SunnudagsMogginn - 14.11.2010, Side 39

14. nóvember 2010 39
Helgi Ingólfsson
sendi frá sér vin-
sæla bók á síð-
asta ári sem
gerist 1874. Í
Runukrossum
erum við aftur á
móti komin fram
til 2141.
Spurt er: Varstu búinn að fá nóg
af gamla tímanum?
„Af og frá að ég hafi fengið nóg
af gamla tímanum – ég á eftir að
heimsækja hann aftur á komandi
árum. En þótt tvær síðustu bækur
mínar gerist á afar ólíkum tímum,
eru þær skyldar að því leyti að önn-
ur fer um 140 ár aftur á bak og hin
um 140 ár fram í tímann – ég vildi
gefa eins konar „spektrum“ á það
hversu mikið Íslandssagan gæti
mögulega breyst á tæpum 300 ár-
um.
Ef við miðum við okkar tíma og
förum aftur í Íslandssögunni um
samsvarandi tímabil, tæpar þrjár
aldir, til um 1730, þá væri stóra-
bóla yfirstaðin fyrir ekki margt
löngu, kaupsvæðaverslunin (harð-
asta form einokunarverslunar)
væri enn við lýði og ennþá vantaði
rúma hálfa öld upp á að móðu-
harðindi og Skaftáreldar dyndu á
þjóðinni. Hefði Íslendingur um
1730 getað gert sér í hugarlund
hvernig umhorfs yrði á Íslandi árið
2010?
Með því að fara þessa leið í
skáldsagnaritun er ég í raun að
setja fram spurninguna: Hefði Ís-
lendingur um 1870 getað gert sér í
hugarlund þá framtíð, sem ég lýsi
fyrir honum um 2140 – framtíð-
arsýn sem ég tel ekki með öllu
ósennilega miðað við forsendur
dagsins í dag?“
Helgi Ingólfsson
Fram og aftur
Hryggjarstykki í smásagnasafni Óskars Magn-
ússonar, Ég sé ekkert svona gleraugnalaus, er
saga af blokk og íbúum hennar. Spurt er: Langaði
þig ekkert til að fara lengra með blokkarsöguna,
leyfa henni jafnvel að af leggja bókina undir sig?
„Það kom til álita að meðhöndla hana öðruvísi
og mér skilst reyndar á mér fróðari útgefendum
að það megi vel gera það enn. Kannski reynir á
það.“
Óskar Magnússon
Blokkin hryggjarstykki
Í skáldsögu Sig-
urjóns Magn-
ússonar, Útlög-
um, segir frá
íslenskum ung-
mennum sem
halda til Austur-
Þýskalands í
nám á sjöunda
áratugnum, sum uppnumin af
sósíalismanum, en önnur ekki
eins hrifin, enda veruleikinn þar
austur frá annar en glansmyndin
gaf til kynna. Fljótlega fara náms-
mennirnir að takast á á pólitískum
og býsna ævintýralegum nótum.
Spurt er: Er það sönn saga?
„Hvað skyldi nú vera sönn
saga? Það sem ég skrifa þarna um
misklíð Íslendinganna í Leipzig er
ekki sannleikanum samkvæmt í
þeim skilningi að ég haldi því sam-
viskusamlega til haga sem á sín-
um tíma gerðist í námsmanna-
hópnum. Ég nýti vissulega sumt
sem ég veit en vík þó hiklaust af
vegi sannleikans þegar það þjónar
sögunni og því sem henni er ætlað
að fást við – sem á vel að merkja
ekkert skylt við sagnfræði. En von-
andi er þarna sannleikskjarni, eða
eigum við ekki að trúa því að skáld-
skapurinn sé ekki síðri leið en hver
önnur til að komast að kjarna
málsins um liðna tíð?“
Sigurjón Magnússon
Sönn saga?
Í bók sinni Blóðhófni yrkir Gerður Kristný upp úr
hinum fornu Skírnismálum um jötunmeyna Gerði
Gymisdóttur sem Skírnir sótti til Jötunheima
handa Frey húsbónda sínum. Í bókinni hefur Gerð-
ur tálgað svo ljóðsöguna og slípað að það eru ekki
eftir nema örfá orð á hverri síðu. Spurt er: Þú hef-
ur ekki óttast að slípa svo að ekkert væri eftir
nema þögnin?
„Nei.“
Gerður Kristný
Tálgað og slípað
SPENNA
OG DRAMATÍK
„Ég var sjö ára þegar ég ákvað
að drepa mömmu . . .“
Þannig hefst þessi spennandi og heillandi saga
um Evu sem neyðist til að gera upp erfiða fortíð.
Það sem mér ber er án vafa
besta glæpasaga Anne Holt.
Tone Solberg, Dagens Næringsliv
Ótrúlega spennandi, óhugnanleg
og einstaklega grípandi saga.
Anne Schäffer, Bergens Tidende
Raunsæ, áhrifamikil og feikilega vel skrifuð
glæpasaga sem hefur náð vinsældum um
allan heim.
. . . dásamleg eins og dökkt súkkulaði.
Nerikes Allehanda
Höfundur sýnir slíkt öryggi í stíl og
byggingu að jaðrar við fullkomnun.
Dagens Nyheter
salka.is • Skipholt 50c • 105 Reykjavík