Morgunblaðið - 29.01.2010, Blaðsíða 22

ÍSLENDINGAR eru
kappmikil þjóð. Það sést
best á skilgreiningu okk-
ar á árangri hand-
boltalandsliðsins.
Þeir rokka milli
þess að vera strák-
arnir okkar, bjánarnir okk-
ar eða bara landsliðið. Það er ekki að ástæðu-
lausu sem stuðningsmannafélagið heitir ekki
bara Í blíðu heldur Í blíðu og stríðu. Allir hafa
sína skoðun á gengi liðsins og áhugi Íslendinga
á íþróttagreininni er einstakur. Um 200.000
manns horfðu á leik Íslands og Danmerkur
sem reyndist mesta sjónvarpsáhorf sem
mælst hefur frá því mælingar hófust.
Ég var staddur á þorrablóti í Mos-
fellsbæ síðasta laugardagskvöld þegar
umræddur leikur milli frændþjóð-
anna fór fram. Síðustu 15 mín-
úturnar voru sýndar á risa-
skjá í íþróttahúsinu og
öll dagskrá kvölds-
ins riðlaðist að sjálfsögðu. Og enginn var súr, nema
kannski slátrið og hrútspungarnir sem biðu enn um sinn
eftir að verða étnir. Hlaðborðið svignaði undan mygluðum
mat sem lá hvorteðer ekkert á að borða. Skrítið að fólk láti
þetta ofan í sig, nú þegar búið er að finna upp þessar fínu
frystikistur sem eiga að geta komið í veg fyrir að matur
skemmist. Nú fussa ef til vill gárungarnir og segja að
ég sé með óþroskaðan smekk og tilheyri pizzu-
kynslóðinni. En hvað um það. Strákarnir okkar
áttu sinn þátt í þeirri gleði sem ríkti á blótinu
það sem eftir lifði kvölds og nætur.
Þegar þessi orð eru skrifuð eru Íslendingar
taplausir og komnir í undanúrslitaleik Evr-
ópumótsins í Austurríki. Enginn að velta
fyrir sér Icesave eða hvort ísbirnir gangi á
land. Helgin framundan lofar góðu og vænt-
ingar til liðsins ná nú nýjum hæðum. Við
getum ekki annað en verið stolt af
strákunum.
Litla, fátæka Ísland á eitt
besta handknattleikslið í
heimi. Berum höfuðið hátt
og verum stolt af landi og
þjóð.
Áfram Ísland!
hilmar@mbl.is
HeimurHilmars
22 Daglegt líf
MORGUNBLAÐIÐ FÖSTUDAGUR 29. JANÚAR 2010
Gullmolar sofandi manns
Vefsíðan
ÞESSI síða er helguð gullmolum sem
hrjóta af vörum hins sofandi Adams
en konan hans skráir þá samvisku-
samlega niður. Hún segir eiginmann-
inn dagfarsprúðan mann en oft fari
lítið fyrir því í því sem hann segi í
svefni. Svo vinsæl eru þau orðin að á
síðunni er hægt að kaupa boli, svunt-
ur, músamottur og kaffikrúsir með
áprentuðum gullmolum.
Ég get ekki haft stjórn á kettling-
unum. Of mörg veiðihár, of mörg
veiðihár!
Ég vil ekki deyja! Ég elska kynlíf.
Og loðin dýr.
Ég er ekki búinn að þyngjast. Aug-
un þín eru feit.
Ég myndi frekar fletta af mér húð-
inni og baða hrátt hold mitt upp úr
ediki en að eyða tíma með þér. En
það er bara mín skoðun. Ekki taka
það persónulega.
Meðan ég man, þótt þú baðir þig
upp úr rósavatni angarðu enn eins
og skítur.
Þú ert sæt. Sæt sæt sæt sæt sæt
sæt … Drullaðu þér nú í burtu og
vertu sæt einhvers staðar annars
staðar. Mér leiðist.
Þú getur ekki verið sjóræningi ef
þú ert ekki með skegg. Ég ræð.
MINN bátur. MÍNAR reglur!
Heyrðu ekki … ekki segja neitt.
Skrifaðu það í tölvupósti og þá get
ég hunsað það eins og mér sýnist.
Horfðu bara á þig. Einmitt, og
horfðu nú á mig. Þú átt ekki mögu-
leika. Ég er viss um að það hlýtur
að vera glatað að vera þú.
sleeptalkinman.blogspot.com
Eftir Andra Karl
andri@mbl.is
Þetta er múnderingin semþau þekkja og hafa séð áYouTube,“ segir KaraArngrímsdóttir, dans-
kennari og eigandi Dansskóla
Jóns Péturs og Köru, um klæðnað
þátttakenda á Michael Jackson-
dansnámskeiði skólans. „Við höf-
um ekki beðið þau um að mæta
sérstaklega klædd en sum þeirra
mæta alltaf uppáklædd, með hatt-
inn, hanskann og allan pakkann.
