SunnudagsMogginn - 17.01.2010, Blaðsíða 37

17. janúar 2010 37
Ég hugsa að fatahönnun sé svona
5% af minni vinnu og þá er ég
ekki einu sinni að ýkja.
með því hvernig varan er kynnt kúnn-
unum og það næst 100% í eigin versl-
unum.“
Aukning á Íslandi
Vegna kreppunnar hefur Birna hins veg-
ar lagt áform um að opna fleiri verslanir
á hilluna í bili og verður í staðinn með
fötin sín á sölusýningum á næstunni, í
fyrsta sinn í langan tíma. „Það verður
spennandi að sjá hvernig kaupendurnir
taka vetrarlínunni 2010. Ég er allavega
ánægð og hlakka mikið til að sjá við-
brögðin.“
Meðan fatasala hefur dalað í Dan-
mörku gengur verslunin á „kreppu-
hrjáða“ Íslandi vonum framar. „Við
finnum auðvitað fyrir því að krónan
hefur hrapað von úr viti en höfum aldrei
selt meira heima og það mikilvægasta er
að kúnnarnir heima eru svo ánægðir
með vöruna. Við seljum líka mikið til
útlendinga og í krafti þess hefur netsala
okkar, Birna online, smám saman aukið
söluna. Það er bara æðislegt að finna að
fólk tekur svona vel í þetta.“
Það er ekki ofsögum sagt af því að
stærstur hluti tíma Birnu fer í rekstur
fyrirtækisins. „Ég hugsa að fatahönnun
sé svona 5% af minni vinnu og þá er ég
ekki einu sinni að ýkja. Annars er ég
bara í framleiðslu og efnum og rekstr-
inum. Ég reyni líka að vera eins mikið
og ég get í búðunum þar sem það er svo
gefandi að hitta kúnnana persónulega.“
M fyrir Matrix
Þrátt fyrir erfiðleikana er Birna ekkert á
því að láta deigan síga. Sumarlínan
hennar er væntanleg í verslanir á næstu
mánuðum og er á hönnuðinum að heyra
að hann er hæstánægður með afrakst-
urinn. „Línan er hönnuð út frá silki-
prentinu okkar. Ég hannaði fyrst
munstrin og svo línuna út frá þeim.
Prentið stendur fyrir bókstafinn M og M
stendur fyrir Matrix. Mér finnst alltaf
voðalega erfitt að skýra út hvað ég er að
gera og af hverju,“ segir hún hlæjandi en
heldur áfram. „Ég hef alltaf verið þeirrar
skoðunar að fólk eigi að taka sína eigin
afstöðu, mynda sínar eigin skoðanir og
dæma sjálft. Ég er allavega rosalega
ánægð með útkomuna. Mér finnst eins
og línan sé mitt DNA í hnotskurn.“
Föt Birnu einkennast af hreinum, sí-
gildum línum. „Ég hef yfirleitt búið til
frekar klassísk, aðsniðin föt en svo litast
þau af þeim tíðaranda sem maður lifir í.
Mér finnst ég samt hafa verið aðeins of
föst í að finnast ég þurfa að hanna það
sem ég veit að selst. Þetta þrengir auð-
vitað rammann fyrir mig sem hönnuð en
mér finnst mér samt hafa tekist vel til í
þessari naflaskoðun.“
Þótt sumar/vorlínan 2010 komi ekki í
verslanir fyrr en í byrjun mars er Vetr-
arlínan fyrir 2010 tilbúin og upplýsir
Birna að hún sé um margt ólík fyrri
hönnun hennar. „Línan er mjög hrein,
„clean cut“ ef hægt er að segja það. Í
henni er mjög mikið af alls konar „dra-
peringum og plíseringum“, opnu baki,
gegnsæju siffoni og „hrár glæsileiki“ í
sumum flíkunum.“
Tekur einn dag í einu
Hvað framtíðin ber í skauti sér er erfitt
að segja. „Ég hugsa lítið um það,“ segir
Birna. „Við opnuðum þessar búðir og
þær gengu rosalega vel áður en heim-
urinn varð nánast gjaldþrota. Síðan höf-
um við einfaldlega tekið einn dag í einu.
Ég á örugglega eftir að halda áfram að
hanna í mörg ár en núna er það meira
háð utanaðkomandi aðstæðum hverju
sinni hvernig það gengur og hvað ég geri
næst.“
Vinnustofa Birnu er við Skydebanegade, skammt frá verslun hennar við Ystegade.
Þar eyðir hún tímunum saman við teikningar og að prófa sig áfram með snið, liti, efni
og annað sem skiptir máli við hönnunina.
Stutt kápa úr sumar-
línunni sem vænt-
anleg er í búðir.
Síður kjóll úr
vetrarlínunni
2009 sem enn
er í sölu.