Morgunblaðið - 19.12.2009, Blaðsíða 2
2 FréttirINNLENT
MORGUNBLAÐIÐ LAUGARDAGUR 19. DESEMBER 2009
um miðja 19. öld
FLYTUR fátæk
SÆNSK fjölskylda
vestur um haf í
LEIT AÐ betra lífi.
Það er mikil þrek-
raun en nýja
landið gefur
fögur Fyrirheit ...
EinstaKT meistaraverk
Salka – Skipholt 50 c – www.salka.is
Morgunblaðið Hádegismóum 2, 110 Reykjavík. Sími 5691100 Fréttir ritstjorn@mbl.is Fréttastjórar Sunna Ósk Logadóttir, sunna@mbl.is Sigtryggur Sigtryggsson, sisi@mbl.is Viðskipti vidsk@mbl.is
Ívar Páll Jónsson, fréttastjóri, ivarpall@mbl.is Menning menning@mbl.is Umræðan | Bréf til blaðsins Guðlaug Sigurðardóttir, ritstjórnarfulltrúi, gudlaug@mbl.is Minningar mbl.is/sendagrein, Arnór
Ragnarsson Íþróttir sport@mbl.is Sigurður Elvar Þórólfsson, seth@mbl.is Víðir Sigurðsson, vs@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is
Eftir Hlyn Orra Stefánsson
hlynurorri@mbl.is
HVERGI í heiminum verður hærri
virðisaukaskattur en hér á landi
verði tillögur sem meirihlutinn í
efnahags- og skattanefnd Alþingis
lagði fram í gærkvöldi að veruleika.
Tillögurnar fela í sér að fallið
verði frá fyrri hugmyndum ríkis-
stjórnarinnar um þriggja þrepa
virðisaukaskatt. Vörur sem sam-
kvæmt nýframlögðu frumvarpi áttu
að bera 14% virðisaukaskatt, svo
sem veitingastarfsemi og sykraðar
vörur, munu áfram bera 7% vask.
Hins vegar hækkar hæsta skatt-
þrepið í 25,5%, en ekki 25% eins og
frumvarpið gerði ráð fyrir. Hvergi í
heiminum er hærri virðisauka-
skattur en 25%, en í Danmörku,
Ungverjalandi, Svíþjóð, Noregi og
Brasilíu bera ýmsar vörur svo háan
vask.
„Það hefur komið fram mikil
gagnrýni á aukið flækjustig með
nýju skattþrepi,“ segir Helgi
Hjörvar, formaður efnahags- og
skattanefndar. Hann útilokar þó
ekki að ráðist verði í fjölgun skatt-
þrepa síðar meir.
„Á milli umræðna hafa komið
fram upplýsingar um að virðisauka-
skatturinn skili heldur hærri
tekjum en gert var ráð fyrir í frum-
varpinu,“ segir Helgi. Samkvæmt
útreikningum sérfræðinga hjá fjár-
málaráðuneytinu gefi þessi nýja
leið ríkissjóði sömu tekjur og sú
leið sem lögð var til í frumvarpinu.
Pétur H. Blöndal, sem situr í
efnahags- og skattanefnd fyrir
Sjálfstæðisflokk, segist gáttaður á
breytingartillögum meirihlutans.
Hann segir að mikil hætta sé á því
að skatthlutfallið sé nú þegar orðið
það hátt að aukið skatthlutfall þýði
að ríkið fái minni tekjur en fengjust
með lægra skatthlutfalli.
„Það eru ýmsar ástæður sem
geta orðið til þess að skattstofninn
minnkar. Það gerist t.d. með því að
ákveðinn rekstur leggst af, annar
rekstur minnkar, og skattsvik
aukast,“ segir Pétur.
Þá gerir hann alvarlegar athuga-
semdir við meðferð málsins. Nefnd-
in hafi ekki fengið nema örfáar
mínútur til að ræða breytingartil-
lögurnar og þeim fylgdu hvorki
umsagnir sérfræðinga né álit frá
hagsmunaaðilum.
Heimsins hæsti skattur
Meirihlutinn leggur til að hætt verði við þriggja þrepa virðisaukaskattskerfi
Hætta við 14% skattþrepið en leggja þess í stað til að hæsta þrepið hækki
» Leggja til að hæsta þrep hækki í 25,5%
» Hvergi í heiminum er virðisaukaskattur hærri
» Aukið flækjustig gagnrýnt, segir Helgi Hjörvar
» Pétur H. Blöndal gáttaður á breytingunum
HLUTVERK íslenska hestsins og blómlegt starf
sem honum tengist heima og heiman var í
brennidepli í gær þegar haldið var upp á 60 ára
afmæli Landssambands hestamannafélaga. Af-
mælishátíð var í Iðnó, en sambandið var á sínum
tíma stofnað í næsta húsi, gamla Búnaðarfélags-
húsinu. Í tilefni afmælisins var farin skrautreið í
miðborginni þar sem vel sást hvílíkur kostagrip-
ur íslenski hesturinn er og hæfileikar miklir.