Þau lifa sig virkilega inn í þetta
og kunna öll Jackson-„múvin“.“
Fyrsta Jackson-námskeiðið var
haldið í haust og var þá einn hóp-
ur. Eftirspurn jókst hins vegar
mikið og eru þrír hópar á vorönn,
og um tuttugu þátttakendur í
hverjum hóp. Kennt er einu sinni í
viku í fjórtán vikur.
Kara segir námskeiðin vinsælli
meðal drengja en þó séu nokkrar
stúlkur inn á milli. Flest eru þau á
aldrinum níu til ellefu ára. Kara
segir strákana marga hverja mjög
áhugasama um söngvarann,
grúska mikið, t.d. á netinu, og
hafa gaman af. Sérstaklega
skemmtilegt sé einnig, að ekki er
um að ræða hóp sem endilega fer
á dansnámskeið.
Auðséð er, að lát söngvarans
hafði mikil áhrif og vakti athygli
nýrrar kynslóðar á lögum Jack-
sons, og ekki síst hreyfingum
hans. Kara segist hafa séð mörg
merki þess síðasta sumar, að snið-
ugt væri að setja á fót Jackson-
námskeið. „Ég var til að mynda á
ættarmóti og þar var töluvert af
strákum á þessum aldri, sem vildu
ólmir fá að heyra eitthvað með
Michael Jackson. Þegar lög hans
voru sett á byrjuðu þeir allir að
reyna sig á hreyfingum hans, s.s.
tunglgöngunni, hans aðalsmerki.“
Óvíst er hins vegar hversu lengi
Jackson-æðið stendur yfir og því
eins með námskeið á haustönn.
Kara segir að púlsinn verði tekinn
á því síðsumars hvort sama
stemning sé fyrir námskeiðunum.
Morgunblaðið/Árni Sæberg
Flottar hreyfingar Þátttakendur á Jackson dansnámskeiðinu leggja mikið á sig til að líkjast söngvaranum sáluga.
Eru vel að sér Margir þeir krakkar sem eru á námskeiðinu grúska heil-
mikið á netinu og afla sér þannig upplýsinga um Michael Jackson.
Mæta klædd eins og goðið og búin að grúska mikið á netinu
Með Jackson alveg á hreinuNærfatnaður
utanklæða
MEÐ hækkandi sól fer fötunum
fækkandi og hvað sem öllu veðri
mun líða verður sumarið 2010 engin
undantekning.
Stuttir toppar í brjóstahaldarastíl
eða „bustiers“ í öllum stærðum og
gerðum verða áberandi, en hönn-
uðir eins og Jean Paul Gaultier,
Dolce & Gabbana og Dior notuðust
allir við þá í vor- og sumarlínum sín-
um. Upphaflega voru „bustiers“
hugsaðir sem nærfatnaður og til-
gangur þeirra var að þrýsta efstu
rifbeinum kvenmanna saman þann-
ig að barmur þeirra lyftist upp, en
nú eru þeir notaðir jafnt innan og
utan klæða. Þetta trend er í anda tí-
unda áratugarins, flottir við háar
buxur, yfir eða undir gegnsæjum
bolum eða bara leyfa þeim að njóta
sín við jakka og hafa bert á milli fyr-
ir þá sem þora.
Leðrið sem hefur verið svo áber-
andi í vetur heldur sínu striki en
færist þó í sumarlegri búning. Leð-
urjakkinn klassíski, leðurkjólar, pils
og stuttbuxur fara yfir í ljósari liti,
drapplitaðan og brúnan. Skór og
fylgihlutir verða mjög þungir og
áberandi eða „chunky“ eins og það
kallast á ensku. Risastór hálsmen og
kokteilhringir við hvað sem er og
grófir, fylltir hælar.
Vatnslita- og abstraktmynstur
voru áberandi á sýningarpöllum
tískuvikunnar í september, en þau
spiluðu stóran þátt í sýningum
hönnuða á borð við Alexander
McQueen og Givenchy. Þau verða,
ásamt gömlu góðu blóma og rönd-
óttu mynstrunum, allsráðandi í sum-
ar í öllu frá kjólum og skóm til sund-
fatnaðar.
Enn gera áhrif tíunda áratug-
arins vart við sig í gegnsæja trend-
inu sem er smám saman byrjað að
stimpla sig inn. Við erum þó ekki
bara að tala um æpandi þrönga boli
sem skilja lítið eftir fyrir ímynd-
unaraflið, heldur kemur þetta trend
inn með mun meiri elegans en áður.
Gegnsæja efnið verður notað í
mörgum lögum og blandað saman
við önnur efni í útskornum „cut out“
kjólum sem við munum sjá mikið af.
Útkoman verður kvenleg og kyn-
þokkafull án þess að beinlínis sýna
of mikið.
Þá er bara að drífa sig í ræktina
til að geta púllað þetta allt með
glans. Bara nokkrir mánuðir til
stefnu. thorhildurthorkels@yahoo.com
Flott Gegnsætt og „bustiers“ verða í tísku.
Tískusumarið 2010
’Berum höf-uðið hátt og ver-
um stolt af landi
og þjóð