SunnudagsMogginn - 17.01.2010, Blaðsíða 6

Helstu keppinautar Harts um hanskana á HM eru sex. David
James (Portsmouth) er orðinn 39 ára en hefur eigi að síður ver-
ið besti enski markvörðurinn um árabil. Hann er á hinn bóginn
alræmt ólíkindatól og margt bendir til þess að hann eigi ekki
upp á pallborðið hjá Fabio Capello. James hefur leikið 49
landsleiki. Paul Robinson (Blackburn) var um tíma fyrsti val-
kostur í markið en hefur misst flugið á liðnum misserum enda
þótt hann sé á besta aldri, þrítugur. Hann á að baki 41 lands-
leik. Robert Green (West Ham) byrjaði inná í síðasta leiknum í
undankeppni HM og hefur verið vaxandi í leik sínum. Hvort
hann á erindi í lokakeppnina er önnur saga.
Sama gildir um hina þrjá markverðina sem verið hafa viðloð-
andi enska landsliðið undanfarin ár. Ben Foster (Manchester
United) er þriðji valkostur á Old Trafford og klúðraði gullnu tæki-
færi í fjarveru annarra sl. haust. Chris Kirkland (Wigan) er alltof
mistækur og það frýs í helvíti daginn sem Englendingar taka
með sér B-deildarmarkmann á HM, Scott Carson (WBA).
Robert Green
Í óðum höndum
6 17. janúar 2010
Hann lagði landsliðshanskana á hilluna fyr-
ir 38 árum. Eigi að síður eru allir enskir
markverðir bornir saman við Gordon
Banks. Hann er hið endanlega viðmið. Ekki
bara í Englandi, Banks varð annar í kjöri á
vegum Alþjóða knattspyrnusambandsins á
besta markverði 20. aldarinnar á eftir
Rússanum snjalla Lev Yashin. „Öruggur
eins og bankar Englands“ (e. Safe as the
Banks of England) var jafnan sagt um
Banks til að undirstrika stöðugleikann.
Ætli það eigi við í dag?
Banks, sem lengst af lék með Leicester
City og Stoke City, er orðinn 72 ára. Hann
var í liði Englendinga sem vann heims-
meistaratitilinn á heimavelli sumarið 1966
en hápunkturinn á ferli kappans var lygileg
varsla frá sjálfum Pelé á HM í Mexíkó fjór-
um árum síðar. Á því augnabliki var Gordon
Banks í kattarlíki. Sú varsla er almennt
álitin sú besta sem sögur fara af.
Öruggur eins
og ensku
bankarnir
Gordon Banks lék 73 landsleiki fyrir England á árunum 1963-72.
S
ú var tíðin að Englendingar áttu bestu
markverði í heimi. Gordon Banks, Ray
Clemence, Peter Shilton og David Seam-
an eru allir goðsagnir enda þótt sumir
þeirra hafi verið notaðir fram yfir síðasta söludag.
Hvað var Shilton t.d. að gera á HM á Ítalíu 1990?
Samtals léku þessir menn 334 landsleiki fyrir
Englands hönd á fjörutíu ára tímabili, 1963 til
2002. Shilton þar af 125, sem er met. Fáir aðrir
komust að á þessum tíma, utan Chris Woods, sem
lék 43 leiki á árunum 1985-93. Eftir að Seaman lék
sinn 75. og síðasta landsleik 2002 hófst á hinn
bóginn mikil eyðimerkurganga. Fjölmargir mark-
verðir hafa verið kallaðir en enginn í raun útval-
inn. Og klárlega enginn skipað sér á bekk með
bestu verjendum í heimi.
Enskir markverðir hafa satt best að segja verið
aðhlátursefni og langt síðan toppliðin fjögur
hættu að sækjast eftir þeim. Tékki ver mark
Chelsea, Hollendingur er hjá Manchester United
og Spánverjar hjá Arsenal og Liverpool. Ekki nóg
með það, af tuttugu liðum í úrvalsdeildinni eru
aðeins fimm með Englending sem fyrsta valkost í
markið, Birmingham City, Blackburn Rovers,
Wigan Athletic, West Ham United og Portsmo-
uth.
Hefur farið á kostum hjá Birmingham
Nú binda sparkskýrendur vonir við að þessum
galeiðuróðri sé loksins að ljúka. Fram á sjón-
arsviðið er kominn ungur og stæðilegur maður,
Joe Hart, sem hefur burði til að ná hæstu hæðum.
Hann hóf ferill sinn kornungur hjá Shrewsbury
Town og hafði leikið 54 leiki í neðstu deild áður
en úrvalsdeildarlið Manchester City festi kaup á
honum árið 2006. City lánaði Hart til Tranmere
Rovers og Blackpool til að skóla hann til en Sven
Göran Eriksson kallaði hann aftur til félagsins fyr-
ir leiktíðina 2007-08 og gerði hann að að-
almarkverði. Þeirri stöðu hélt Hart þangað til fyrir
réttu ári að Mark Hughes festi kaup á Íranum
Shay Given frá Newcastle United. Hughes fann
fyrir andardrætti eigendanna í hálsmálinu og vildi
tryggja sér reyndari mann í markið. Það dugði
skammt. Ekki kom þó til álita að selja Hart frá
City og í sumar komst félagið að samkomulagi við
Birmingham City, nýliðana í úrvalsdeildinni, um
að lána hann þangað út sparktíðina. Skemmst er
frá því að segja að Hart hefur farið á kostum með
Birmingham, átt hvern stórleikinn af öðrum.
Mestur var völlurinn á honum gegn toppliði
Chelsea heima um jólin, þegar Lampard, Drogba
og félagar reyttu hár sitt og skegg af angist.
Alex McLeish, knattspyrnustjóri Blástakkanna,
kysi ekkert frekar en að halda Hart áfram en hefur
þegar viðurkennt ósigur sinn opinberlega. Man-
chester City hefur engan áhuga á að selja hann. Ef
að líkum lætur snýr Hart heim í vor og hætt er við
að Shay Given þurfi að fara í sparihanskana næsta
vetur ætli hann ekki að verma tréverkið.
Einsýnt þykir að Hart verði aðalmarkvörður
Englands um ókomna tíð. Stóra spurningin er
hvort hann sé tilbúinn að verja heiður þjóðar
sinnar á heimsmeistaramótinu í Suður-Afríku í
sumar. Hann á aðeins einn landsleik að baki, gegn
Trinídad og Tóbagó sumarið 2008. Úr því verður
væntanlega skorið í æfingaleikjum landsliðsins
með hækkandi sól.
Hinn 22 ára gamli Joe Hart þykir eiga bjarta framtíð fyrir höndum.
Er eyðimerkur-
gangan á enda?
Loksins kemur almennilegur
markvörður fram í Englandi
Vikuspegill
Orri Páll Ormarsson orri@mbl.is
Hart ver eitt af fjölmörgum skotum gegn Chelsea.
Reuters
David James Ben Foster Paul Robinson
25-60%
©
IL
V
A
Ís
la
n
d
20
10
einfaldlega betri kostur
laugardaga 10-18 sunnudaga 12-18
mánudaga - föstudaga 11-19 s: 522 4500 www.ILVA.is
NALÚT AS
ER Í FULLUM GANGI
AF VÖLDUM VÖRUM
YFIR 1000 VÖRUNÚMER Á LÆKKUÐU VERÐI