Morgunblaðið - 29.01.2010, Blaðsíða 19

Fréttir 19INNLENT
MORGUNBLAÐIÐ FÖSTUDAGUR 29. JANÚAR 2010
Vilja vera hér áfram
FJÖLDI erlendra nemenda er við íslensku háskólana. Þannig eru um 1.100
erlendir nemar við Háskóla Íslands, þar af um 400 skiptinemar.
Karítas Kvaran hjá alþjóðaskrifstofu háskólastigsins segir að eftir hrun-
ið sé ódýrara að búa hér á landi og meira sé um að erlendir nemar vilji vera
hér áfram og stunda sitt framhaldsnám.
Erlendu meistara- og doktorsnemarnir sækja mikið í greinar sem Íslend-
ingar hafa sérþekkingu á. Jarðfræðin er dæmi um það.
Annað dæmi er hestafræðideild Háskólans á Hólum. Þar hefur um þriðj-
ungur nemenda komið að utan í allnokkur ár.
Jarðhitaskólinn eftirsóttur
JARÐHITASKÓLI Sameinuðu þjóð-
anna hefur starfað hér með góðum
árangri í áratugi. Hann er liður í
framlagi Íslendinga til þróun-
araðstoðar.
Tilgangur skólans er að aðstoða
þróunarlönd við að nýta jarðhita
með því að efla hóp sérfræðinga í
jarðhitafræðum. Það er gert með því
að bjóða háskólamenntuðu fólki sex
mánaða sérhæfða þjálfun.
Guðni A. Jóhannesson orku-
málastjóri segir að nú vilji sum þess-
ara landa senda fleiri nemendur í
skólann gegn því að greiða sjálf
kostnað vegna viðbótarnemenda. Þá
sé ásókn frá þróaðri ríkjum í að fá
nemendur í skólann, á sömu kjörum.
Loks hefur jarðhitaskólinn verið
beðinn um að halda námskeið í lönd-
um þar sem undirbúin er stórfelld
jarðhitanýting.
Landgræðsluskóli sem hér hefur
verið rekinn sem tilraunaverkefni á
vegum Landbúnaðarháskóla Íslands
og fleiri stofnana frá 2007 byggir á
sömu hugmynd og Jarðhitaskólinn.
Teknir eru inn nemendur frá þróun-
arlöndum og starfsemin er liður í
þróunaraðstoð.
Landgræðsluskólinn fer brátt
undir Háskóla Sameinuðu þjóðanna.
Meiri áhersla á ráðgjöf í jarð-
hitanýtingu en fjármögnun
ÞRÁTT fyrir efnahagserfiðleika og
erfiða umræðu um landið er talið
að Íslendingar eigi enn möguleika
til sóknar í ráðgjöf um nýtingu um-
hverfisvænna orkugjafa. „Margir
líta til Íslands sem forystulands
jarðhita og jarðhitanýtingar enda
höfum við mikið forskot fram yfir
önnur lönd, ekki síst ríkisstjórnir
landa sem eru taka sín fyrstu skref
á þessu sviði,“ segir Guðni A. Jó-
hannesson orkumálastjóri.
Íslenskir bankar, orkufyrirtæki
og ráðgjafarfyrirtæki hafa lagt
mikla áherslu á að taka þátt í upp-
byggingu orkuvera úti um allan
heim. Áherslan breyttist við hrun
íslensku bankanna. Nú er vaxandi
áhersla á ráðgjafarþáttinn. Íslend-
ingar eru að vísu enn beinir þátt-
takendur í ýmsum verkefnum sem
verið er að endurskipuleggja.
Orkumálastjóri segir mikla upp-
byggingu framundan í jarðhitanýt-
ingu í heiminum. Við hana þurfi
þekkingu sem Íslendingar búi yfir.
Þarna séu því sóknarfæri.
Orkuskólar sækja á erlend mið
Nokkrir orkuskólar hafa sprottið
upp á undanförnum árum. RES er
alþjóðleg stofnun á Akureyri sem
býður framhaldsnám á sviði end-
urnýjanlegrar orku í samvinnu við
Háskóla Íslands, Háskólann á Ak-
ureyri og háskóla erlendis. Þar eru
nú 38 meistaranemar og 50 innrit-
ast í næsta mánuði. Meginhlutinn
kemur erlendis frá, til dæmis inn-
ritast nú 27 pólskir verkfræðingar.
Orkuskólinn REYST er sam-
starfsverkefni Orkuveitu Reykja-
víkur og háskóla. Þar eru nem-
endur víðsvegar að úr heiminum.
Keilir á Ásbrú hóf í haust kennslu í
tæknifræði með orku sem sérsvið.
