SunnudagsMogginn - 14.11.2010, Page 25

14. nóvember 2010 25
H
elga Steffensen er fædd 1934 í Reykjavík. Hún
bjó lengstan hluta æskunnar á Hávallagötunni,
gekk í Miðbæjarskóla, síðan Verzlunarskólann
og nam einnig tónlist í Tónlistarskólanum í
Reykjavík. Hún starfaði sem flugfreyja í nokkur ár og bjó
bæði í Hamborg og Kaupmannahöfn með manni sínum
Herði sem var flugvélstjóri og glerlistamaður.
Helga var ein af fjórum brúðulistakonum sem stofnuðu
Leikbrúðuland. Leikhúsið sýndi fyrstu árin í Sjónvarpinu en
1973 hófust sýningar í kjallaranum að Fríkirkjuvegi 11 og þar
var sýnt á hverjum sunnudegi í mörg herrans ár. Helga er þó
eflaust þekktust fyrir starf sitt í Brúðubílnum og gjarnan
nefnd í sömu andrá og vinur hennar apinn Lilli. Brúðubíllinn
hefur skemmt börnum í fjölda ára með skemmtilegum leik-
sýningum á sumrin og hefur starfsemin verið dyggilega
styrkt af ÍTR.
Í sumar fagnaði Helga 30 ára starfsafmæli sínu með Brúðu-
bílnum og sólin skein gul og heit upp á hvern dag. Bíllinn fór
víða, í júní og júlí var sýnt í Reykjavík og í ágúst og sept-
ember ferðast um landið. Helga segir brúður og börn vera
sínar ær og kýr og er þakklát fyrir stuðning fjölskyldu sinnar
sem hafi stutt hana í gegnum árin með ráðum og dáð.
Helga með systkinum sínum Sigþrúði, Birni og Theódóru. Í sumarfríi á San Torínó.
Fjölskyldumynd tekin þegar Helgu var veitt Fálkaorðan. Björn Sverrir, Hörður,
Helga Sigríður og Valdimar.
Helga var umsjónarmaður Stundarinnar okkar í sjö vetur.
Mynd frá sumrinu í ár í Brúðubílnum. Sigrún Edda leikstjóri, Gígja brúðu-
stjórnandi, Helga og Kjartan Björn bílstjóri og tæknimaður.
Dindill og Agnarögn sem voru leikin af Þóri Tuliníus
og Eddu Heiðrúnu Backman.
Sól, sól
skín á mig
Helga Steffensen hefur helgað líf
sitt brúðum og börnum. Hún hélt
upp á 30 ára starfsafmæli á þeim
vettvangi í sumar.
Sigríður Hannesdóttir vann í mörg ár í leik-
húsinu með Helgu. Frá Leikbrúðulandi. Ein af fyrstu sýningunum um Meistara Jakob og félaga.
Helga og barnabarnið Sævar.
Frá flugfreyjuárunum hjá Loftleiðum.
Helga og hinn ástsæli Lilli.
Við sumarstörf á Laxatanga með barnabörnunum. Bústaðurinn
var byggður 1931 af foreldrum Helgu.
Myndaalbúmið