SKRAUTREIÐ Á AFMÆLI HESTAMANNA
Morgunblaðið/Heiddi
UNDIRRITAÐIR voru í gær samningar um kaup Sveit-
arfélagsins Garðs á kirkjujörðinni Útskálum. Jörðin er
rúmlega 70 hektarar og nær meðal annars yfir Garðskaga
og hinn forna Garð sem byggðarlagið er kennt við. Sveitar-
félagið hafði áður eignast hluta jarðarinnar, en undanskild-
ar í sölunni nú voru lóðir undir prestssetur, safnaðarheimili
og kirkjugarð.
Útskála er fyrst getið um árið 1200 og hefur kirkja verið
á staðnum síðan þá. Þar er eitt elsta prestssetur landsins,
sem nú er í eigu félags um uppbyggingu Útskála.
Landsvæðið sem bærinn keypti nær frá Miðhúsum að
Garðskagavita en þar er nokkuð dreifð byggð gamalla
timburhúsa.
„Byggðin hefur verndargildi og við viljum efla þar ýmsa
liststarfsemi. Þá eru þarna kartöflugarðar og margir vilja
einmitt hefja garðrækt núna í kreppunni,“ sagði Ásmund-
ur Friðriksson, bæjarstjóri í Garði, í samtali við Morg-
unblaðið í gær. Sveitarfélagið Garður greiddi alls 90 millj-
ónir króna fyrir Útskálajörðina. sbs@mbl.is
Garðurinn kaupir kirkju-
jörð fyrir kartöflurækt
Morgunblaðið/Helgi Bjarnason
Útskálar Kirkja hefur verið í Garði um aldir og nú hef-
ur sveitarfélagið eignast lendur kirkjunnar á staðnum.
Borga 90 milljónir fyrir svæð-
ið þar sem eru gömul hús
Eftir Baldur Arnarson
baldura@mbl.is
„Ég vil segja að
þetta er byggt á
miklum misskiln-
ingi og á því sem
ég vil kalla ís-
lenskri undan-
þágupólitík,“ seg-
ir Svandís
Svavarsdóttir
umhverfis-
ráðherra um þá
gagnrýni að
stuðningur ríkisstjórnarinnar við
loftslagsmarkmið ESB gangi gegn
hagsmunum Íslands.
„Þetta snýst auðvitað um það að
árið 2013 er það þannig – vegna þess
að við erum aðilar að Evrópska efna-
hagssvæðinu – að íslensk stóriðja
býr við sömu skilyrði og öll stóriðja í
Evrópu því þá fer hún inn í evrópskt
viðskiptakerfi með losunarheimildir.
Þannig að íslensk stóriðja getur þá
keypt og selt losunarheimildir […]
hvar sem er.
Unnið í samvinnu við SA
Samtök atvinnulífsins hafa verið
samferða okkur í þessari útfærslu.
Fulltrúi frá samtökunum hefur átt
aðkomu að samninganefndinni og
öllum fundum hennar. Þannig að
þessi ágreiningur er ekki raunveru-
legur og byggður á misskilningi.
Hann hefur snúist um skilning á
hinu íslenska ákvæði sem kvað á um
10% aukningu í losun gróðurhúsa-
lofttegunda í stað samdráttar og er
bundið fyrsta tímabili Kyoto-
bókunarinnar til 2012. Íslenska
ákvæðið hefur því engan tilgang og
enga skírskotun eftir að evrópska
kvótakerfið með losunarheimildir
hefur verið innleitt.“
Ásakanir
byggðar á
rangtúlkun
Svandís
Svavarsdóttir
Umhverfisráðherra
svarar gagnrýni
LÖGREGLAN á höfuðborgarsvæð-
inu þurfti að elta uppi ökumann á
Miklubrautinni síðdegis í gær eftir
að hann sinnti ekki stöðvunarmerkj-
um í hefðbundnu umferðareftirliti.
Hafði hann ekið á ofsahraða eftir
Miklubraut og valdið mikilli hættu í
annars þéttri umferð.
Að sögn lögreglu slapp maðurinn
ómeiddur og bíllinn sömuleiðis án
tjóns. Maðurinn var í kjölfarið hand-
tekinn fyrir aksturslagið.
Veitt eftirför