Er ætlunin að kynna þetta nám fyr-
ir erlendum nemendum. Keilir und-
irbýr einnig námskeið fyrir starfs-
fólk fyrirtækja á sviði umhverfis-
vænnar orku. Stjórnendur skólans
telja að mikil tækifæri séu á þessu
sviði. helgi@mbl.is
Morgunblaðið/RAX
Reykjanes Þekkingin verður til við
virkjun jarðvarmans.
Búist við flugnemum frá Kína
KEILIR sækir á erlendan markað með flugakademíu sína. Fyrsti erlendi
nemandinn hefur verið útskrifaður sem atvinnuflugmaður og fleiri eru á
leiðinni. Framkvæmdastjórinn vonast til að fá hóp nemenda frá Kína á
næstunni.
Hjálmar Árnason, framkvæmdastjóri Keilis, segir að með aukinni hag-
sæld í Kína hafi sprottið upp fjölmörg flugfélög og þjálfað flugfólk vanti til
starfa. Hann telur að þar kunni að vera tækifæri fyrir Keili.
Keilir er með markaðsfulltrúa í Kína. Hann kynnir nám fyrir flug-
freyjur, einkaflugmenn og atvinnuflugmenn í flugakademíunni á Ásbrú.
Hjálmar á von á því að þetta starf skili sér í því að hingað komi á næst-
unni hópur í flugnám og flugfreyjunám.
Flugnám Flugakademía Keilis á Ásbrú er með nýjar kennsluvélar.
Tíska og förðun
Morgunblaðið gefur út stórglæsilegt sérblað um
Tísku og förðun föstudaginn 19.febrúar 2010.
Pöntunartími auglýsinga er fyrir klukkan 16.00 mánudaginn 15. febrúar.
Nánari upplýsingar veitir Katrín Theódórsdóttir í síma 569 1105,
kata@mbl.is
Í blaðinu verður fjallað um tískuna
vorið 2010 í förðun, snyrtingu og
fatnaði, fylgihlutir auk umhirðu
húðarinnar, dekur og fleira.
Meðal efnis
Förðunarvörur • Förðrun • Húðin,krem og meðferð • Snyrting
Kventíska • Herratíska • Fylgihlutir • Skartgripir
• Það heitasta í tísku fyrir árshátíðirnar
• Hvað verður í tísku á vormánuðum
• Ásamt fullt af öðru spennandi efni
Fáðu þér áskrift á
mbl.is/askrift
Eftir Steinþór Guðbjartsson
steinthor@mbl.is
HLJÓÐVIST í nýjustu álmu Klé-
bergsskóla á Kjalarnesi er gölluð og
hefur truflað skólastarf í nokkur ár,
að sögn Björgvins Þórs Þórhalls-
sonar skólastjóra. Ámundi Brynj-
ólfsson, skrifstofustjóri mann-
virkjaskrifstofu framkvæmda- og
eignasviðs Reykjavíkurborgar, segir
að til standi að fara í úrbætur á
næstunni.
Nýja álman er á tveimur hæðum
og var tekin í notkun haustið 2003.
Niðri er matsalur og uppi fjórar stof-
ur og þar af ein í stóru rými sem býð-
ur upp á mikla möguleika í kennslu.
„Það hefur skemmt fyrir okkur að
hljóðvistin hefur verið svona slæm,“
segir Björgvin Þór og bætir við að þó
engin læti séu virðist vera mikið
skvaldur og hávaði í byggingunni. Í
náttúrufræðistofunni sé til dæmis
mjög erfitt að kenna og sér hafi
hreinlega dottið í hug að loka stof-
unni alfarið þar til hljóðvistin verði
bætt.
Áhrif á aðbúnað krakkanna
Björgvin Þór segir að vandamálið
hafi ekki aðeins áhrif á skólastarfið
heldur líka á aðbúnað krakkanna, því
það sé ekki hollt að vera í húsnæði
með svona slæmri hljóðvist. For-
eldrar hafi þrýst á mannvirkjaskrif-
stofuna um aðgerðir og sá þrýst-
ingur virðist hafa haft áhrif, en í
millitíðinni hafi skólinn fjárfest í dýr-
um gardínum til þess að brúa bilið.
Ámundi segir að tillaga um úrbæt-
ur hafi verið unnin í fyrra en fram-
kvæmdum hafi verið frestað til yf-
irstandandi árs. Fjárveiting upp á 10
milljónir króna sé fyrir hendi og
ákveðið hafi verið að bíða ekki til
sumars heldur vinna verkið samhliða
skólastarfinu.
Morgunblaðið/Þorkell
Klébergsskóli Kjalarnesi Nýja álman er á tveimur hæðum og var tekin í notkun haustið 2003.
Gölluð hljóðvist hindrar skólastarf