RAUÐSÓL ehf. greiddi ríflegt yf-
irverð miðað við verðmat sérfræð-
inga þegar félagið keypti eigin bréf
af þrotabúi Fons. Fons var áður í
eigu athafnamannsins Pálma Har-
aldssonar. Þrotabú Fons lét gera
verðmat á 26,12% eignarhlut Fons í
Rauðsól og niðurstaða matsins var
sú að eignarhluturinn væri einskis
virði. Hinn 31. október síðastliðinn
var gengið frá sölu á hlut Fons í
Rauðsól, en eina eign þess félags er
fjölmiðlasamsteypan 365 miðlar.
Söluverð liggur ekki fyrir, en eftir
því sem Morgunblaðið kemst næst
greiddi Rauðsól vel undir 100 millj-
ónum fyrir hlutinn. Aðaleigandi
Rauðsólar er Jón Ásgeir Jóhann-
esson.
Þrotabú Fons taldi því afar hag-
stætt fyrir kröfuhafa félagsins að
ganga að tilboði Rauðsólar. Óskar
Sigurðsson, skiptastjóri Fons, segir
í samtali við Morgunblaðið að eig-
endur Rauðsólar hafi haft frum-
kvæði að kaupunum. Ákveðið hafi
verið að ganga að tilboði þeirra í ljósi
þess hversu hátt verð var boðið fyrir
hlutinn, miðað við verðmatið. Fáum
dögum eftir að gengið var frá kaup-
um Rauðsólar á eigin bréfum af
þrotabúi í Fons gekk samruni Rauð-
sólar við 365 miðla endanlega í gegn,
en samruninn tekur gildi 1. janúar
næstkomandi.
Í nóvember 2008 keypti Rauðsól
fjölmiðlahluta 365 á einn og hálfan
milljarð króna, og með í kaupunum
fylgdi 4,4 milljarða rekstrarskuld
365. Samkvæmt því mátu eigendur
Rauðsólar fjölmiðlahluta 365 á 5,9
milljarða króna.
Eignarhlutur í 365
metinn einskis virði
 Skiptastjóri Fons segir söluna á þrotabúinu afar hagstæða
Í HNOTSKURN
»Samkvæmt verðmati semþrotabú Fons lét útbúa á
eignarhlut félagsins í 365 er
fjölmiðlasamsteypan verðlaus.
»Stuttu eftir að kaup Rauð-sólar á 26,12% hlut í sjálfu
sér gekk samruni við 365
miðla endanlega í gegn.
»Rauðsól borgaði 1,5 millj-arða fyrir 365 og tók yfir
4,4 milljarða skuldir.
Fjölmiðlar 365 er metið verðlaust.
Eftir Ívar Pál Jónsson
ivarpall@mbl.is
RÍKIÐ má aldrei komast upp með
að hagnast á ranglega álögðum
sköttum, segir Ásmundur G. Vil-
hjálmsson lögmaður í athugasemd-
um Skattvís slf. við frumvarp rík-
isstjórnarinnar til laga um tekju-
öflun ríkisins. Í frumvarpinu er
heimild skattaðila til að beiðast end-
urákvörðunar á sköttum takmörkuð
við sex ár aftur í tímann.
Mikilsverður réttur
„Hingað til hafa skattaðilar […] get-
að beiðst endurákvörðunar skatta
sinna óendanlega langt aftur í tím-
ann. Þótt sjaldgæft sé að á þetta
reyni í framkvæmd er um mikils-
verðan rétt að ræða. Ég myndi því
gjalda varhuga við þessari tillögu.
Ríkið má enda aldrei komast upp
með að hagnast á ranglega álögðum
sköttum,“ segir Ásmundur í at-
hugasemdum sínum sem hann sendi
til efnahags- og skattanefndar al-
þingis.
Endurskoðunarstofan KPMG
gerir athugasemdir við nokkrar
greinar frumvarpsins, m.a. þá 25.,
þar sem lagt er til að tekinn verði
upp tímabundinn skattur á eignir
manna yfir ákveðnum mörkum, en
talsmenn stjórnvalda kalla hann
„auðlegðarskatt“. Lagt sé til að við
útreikning skattstofnsins verði vikið
frá þeirri almennu reglu tekju-
skattslaga að hlutabréf skuli talin
fram á nafnverði.
Raunvirði skuli miðast við mark-
aðsvirði ef bréfin eru skráð, en ann-
ars skuli það miðast við hlutdeild í
skattalegu bókfærðu eigin fé félags-
ins. Eigi félagið hluti í öðrum fé-
lögum þurfi með sama hætti að
reikna raunvirði þeirra eignarhluta,
og þannig koll af kolli. „Sú keðja get-
ur orðið æði löng og teygt sig út fyr-
ir landsteina,“ segir í athugasemd-
unum.
„Hugtakið „skattalegt bókfært
eigið fé“ er grundvallarhugtak í
þeirri aðferðafræði sem lögð er til.
Það hugtak er þó hvergi skilgreint,
hvorki í frumvarpinu né í gildandi
lögum, og alls ekki er ljóst hvað við
er átt með hugtakinu,“ segir KPMG
í athugasemd sinni.
Óframkvæmanlegt ákvæði
Lögum samkvæmt skulu menn telja
fram til skatts á fyrri hluta árs og fé-
lög á seinni hluta árs. „Á þeim tíma
þegar menn koma til með að þurfa
að leiða eignarskattsstofn sinn fram
með framangreindum hætti liggja
því ekki fyrir forsendur til að reikna
skattalegt bókfært eigið fé félaga,
hvað sem í því hugtaki kann að fel-
ast.
Sýnilegt er að mönnum verður
alls ómögulegt að telja fram með
þeim hætti sem lagður er til í ákvæð-
inu. Það styrkir ekki skatt-
framkvæmd að leiða í lög ákvæði
sem er óframkvæmanlegt,“ segir að
lokum í athugasemd KPMG.
Morgunblaðið/Árni Sæberg
Endur-
ákvörðun
takmörkuð